Hugging Face's logo

Datasets:
indiejoseph
/
ted-transcriptions-cantonese

Modalities:
Text
Formats:
parquet
Size:
< 1K
Libraries:
Datasets
pandas
Dataset card Viewer Files Community
Dataset Viewer
Auto-converted to Parquet
Full Screen
id
stringlengths
20
95
text
stringlengths
9
7.9k
carolyn_beans_food_expiration_dates_don_t_mean_what_you_think
你雪櫃入面嘅食物有幾多 會喺送上飯枱之前就掉咗？ 喺舊年夏天野餐剩低嘅漢堡包？ 過咗保質期嘅牛奶？ 定係已經唔爽脆嘅紅蘿蔔？ 每年，世界各地浪費大量食物 而美國係其中一個 浪費最嚴重嘅國家 美國食物浪費有三成七 嚟自個人家庭 其中約莫兩成嘅食物掉咗 係因為消費者唔清楚 點樣理解食物標籤上嘅日期 但大部分嘅食物 其實依然可以安全食用 咁如果食物上嘅日期 唔係話俾我哋知啲嘢幾時壞咗 佢哋究竟表示啲乜？ 喺二十世紀之前 由製造食物 到食用地方之間嘅途徑 嚟得直接得多 而大部分人識得憑外觀、氣味同觸感 去評估食物新唔新鮮 但當超市開始積存加工食品後 究竟啲食物擺咗幾耐 就難以估計 喺美國，食品雜貨商採用包裝代碼 去追蹤住食物擺上貨架嘅時間 而喺 70 年代 消費者更要求得到呢啲資訊 好多超市至今仍然採用呢種 叫做「公開標註日期」嘅系統 食品製造商或者零售商 須要喺食品上標示日期 嚟顯示最佳新鮮程度 呢個咁空泛嘅指標 同食品過期或者安全食用毫無關係 事實上，呢種做法背後 都係冇乜科學根據 通常都冇規則訂明 應該用邊啲日子 所以大部分食品製造商 同零售商都傾向攞個早啲日子 確保顧客喺食物最新鮮嗰陣享用 下次會再返嚟幫襯 即係話好多食品喺過咗標籤日期之後 都係可以安全食用 擺咗好耐嘅曲奇、意粉同其他耐儲存嘅食品 食落可能味道會唔新鮮 但佢哋唔會危害健康 罐頭食物可以擺好耐 只要罐身冇凸起 或者生鏽就可以食用 雪櫃低溫處理 可抑制食物產生中毒嘅細菌 冷凍係無限期妥善儲存晚餐嘅方法 雞蛋放喺雪櫃 可以儲存五個禮拜 如果啲雞蛋壞咗 你個鼻會聞得出 而你由異味、滑潺潺嘅表面同霉菌度 分辨到啲壞咗嘅農產品 當然，某啲情況 都係寧願掉咗佢好過冒險啦﹗ 美國農業部建議將買番嚟嘅肉類 喺幾日內食完或者急凍 過咗期嘅 即食沙律、熟食肉類 同冇經巴斯德式消毒嘅芝士 係比較容易傳播致病嘅細菌 而你憑嗅覺同味覺 都察覺唔到 至於嬰兒奶粉配方係受到規管 須要標示安全日期 雖然有啲標籤發揮到預期嘅作用 但係極大部分都冇做到 喺 2019 年嘅調查 訪問咗超過一千個美國人 多過七成人表示會以日期標籤 去判斷啲食物重食唔食得 而接近六成人就表示會掉咗 任何過期嘅食物 餐廳同食品雜貨商 通常都會咁樣做 為要避免浪費食物 好多專家主張要立法 要求日期標籤 必須用兩種標準句語之一： 「此日期前最佳」表示新鮮度 「此日期或之前食用」表示食用安全期 呢個解決方法並非完美 但有啲美國研究員估計 喺聯邦層面制定呢啲標準 可以避免每年浪費 大約三十九萬八千噸嘅食物 雜貨商亦可以嘗試 搣走喺農產品嘅食物標籤 正如英國幾間連鎖超市咁做 鼓勵消費者靠自己做判斷 好多專家亦提倡制訂政策 獎勵食品雜貨商同餐廳 捐出賣唔出嘅食物 目前，對於保質期造成嘅疑惑 令美國至少有二十個州 限制捐贈過咗標籤上保質期嘅食物 其實，縱使聯邦政府 有保護呢種類型嘅捐贈 法國呢類國家更進取 要求多間超市捐贈賣唔出嘅食物 唔理政府點樣決定 防止浪費食物嘅最佳方法 係食曬買嚟嘅食物 唔好唔記得你對眼 鼻哥同埋條脷 通常係用嚟決定 究竟啲食物係唔係重食得 定係掉落堆肥箱度
ted_ed_is_it_normal_to_talk_to_yourself
朝頭早鬧鐘嚮嘅時候 你會問自己 「點解要 set 到咁早噃？」 當擦緊牙你會諗： 「我要剪一吓頭髮…… 除非？」 衝出門口 你喺到摷鎖匙 然之後發覺唔喺度 激到你噉嗌：「我咩都做唔啱！」 啱啱發現你鄰居喺隔離 被人睇到自己同自己講嘢係好醜 仲有人將呢啲嘢生安白造 話係精神唔正常喎﹗ 但係幾十年嘅心理學研究話 自己同自己講嘢 係好正常 事實上每日唔係所有 都大多數人用唔同嘅方式 嚟進行自我對話 噉點解我哋會自言自語嘅呢？ 仲有我哋所講嘅嘢 係重唔重要㗎？ 自我對話指嘅係 你腦入邊嘅旁白 有時亦講話係內在嘅言語 與想像或者回憶嘅 事實同人物有唔同 準確啲嚟講，心理學家 將自我對話解釋為 將啲個人或者生活某方面諗法語言化 包括好似個人對話： 「要畀啲心機鍛鍊自由球。」 亦都包括整日會有嘅自我反省 好似「今晚做gym好擠迫 都係聽日先返嚟做啦。」 大部分成人嘅自言自語都趨向冇聲 大聲同自己講嘢亦都係同一類 心理學家相信最先嘅人類自我對話 其實係講出聲㗎 好似細路噉經常喺玩嘢嗰陣 好大聲噉自言自語 上世紀30年代 俄國心理學家 Lev Vygotsky 假設 呢種對話其實係成長嘅關鍵 通過重複佢地同大人有過嘅對話 小朋友學習到點樣 處理自己嘅情緒同行為 之後，當佢哋大個啲 呢啲外向型嘅自言自語就趨於內在發展 演變成私人嘅內心對話 我哋知道內在嘅自我對話好重要 可以幫助你渡過艱難嘅境況 甚至可提供你整日嘅動力 但係研究自言自語可能有困難 需要透過追蹤研究對像 一啲明確、即時發生嘅 同時經常冇意識嘅行為 因此，科學家仲喺啲 基本問題度掙扎 好似點解有啲人畀其他人 更多自言自語？ 我哋究竟用緊腦嘅邊部分嚟自言自語？ 同平常溝通， 呢個部分又有咩唔同？ 但係，有一樣嘢我哋會好肯定 就係你所講嘅嘢 對你嘅個人態度同埋表現 都會有實際嘅效用 進行富有指導性 同鼓勵性嘅自我溝通 有證據顯示能夠提升注意力 同埋自我肯定 嚟幫助處理日常嘅工作 舉個例，一個對大學網球員嘅研究 將指導性嘅自言自語擺喺實習度 提高咗佢哋嘅專注力同準確度 就好似同朋友傾計可以減少壓力噉 直接同自己講嘢可以調節情緒 疏離嘅自言自語就係 你同自己講嗰陣 好似同其他人講嘢噉 與其講話：「我要考到呢個試。」 而係你諗：「Caleb， 你已準備好呢個考試。」 一份研究發現呢類型嘅自言自語 喺面對焦慮嘅工作時 會有明顯嘅減壓效果 就好似要會見唔識嘅人 或係當眾發言 但係積極嘅自言自語係幫到你 而消極嘅自言自語就害到你啦！ 大部分人偶然都會自我批評 但係當呢種行為經常出現 又或者過份消極 就變成咗一種傷害 頻密消極嘅自言自語 通常都會預示兒童同大人嘅焦慮 而嗰啲當遇到問題就經常怪責自己 同埋反復內耗嘅人 通常會經歷更加強勁嘅壓抑心理 而家有一種心理治療 叫做認知行為治療或者簡稱 CBT 有一部分嘅 CBT 專注喺 調教自言自語嘅語氣 認知行為治療師經常會教嘅策略係 分辨不斷重複嘅消極想法 代入為中性或者富有同情心嘅回應 久而久之，呢啲工具 會改善一個人嘅心理健康 所以當下次發現自己喺度 自己同自己講嘢嗰時 記得要友善啲 嗰把內在嘅聲音係會喺 未來好多年同你對話嘅好搭檔
stephanie_honchell_smith_whatever_happened_to_the_hole_in_the_ozone_layer
喺 80 年代，全球面對 一個好嚴重嘅問題： 喺臭氧層有個迅速增大嘅窿。 究竟發生咗啲咩？ 佢仲喺唔喺度呢？ 返去事件嘅開頭。 太陽使地球可能擁有生命， 但係暴曬，UV 輻射 會傷害植物同動物嘅 DNA。 幸好，約 98% 嘅 UV 畀分布喺平流層嘅臭氧分子吸收， 而喺呢個過程中 佢哋持續噉分裂又重組， 保持住一個脆弱嘅平衡點。 喺 70 年代初，兩位化學家 Mario Molina 同 Sherwood Rowland， 指出一種常用嘅化學物質， 「氯氟烴」、或者 CFC， 會導致失去平衡。 CFC 喺 1920 年代 由三間美國嘅集團開始生產， 作為雪櫃嘅冷凍劑。 唔同當時其他嘅冷凍劑選擇， 例如阿摩尼亞或者二氯甲烷， CFC 係唔會助燃 同埋冇毒嘅， 即係佢哋唔會着火 或者引起致命嘅氣體洩漏。 佢哋亦都可以做推進劑， 發泡劑同阻燃劑。 CFC 好快就滲入咗 喺日常生活用品裏面， 而成為咗每年 幾十億美金嘅行業。 喺低層大氣度，CFC 唔會分解， 亦都唔會同其他分子有反應。 但 Molina 同 Rowland 指出喺平流層入面， CFC 會比 UV 分解， 釋放氯原子。 氯原子其後同臭氧反應， 破壞比修復嘅速度快。 一粒氯原子可以破壞 上千粒臭氧分子， 最後再同其他物質反應， 成為一個穩定嘅分子。 當威脅到商業利益， CFC 嘅製造商反擊， 抹黑嗰啲科學家， 甚至指控佢哋幫 KGB 做嘢。 初步估計指出喺 60 年內， CFC 可以令臭氧濃度降低 7%。 但係到 1985 年， 尤其喺南極洲上空， 臭氧嘅消耗正在加速。 呢度極端嘅寒冷 同南極雲嘅獨特結構， 令臭氧流失速度加快。 喺南極洲駐守嘅科學家 留意到春天 頭頂上嘅臭氧 都會大幅降低。 衛星數據顯示 很大程度上呢啲流失， 同化學驗證都顯示 起因毫無疑問係 CFC 造成。 NASA 不久後發布圖像， 傳播全世界， 吸引咗大眾嘅注意。 如果臭氧繼續流失， 皮膚癌嘅發病率將會飆升。 光合作用亦都會受到影響， 令植物：稻米、小麥、粟米 生長速度減慢，更加容易生病。 全球嘅農業生產總值會急跌， 而整個生態環境會崩潰。 但係好多政治人物重視嘅係 即時經濟問題，長遠嘅就唔會理。 仲反對要做任何嘢。 爭取禁用 CFC 出現兩個唔尋常嘅盟友， 美國總統 Ronald Reagan 同英國首相 Margaret Thatcher。 儘管佢哋通常 反對政府嘅監管， Reagan 因為受過皮膚癌治療， 同 Thatcher 受過化學家訓練， 認識到需要立即採取行動。 美國同英國，聯同加拿大、 挪威、瑞典、芬蘭， 率先呼籲國際禁止使用 CFC。 1987 年，各國代表 簽咗蒙特利爾議定書， 要求快速淘汰使用 CFC 以及成立基金 協助全球南方嘅國家 去獲取能夠負擔、 唔使消耗臭氧嘅替代品。 後來所有國家都通過—— 歷史上只係得 呢個公約能夠做到。 喺 1995 年，Molina, Rowland 同荷蘭籍嘅 Paul Crutzen， 一齊獲得諾貝爾化學獎。 當減少使用 CFC， 臭氧層個窿開始縮細， 而預計 2070 年會完全消失。 但仲未脫離危險。 由於 CFC 係強效溫室氣體， 禁止使用係氣候嘅勝利， 取而代之嘅氫氟烴（HFC） 亦都係類似嘅物質。 HFC 雖然通常比 CFC 冇咁強， 相比二氧化碳 保留住更多嘅熱能， 仍然影響著氣候變化。 喺 2016 年就呢件事 達成咗基加利修正案， 附加到蒙特利爾議定書， 要求要到 2047 年 全球 HFC 用量減少 85%。 呢個修正案直至世紀末， 阻止全球 0.5°C 暖化效應。 現今氣候變化 構成我哋嘅生存威脅， 蒙特利爾議定書 可以作為世界合作決斷嘅典範， 我哋要為此而奮鬥。 問題係，我哋點樣 先可以再次團結一致呢？
ted_ed_what_if_you_experienced_every_human_life_in_history
想像你嘅人生 大概喺 30 萬年前開始 係地球上最早嘅人類之一 嗰個時候你生活喺非洲 而家嘅摩洛哥附近 你嘅生活方式 唔係同猩猩科父母好大分別 你係製造啲簡陋嘅工具 打獵同埋收集食物及物料 直到終有一日你死咗 但係呢個只係開始 因為你死咗之後 會穿越時空嚟轉世 成為世上第二個人類 雖然你忘記咗以前嘅人生 然而過去嘅行為 仍然影響現在嘅你 每次死亡，你又返返嚟 成為第三、第四 第五個人等等 經歷世上每個人踏足喺地球上嘅生活 首尾相連，呢啲生命 大概四萬億年 由於你只係諗到而家嘅生活 你心理上並冇孭起 成個嘅人類歷史 但係每個生命嘅體現 對未來嘅自己有深遠嘅影響 有時你對呢個世界 係有好明顯嘅影響 但作為呢啲重要喺歷史人物 只算係罕有嘅經歷 反而你大部分時間 喺好平凡嘅生活渡過 充滿著每日嘅例行公事 譬如食嘢、歡笑、工作同埋焦慮 大概四萬億年嘅十分之一 你係一位漁獵採集者 有 60% 時間，你係農業家 喺度發展工具同技術 作為約八千億年 應用喺農場度 總結你嘅生命 用咗 15 億年喺性愛度 同埋另外 2.5 億年用嚟生細路 總體嚟講，有 20% 時間 用嚟教養細路 傳授佢哋不同嘅價值文化 影響咗唔同世代嘅發展軌跡 你某啲人生置身喺帝國主義同侵略 粉碎咗一啲地方文化 又有啲人生好痛苦 俾人攞走你嘅土地同所愛嘅人 你有多過 1% 嘅生命 受到天花或瘧疾嘅折磨 其餘嘅時間 你醫治呢啲傳染病 拯救無數喺唔同時間嘅你自己 喺人類嘅早期 平均嘅壽命好短 由於你生存年月少啲 同時你嘅影響經常限制咗 喺附近嘅人類身上 但係隨著人均壽命延長 使到地球嘅人口增加 你開始花更多時間去重溫 嗰啲充滿動感嘅歲月 喺公元 1200 年後 人類存在三分之一嘅時間 喺公元 1750 年後 開始咗人類後四分一時間 嗰陣時，科技同社會 開始咗歷來最快嘅轉變 你發明咗蒸汽機 開始咗配置工廠同生產電力 電力推動你將來 喺日常生活嘅機械運作 你嘅生命穿越喺科學革命 歷史上最殘酷嘅戰爭 同埋巨大嘅環境傷害時期 普遍嚟講新生命 比之前都長命啲 但係你生命嘅節奏不斷噉加速 過去要幾個月先能夠展開嘅對話 現在就只需要幾分鐘 幾個世代冒險經營嘅生意 喺一夜之間翻天覆地噉改變咗 你享受之前想像唔到 甚至比貴為皇帝同皇后 更奢華嘅生活 活過咗一千億次生命之後 你最終重生成為而家 最年青嘅一代 但係即使你經歷咗 三十萬年嘅人類歷史 你而家嘅行為影響 遠遠超越過往 99% 人生 高速嘅航空旅程 使你帶住傳染病同埋治療藥物 數小時就能越過大海洋 互聯網使到你嘅個人影響遍及全球 無論喺世界上同邊啲人合作 你只要喺屋企就搞得掂 喺最近嘅人生，你發明咗 能重寫生物基因嘅工具 可永遠噉改變 生物嘅未來後代 喺呢次嘅人生 你可能創新更多科技 對世界無數嘅生命 更加安全、和善同埋平等 不過，一不小心，所發明嘅嘢 好容易就會釀成大災難 身處喺核武器 實驗室洩漏同氣候變化 同其他生存嘅威脅 人類係從未試過喺噉接近 滅亡危機嘅邊緣 咁快嘅節奏 同互聯互通嘅世界 好令人恐慌嘅係 摧毀咗人類所有嘅進展 或者係潛在縮短咗 所有可能嘅未來 我哋係冇辦法 預知有咩事會發生 但好清楚嘅係 你嘅潛能係無限嘅 因此，你會點樣用呢一生？ 同埋有咩嘢可以做 促成更好嘅未來 畀啲將來嘅你享用呢？
ted_ed_the_best_way_to_apologize_according_to_science
咁多年嚟， 人類諗出咗啲好爛嘅道歉方式 由經典嘅冇歉意式道歉， 到迴避式藉口， 以及口輕輕嘅企業承諾， 求求其其講對唔住， 實在係太容易 但有研究員發現 高質嘅道歉一般包含共同元素， 細心思考下呢啲因素可以幫你 喺多種情況下道歉 由於公開道歉有佢自己獨特嘅複雜性 我哋會專注喺人對人嘅例子 試諗下：你新辦公室擺咗啲免費雪糕三文治 喺共用嘅雪櫃入面— 至少你係咁以為啦 但到咗禮拜五， 當你幫緊你個同事泰倫斯 搞緊另一個同事嘅生日派對嗰陣 佢發現之前為個派對而買嘅雪糕三文治 有一半唔見咗 呢個當然係一件尷尬嘅意外啦 不過依然係要企出嚟道歉， 咁先啱嘅 了解同埋接受你嘅行為帶嚟嘅責任 就係研究員所講嘅「道歉嘅核心」 覺得好艱難同埋冇安全感都好正常 —因為原意就係咁！ 道歉嚟得有意義， 部分原因就係佢要付出代價嘅本質 所以當你試圖為自己嘅行為 狡辯為意外嗰陣 記住高質嘅道歉非常重要 並唔係要令你自我感覺良好 而係要喺受害一方嘅觀點去了解 同修補你段關係之間嘅裂痕 即係話唔係為咗維護自己 而澄清自己嘅意圖會幫到你 你嘅錯誤只係無心之失 唔代表你唔使同對方 真誠咁道歉 但如果你嘅失誤唔係一個意外？ 試諗下： 你應承咗你朋友瑪莉 會去睇佢踢波嘅冠軍戰 但另一個朋友啱啱打俾你 話你知佢有多張飛俾你 係你最愛嘅音樂人嘅告別巡迴演唱會 你知道呢個係一個千載難逢嘅機會 根本冇可能唔去 再講，你覺得瑪莉唔會介意你唔去睇佢 反正佢有好多粉絲撐佢 但係到咗第二日 瑪莉同你講佢好心傷 因為當日佢喺人海中見唔到你 搞到佢咁傷心，你覺得自己好衰 想真誠咁向佢道歉 喺你後悔傷害到瑪莉嗰陣 實在你唔係好清楚 自己究竟有冇做錯咗決定 咁要點講先唔似 嗰個好爛嘅冇歉意式道歉 「對唔住，搞到你咁唔開心」呢？ 喺呢啲情況， 好容易會專注咗喺將自己嘅行為合理化 反而應該要喺對方嘅角度出發 嘗試去了解對方 試下問下瑪莉嘅感受 先可以好好明白自己做錯啲乜 就呢件事上 瑪莉應該解釋番佢好失望 因為你冇口齒 而佢真係好需要你撐佢 呢種澄清方式， 可以幫你認清自己嘅過錯 同埋坦誠咁接受你嘅行為 所帶嚟嘅傷害 然後你可以將你嘅道歉 專注番喺佢介懷嘅地方 即係承認唔守信用係你唔啱 你亦為冇去支持佢而感到抱歉 坦白承認錯誤，表示你知道 自己錯咗啲乜 同時令瑪莉相信 你喺將來會有脫胎換骨嘅表現 通常好有幫助嘅係 能夠展現自己改變咗啲乜 同埋你會做啲咩去彌補 自己犯嘅錯所造成嘅傷害 研究員稱之為「彌補提議」 呢個被評為係 道歉其中一個最重要嘅部分 喺某啲情況，呢啲舉動好直接 例如主動買番你食咗嘅雪糕三文治 但係，如果過錯冇咁實質 咁就可能要多啲象徵意義 例如向你對唔住嘅人 表達番愛意同尊重 口頭承諾係一個常見嘅彌補提議 唔好再犯同樣嘅錯誤 但保證會做好啲 係你真係要做淂好啲先行得通 以受害者角度去接受責任 同埋主動提出具體嘅彌補方案 都只係高質道歉嘅幾種元素 但謹記，道歉嘅重點 唔係尋求原諒然後繼續生活 而係要表示悔意同接受問責 最佳道歉亦只係 通往和解之路嘅第一步㗎咋
anicka_yi_intelligent_floating_machines_inspired_by_nature
都好耐喇，終於有機會 喺呢度同咁多人一齊。 實在係太好啦。 喺過去幾年， 我一路陪伴緊一個新嘅物種。 佢住喺空氣度。 同大家介紹 我嘅好氧生物朋友。 （音樂） （音樂結束） （歡呼同掌聲） 我每次見到佢飛， 都好感動。 身為藝術工作者， 我對身邊嘅世界 提出咗好多問題。 雖然呢個世界嘅問題 係唔容易解決， 但我認為同樣重要嘅係 問正確嘅問題。 點解科技逐漸帶來咁多恐懼? 點解我哋而家嘅生活咁疏離， 科技唔係喺度 改善緊我哋嘅生活咩？ 同埋點解我哋覺得 彼此唔相連？ 我哋嘅發明就係企圖想 將每一個人連結埋一齊。 我嘅作品同進化、 生物學、感官有關。 我有興趣嘅係 唔同生命形態組成嘅生物體， 例如：細菌、真菌和病毒等…… 仲有剎那間發生嘅 各種化學同分子反應。 我成日感受到 現代科技嘅局限性， 源於佢嘅冰冷同平面化。 如果機器更加全面會點呢? 如果機器能夠以更全面嘅方式 同我哋聯繫又會點樣呢? 若果機器唔單止係工具， 而係新嘅夥伴物種， 又會點呢? 我相信需要接納 我哋係共生生物嘅身份， 並設計機器嚟反映呢點。 如果呢個世界周圍都係機器， 好似動物同植物噉， 唔係淨係喺工廠先有， 又會點樣? 噉樣嘅探索可以教會我哋 生命嘅知識， 同佢嘅複雜性。 聽落去好似係科幻小說。 但身為藝術工作者嘅使命 係創造可能性， 創造其他世界、 生活同存在方式嘅可能性， 哪怕只係一陣。 當我被邀請 構想一個大型藝術裝置 擺喺倫敦泰特現代藝術館， 我決定去製造一個、 我描述為現實嘅世界。 藝術館嘅空間極為廣闊。 我當時就決定要將佢 改造成機器水族館。 我問自己： 「人類生活喺個 機器喺野外生存， 仲自行進化嘅世界度， 係乜嘢嘅感受？」 為咗探索呢個問題， 我創造咗兩種新機械物種， 叫做「好氧生物」。 我喺博物館入面 擺咗十二隻好氧生物， 等佢哋發展出 自己小小嘅生態系統。 為咗儘量減少以人為本嘅偏見， 以及避免簡單噉 模仿人類嘅形態， 我同團隊一起參考自然世界， 我哋受到咗 櫛水母同猴頭菇等生物嘅啟發， 我哋仲深入研究 軟體機械人嘅領域， 最終設計咗具有流體運動， 結構比空氣更輕嘅 好氧生物。 當你望住佢哋， 感覺同恐怖谷嘅理論 幾乎係相反。 你知道佢哋係機械嘅， 但明顯覺得佢哋有生命㗎。 你感覺好似靠近一啲 雄偉同遙遠嘅生物。 就好似喺座頭鯨旁邊游水。 佢哋嘅 size 好壯觀…… 而佢哋激發起一種 接近驚嘆多過恐懼嘅感受。 感覺到佢哋 幾乎係生勾勾噉， 令人想要擁抱佢哋 一起生活， 見證佢哋真正嘅成功。 我想要好氧生物有一種自由 同不可預測性嘅感受。 因此同團隊一齊 開發咗模擬人工生命嘅軟件。 呢個軟件令每個好氧生物 發展佢嘅獨特行為， 同時自主噉對環境做出反應。 逐步演變出佢哋嘅個性， 通過彼此間嘅互動同學習。 放佢哋飛行越多， 我哋就越了解佢哋獨特嘅個性 同埋溫柔嘅本質。 呢點對我好緊要， 就係好氧生物 有佢哋自己嘅感官世界。 大部分 AI 嘅運作 係缺少咗身體，只得思維。 另一方面所有嘅生物， 由卑微嘅蜱蟲到隱蔽嘅黑豹， 都係通過佢嘅身體 同感官去了解呢個世界。 好氧生物通過高頻無線電波互相感應， 同時使用熱能感應， 嚟檢測周圍環境嘅其他生物。 一個好氧生物 可能對你嘅熱能特徵會好奇， 跟住會飛過嚟 同你打招呼、又撩吓你。 但有啲好氧生物 可能比較怕醜， 會故意避開人群。 呢啲機器同人類 會點樣喺呢個世界度共存呢? 呢個世界將會變成點樣? 可能機器同人類 會產生新嘅親密關係， 亦開展出不同嘅視野。 我希望好氧生物 將會幫我哋領悟到 更為多樣化嘅生活方式。 佢哋並唔係同我哋競爭 或者支配我哋， 而係要問更兼容嘅未來 會係點樣嘅。 我哋都有份參與 呢次科技嘅談話。 我哋係唔係可以積極協調機器 使到更好噉反映出生物嘅現實? 我誠意希望你哋可以考慮吓， 機器做嘅可遠遠超乎 我哋已經知道嘅範疇， 佢哋點樣體現 來自生物學嘅智慧。 呢個項目係大家嘅， 令到大家可以去想像 唔同嘅世界同未來。 我哋仲有時間去改變機器嘅演化， 並考慮新嘅目標， 令機器同人類 都存有同情心共存， 我相信呢個就係對話嘅起點。 （掌聲） （音樂） （音樂結束） 多謝。 （歡呼和掌聲）
jamie_bernthal_how_to_write_the_perfect_crime_according_to_agatha_christie
Agatha Christie 一直以嚟 都係最暢銷嘅小說家 但佢喺 1916 年仲未係屋企裡面 最有前途嘅作家 當時，佢家姐 Madge 已經寫咗幾個短篇故事 但 Agatha 仲未有 任何故事可以出版 所以當 Agatha 話俾家姐知 佢想寫部懸疑小說嗰陣 Madge 嗤之以鼻 打賭 Agatha 寫唔出 一個引人入勝嘅懸疑故事—— 對 Agatha 嚟講簡直唔係問題 今日，由於打賭 而寫成嘅小說 變成咗 Christie 近百篇懸疑小說之一 每個故事都係 精心設計嘅謎盒 滿佈線索、誤導 同人性群像劇 不如一齊研究吓 佢點樣構思完美犯罪案件嘅呢？ Agatha 以多種方式 嚟設計佢嘅故事 但其中一樣最重要嘅鋪排 就係嗰個場景 由偏遠島嶼 到雪地裏停滯嘅火車 佢最鍾意揀 遠離人煙嘅地方 透過限制故事嘅範疇 Christie 可減少嫌疑犯人數 嚟提升戲劇張力 令到包括兇手啲角色 無法離開原地 有時佢又會為咗 令到劇情更加緊湊 設定啲角色係互不相識 令到佢哋唔知信邊個先好 但正因為佢設計出 既詭異又與眾不同嘅故事 佢啲角色反而平平無奇 佢嘅小說最多人批評嘅地方 就係一眾人物角色 都唔夠立體 但 Christie 有佢嘅原因 避開啲複雜嘅角色 只配上簡單嘅人物設計 等啲讀者估到 邊個就係嫌疑犯 通常好容易預測到 Christie 亦都會利用 讀者嘅預期去捉弄佢哋 儘管呢種類型轉換有時依賴 當代讀者所認識到 有害嘅固有觀念 佢經常諷刺某啲職業 同埋種族群體 嚟製造搞笑效果 協助加深當時啲人嘅偏見 喺 Christie 嘅作品入面， 呢點當然唔值得大家仿效 好好彩，好多現代懸疑小說作家 都揾到較少爭議方式 運用呢種塑造人物技巧 即使 Christie 搞錯咗 佢會花心思 令到啲角色好真實 佢會細心觀察身邊嘅人 仲經常將無意中聽到嘅對話 簡單同潦草咁記低啲細節 佢將呢啲對話內容 改編成懸疑嘅情節 佢筆下亦都經常轉換 邊個係兇手 令到啲線索變得模糊、雜亂 擾亂頭腦清晰嘅讀者 但喺巧妙佈局 同情節混亂之間 要攞到平衡係好重要 冇人想睇估得到嘅懸疑故事 但如果個故事太曲折， 又會失去所有嘅讀者 Christie 盡量用簡易嘅語言 處理咗部分問題 佢用簡短嘅句子 清楚而且活潑嘅對話 幫助讀者順住啲線索睇落去 呢種清晰度係好緊要 因為最出色嘅懸疑故事 全靠精心鋪排嘅線索 嚟牽引啲讀者 Christie 嘅作品 讀者會記住啲好嘅線索 但佢哋通常都唔會 明白哂背後嘅含義 舉個例，死者幾分鐘前講： 「今日乜嘢都唔對路﹗」 讀者會叻唔切去認定 邊個喺杯飲品度落毒 但係佢哋似乎誤解咗 呢條線索嘅含義 如果當日所有嘢 都唔對路嘅話 咁死者應該一早就俾人落咗毒 Christie 亦都會故意 寫一啲線索搞亂讀者 使讀者會將條線索 指向某個嫌疑人 之後先發覺原來畀佢裝彈弓 有時佢又會直接喺故事結構度 帶啲讀者遊花園 好似報告單兇案嘅人 被揭露佢先至係兇手一樣 除咗罪案同線索 Christie 嘅寫作公式 重有一樣元素： 就係偵探 佢創造咗好多偵探角色 但係令人最難忘嘅就係 Hercule Poirot 同女士 Jane Marple 無論係細細粒嘅比利時難民 定係業餘偵探嘅老婦 都唔係典型嘅英雄人物 但正係佢哋嘅局外人身份 先可以逃過保安法眼 亦都令到啲嫌疑犯 放低咗戒心 正如你會估到 Agatha 贏咗佢家姐嘅打賭 佢怪異嘅偵探、巧妙線索 同埋簡化嘅嫌疑犯角色 構成一個難倒 無數讀者嘅故事藍圖 你而家發現咗 佢嘅寫作策略 剩番落嚟嘅謎團 係你用呢啲秘技講述乜嘢故仔
ted_ed_the_4_greatest_threats_to_the_survival_of_humanity
1995年1月，俄羅斯偵測到向自己發射嘅核彈。 呢個警報傳到總統手上， 而總統要決定反唔反擊， 但當時有一另個系統， 顯示同呢個警報相反嘅情報。 呢個原本被認為 係一輪重大攻擊中嘅第一個導彈， 其實只係一支 研究北極光嘅科研火箭。 呢件事係冷戰之後發生， 但無疑係最接近觸發全球核戰爭 嘅一次事故。 人類發明咗原子彈之後， 史上第一次擁有自我毀滅嘅能力。 自此之後，我地嘅滅絕危機 —— 絕種風險 或者人類文明不可逆轉地崩潰嘅風險 一路上升。 我地絕對有能力減低呢種風險， 但係要咁做， 我地就要明白邊啲活動 會係宜家同將來威脅生存。 人類已經生存咗二千個世紀， 每一個世紀都有 自然形成嘅絕種危機 —— 小行星撞擊、超級火山爆發等等。 生存危機本身難以評估， 因為當我地嘗試 搵出一件事有幾大機會發生， 我地通常會睇下 呢件事以前發生嘅頻率， 但人類滅絕係前所未有。 雖然我地冇辦法準確判斷 自然威脅會造成幾大嘅風險， 專家估計我地滅絕嘅機率 大概係每世紀一萬分之一。 係呢個基線之上， 第一個令機率上升嘅原因就係核武。 核武雖然有眾多危險之處， 但係導致滅絕危機係由於 全球核戰爭可能引致核冬天， 焚燒中嘅城市產生灰燼， 長時間擋住太陽， 令人類賴以維生嘅農作物失收。 我地未經歷過核戰爭， 但我地嘅歷史實在太短， 短到唔知係核戰本來就唔可能發生， 定係我地純粹好彩。 我地亦唔可以斷定 全球核戰造成嘅核冬天， 會唔會嚴重到威脅人類生存。 氣候變化係另一個 增加滅絕風險嘅主要原因。 同核戰一樣，氣候變化 會導致好多可怕嘅後果， 呢啲後果係我地應該盡力避免嘅， 但係未至於導致絕種或者 不可逆轉嘅文明崩潰。 我地預期氣溫會上升攝氏幾度， 但係未完全排除 上升6度甚至10度嘅可能， 因而造成一場前所未有嘅災難。 即使係最差情況， 我地都唔清楚全球暖化 會唔會直接威脅我地嘅生存， 但係佢帶黎嘅混亂， 好可能令我地面對其他滅絕風險時， 變得更加脆弱。 最大嘅風險， 可能來自各種發展中嘅科技。 例如係經過設計嘅大流行病。 大流行病造成 人類歷史中最大嘅災難。 借助生物技術， 我地可以改變同者創造病菌， 令佢地比起自然存生嘅病菌更容易致命。 呢類病菌可以透過生物戰爭 或者研究事故引致大流行。 基因組序列分析同編輯嘅成本降低， 同時更容易取得有潛在危險嘅資訊 好似係已被公開嘅致命病毒基因組， 都令更多人或組織 有能力製造呢類病原體。 另一樣令人擔心嘅 唔配合人嘅價值觀嘅人工智慧。 大部分人工智慧嘅研究員 都認為係今個世紀內， 我地就會發展出 超越全人類嘅人工智慧。 如果我地將智力嘅優勢拱手相讓， 我地就將自己嘅未來 交俾我地創造嘅電腦系統控制。 就算只係以人類最大福祉 作為設計理念， 極為聰明嘅人工智慧 依然有可能威脅我地嘅生存， 只要佢嘅取向同人嘅價值觀 唔係完全一致 —— 呢樣嘢對於眾多科學家黎講 都係極難做得到。 以目前所知， 有啲專家估計人類嘅滅絕風險 超出自然造成嘅背景機率100倍有多。 但實際有幾可能發生， 好大程度取決於人嘅選擇。 因為大部分嘅危險都來自人嘅活動， 係人嘅掌握之內。 如果我地將保障人類將來 作為呢個時代最重要嘅命題， 我地係可以減低呢個風險。 人類能唔能夠 履行使命， 就掌握係我地嘅手中。
noah_r_bressman_and_douglas_fudge_the_world_s_slimiest_animal
當架貨車急速煞停 車入面有個貨箱跣咗出嚟 撞落架豐田 Pirus 度 入面啲嘢灑到一地都係 嗰啲就係幾千公斤 活生生嘅盲鰻 又叫做黏鰻魚 2017 年嘅呢場車禍 搞到一片混亂： 公路上周圍都係 蠕動緊嘅盲鰻 消防員用咗七個鐘頭先將黐住喺地面 嗰層厚厚嘅黏液清除乾淨 盲鰻除咗樣靚之外 最出眾嘅長處就係佢哋嘅黏液 事實上，佢哋應該係 地球上最黐𥹉𥹉嘅動物 但係點解佢哋要黐𥹉𥹉嘅呢？ 睇埋落去就知喇 呢條盲鰻用靈敏嘅嗅覺 同皮膚上一點點好似味蕾嘅器官 偵測到一條死魚 佢露出一排排好壯觀嘅齒狀結構 咬落去第一啖 一條鯊魚游過嚟 突然之間撲埋去 盲鰻畀鯊魚強而有力嘅上下顎困住咗 睇起上嚟實死無生 但係盲鰻有招獨門祕技 鯊魚咬緊啲牙齒 但係根本冇盲鰻骨頭可以咬碎 佢咬到嘅只係柔韌嘅軟骨 加上因為盲鰻 鬆拋拋嘅皮膚包住身體 咬落去造成嘅壓力 令盲鰻嘅重要器官 輕輕噉跣開咗 避免受損 呢個就係一條麵 喺件寬鬆嘅潛水衣裏面嘅好處 同時，盲鰻亦會噴出 多到嚇親人嘅黏液 積極噉擊退鯊魚 盲鰻身體每邊 大概有一百個黏液腺 當中有黏液細胞同線細胞 黏液細胞充斥住 幾百個含有濃縮黏液囊 而每個線細胞就含有 錯綜複雜盤繞嘅蛋白纖維 盲鰻收縮黏液腺周圍嘅肌肉 將細胞入面嘅嘢 射出去海水嗰度 黏液囊瞬間發漲爆破 而啲蛋白質纖維就會散開 佢哋會一齊膨脹到 原本體積嘅一萬倍 即時製造出幾公升嘅黏液 由於嗰啲物質係由黏液構成 並受到無數極之纖細 而強韌嘅絲狀纖維所強化 所以呢啲黏液十分之柔軟 但又好結實 啲黏液會撠喺鯊魚脆弱嘅鰓入面 當鯊魚窒息 想清除嗰啲黏液嗰陣 就會放開條盲鰻 而家條盲鰻脫離咗死亡威脅 但係佢亦都陷入咗兩難 被困喺自己造成嘅 一團令人窒息嘅黏液度 佢會點做呢？ 佢將自己打成一個結 從尾部開始，畀身體穿過 有效率噉擦甩自己嘅黏液 佢睇落全程都好淡定 仲返去繼續食嘢 當佢食到條屍體 冇咁容易嚼嘅部位 嗱，佢又將自己打成個結 方便借力扯甩嚿肉 盲鰻嘅黏液好犀利 人類都想仿製 而家，好多運動同安全裝備 都係由不可以再生嘅 石油纖維所造成 但係盲鰻嘅黏液纖維線性能 可以媲美尼龍之類嘅纖維 而靠模仿盲鰻黏液嚟製作嘅纖維 有可能成為 更具持續性嘅替代品 同時，喺軍事領域上 探索緊利用盲鰻嘅黏液 作為一種唔會致命 截停船隻嘅武器 方法係黐住啲船嘅螺旋槳 盲鰻除咗精通使用黏液 同埋打結嘅藝術 仲有四個細嘅心臟 同喺 36 小時無氧氣底下 乜事都冇噉繼續存活 佢哋亦會清潔河床 同埋喺深海入面 循環必需嘅養分 最原始嘅盲鰻 早喺超過三億年前 就喺深海入面游嚟游去—— 喺盤古大陸仲未分裂 恐龍開始喺世上漫步之前 盲鰻捱過咗多次 大規模嘅生物滅絕事件 世事都畀佢哋睇透喇 睇嚟佢哋而家都仲有 「滑」得好地地嘅粘液
ted_ed_what_s_the_best_country_to_live_in
喺呢個世界 邊個國家最適合居住？ 係咪擁有最好食物、最長壽命、 或者最好天氣嘅地方呢？ 响過去 70 年，大多數政府 高度依賴緊單一個數字， 嚟回答呢個問題。 呢個數字會影響選舉、 股市同政策。 但從來冇打算用喺當前環境； 有Ｄ人拗話，就係世人嘅痴迷， 令到呢個數字唔停咁增長。 佢叫做國內生產總值， 即係 GDP， 喺 1930 年代，經濟學家 Simon Kuznets 發明嘅， 用一個單一同易明嘅數字 嚟衡量一個經濟嘅規模。 GDP 係一個國家嘅總金融經濟產值： 市場上嘅生產同銷售。 直至如今，國內人均生產總值： 總 GDP 除以國家人口數量， 被廣泛視為衡量幸福感嘅指標。 但係 GDP 冇直接 講關於幸福數值任何嘅嘢， 亦無考慮到 國家生產咗Ｄ咩嘢 或邊個有權利去使用。 一百萬美金嘅武器 同同等價值嘅疫苗或者食物， 對一個國家嘅 GDP 貢獻係一樣。 社會價值——公立學校或消防隊等服務， 但唔可以喺市場度賣， 計唔到喺 GDP 裡面， 假若個國家非常富有， 單單俾相對一小部分人控制住， 人均 GDP 就扭曲咗 普通個人擁有嘅財富。 即使係噉，長期以來， 喺好多國家，更高 GDP 同人民有更好嘅生活質量密切相關。 响一Ｄ西方國家嘅經濟， 由 1945 至 1970 年， GDP 係兩至四倍噉增長， 工資通常呈現相同比例嘅增長。 直到 1980 年代， 事情改變啦。 國家持續變得富裕， 但係工資跟唔上 GDP 嘅增長， 甚至有Ｄ工資仲下降， 大多數嘅利益流向更少數人手上。 但係用單一個數字 去衡量國家嘅幸福程度， 仍然具有強大嘅吸引力。 喺 1972 年，不丹國王 Jigme Singye Wangchuk 提出咗國民幸福總值嘅概念， 作為國內生產總值嘅替代品。 國民幸福總值係衡量健康、教育、 強大社區同生活水平等因素嘅指標， 佢允許公民回答比如「你認為你嘅家人 而家有幾幸福？」之類問題。 「你對所在地區嘅植物 同野生動物名稱知道幾多？」 「你琴日過得點樣呀？」 聯合國人類發展指數 係個更廣泛使用嘅指標； 佢考慮到健康同教育， 以及人均收入嚟評估 總體幸福程度。 同時有個叫做 可持續發展指數嘅指標， 包括咗考慮人民福祉 同經濟增長使環境負擔嘅因素， 再次，歸結到單一個數字 雖然冇國家能夠做到—— 既滿足人民基本需求， 又可使用持續發展嘅資源， 哥斯達黎加係目前最接近。 喺過去幾十年， 哥國喺無大幅增加排放 卻成功發展咗經濟， 並顯著提高咗生活水平。 哥倫比亞同約旦等其他國家 取得咗顯著進展。 哥國而家擁有更好幸福指數， 比如預期壽命， 將有Ｄ最富裕嘅國家比下去。 歸根究底，任何將國家嘅生活質量 歸結為一個數字嘅方法都有所局限。 越來越多專家採用儀錶板 來顯示所有因素， 單一數字就模糊不清喇； 呢種方法，考慮 到人民有唔同優先次序。 至於邊個國家最適合居住， 就取決喺問問題嘅人身上。 噉，如果輪到你嚟設計 國家嘅幸福指標， 你會睇重Ｄ乜， 又會衡量Ｄ咩呢？
andrew_lovering_how_high_altitude_affects_your_body
如果有個人由海平面 瞬間移動到珠穆朗瑪峰山頂 身體情況好快就會轉差 喺海拔 8,848 米 氣壓係海平面嘅大概 33% 即係空氣中嘅氧氣少咗好多 而呢個人好可能會 喺幾分鐘內窒息 但係用一個月時間 行同一段旅程嘅人 就有可能喺山頂存活幾個鐘 究竟我哋身體喺一個月內 發生咗乜嘢變化 响不可思議嘅高度 能承受如此低嘅氣壓呢？ 試想像吓 你係 58 億人當中 一個生活喺海平面上 唔夠 500 米嘅人 當你喺呢度吸氣 肺部就會充滿含有多種氣體 及化合物組成嘅空氣 其中最重要嘅係氧氣分子 佢會同血液入面嘅血紅素結合 之後血液喺你嘅全身循環 為所有細胞帶嚟必需嘅氧氣 但當海拔升高 空氣就會越稀薄 每種合成嘅氣體相對份量 直至進入高層大氣度都唔會變 但整體嚟講 身體吸收嘅氧氣會少咗 如果你登上海拔 2,500 米以上 會引起一種叫做 「急性高山病」嘅高原反應 通常會造成頭痛 疲勞同嘔心 好彩，急性高山病只會喺 我哋攀登得太快個陣發生 因為我哋身體有好多 適應高海拔嘅方法 喺達到海拔 1,500 米 頭幾分鐘、甚至係頭幾秒 頸度嘅頸動脈化學感受器 會感知血液嘅低氧壓 從而令到身體作出反應 增加呼吸嘅頻率同深度 嚟抗衡缺氧嘅情況 你嘅心率會提高 心臟亦會更緊密咁收縮 令到每下心跳可以泵出額外嘅血液 迅速噉帶含氧嘅血液 喺身體入面流動 呢啲改變發生得相對較快 而如果你要繼續攀登 你嘅心跳率同呼吸就會因而加快 但係如果你停留喺 呢個高度幾個星期 就會由於長期適應咗呢個高度而得益 喺去到海拔 1,500 米以上嘅頭幾日 你血液內嘅血漿量會減少 令到血紅素濃度增加 跟住落嚟兩個星期 你嘅血紅素水平會持續上升 令每毫升嘅血液能帶有更多氧氣 配合埋高心跳率 呢啲高濃度血紅素嘅新血液 有效率噉將氧氣分配到身體各處 甚至連每次心跳所泵出嘅血量 都可以回復返正常水平 喺呢段時間 透過叫做通氣適應過程 你嘅呼吸亦會進一步增加 通過咗幾星期延長嘅適應過程 你嘅身體已作出充分嘅改變 令你可以攀得更高 但係，你仍然要喺路途上 花額外嘅時間去適應 經常喺登得更高之前 要先行落山俾身體復原 因為珠穆朗瑪峰唔單止係好高 佢係地球上最高嘅地方 喺海拔 3,500 米以上 我哋嘅身體會承受好大壓力 腦入面嘅動脈同靜脈會擴張 以便加速血液流通 但係我哋最細嘅 叫做微絲血管 啲 size 唔會變 噉樣增加咗嘅壓力 可能會令到血管滲漏 喺大腦度積聚液體 類似嘅問題亦可能喺肺部發生 氧氣不足會令肺部嘅血管收縮 導致更多血管滲漏同液體積聚 產生兩種分別叫做 高山腦水腫同高山肺水腫嘅病 雖然非常罕見 但係如果冇及時處理 就可能會危害生命 有啲西藏人同南美人 有居住喺高原嘅家族歷史 佢哋有遺傳嘅基因 嚟預防輕微高山症嘅優勢 就算係噉，都唔能夠 對嚴重高山症免疫 即使有呢啲風險 响過去一個世紀 登山人士都證明咗 人可以登上比科學家想像中更高嘅地方 登山人士可以突破身體極限 重新定義人類嘅適應能力
allison_leigh_artemisia_gentileschi_the_woman_behind_the_paintings
一個女人行入敵人軍營 當守衛想要阻止佢嗰陣 佢話要將佢國民嘅秘密 話畀將軍聽 事實上，佢唔係叛徒 喺將軍保護之下嘅第四日 女人趁將軍飲醉酒 將佢個頭斬落來 幫佢嘅國民 擺脫將軍嘅暴政 呢個就係聖經裏邊 《Judith 傳》嘅故事 Judith 將殘暴嘅 Holofernes 斬殺 個故仔係好多藝術品嘅題材 包括西斯汀禮拜堂嘅壁畫 但當中最具代表性嘅作品 出自一位年僅 19 歲嘅 女畫家 佢就係 Artemisia Gentileschi 但係好多學者將佢簡稱為 Artemisia 好似其他意大利嘅大師噉 Artemisia 係何許人也? 佢嘅作品點解與衆不同? Artemisia 跟隨父親 Orazio Gentileschi 學習繪畫 父親帶佢學習極具戲劇性嘅 由大師 Caravaggio 創立嘅新畫風 呢個叫巴洛克嘅風格基於 文藝復興早期嘅傳統畫風 文藝復興嘅藝術家 側重模仿古希臘風格 如何喺激烈中 表現冷靜同優雅 巴洛克藝術家用動態 強調故事嘅高潮 仲透過構圖同明暗對照法 （暗色調主義） 突顯畫面嘅戲劇性同張力 從而達到更加觸動觀眾情感嘅效果 雖然 好多人認爲 Artemisia 效法 Caravaggio 嘅畫風 但係佢對Judith 嘅故事嘅描繪 比 Caravaggio 更勝一籌 Caravaggio、Artemisia 同樣專注斬首嗰刻 並利用強烈嘅明暗對比 凸顯場景嘅血腥 但 Caravaggio 缺乏 Artemisia 呈現嘅動人心魄嘅震撼力 Caravaggio 畫筆下嘅女主角 與血腥行為保持距離 但 Artemisia 嘅 Judith 卻捋起衫袖跪喺床上 使 Holofernes 動彈不得 佢嘅體量 使成個斬殺動作更可信 黐𣲷𣲷嘅血滲透咗床單 十分逼真 相比之下 Caravaggio 筆下 從切斷嘅動脈噴出嘅鮮血 就顯得僵硬同做作 但呢幅油畫並唔係 Artemisia 最得意嘅作品 佢喺 1613 年完成呢幅作品 佢嗰時已結婚 搬咗去佛羅倫斯居住 佢嘅繪畫事業獲得成功 喺之前佢經歷咗 一段痛苦嘅日子 1611 年，佢被父親嘅同事 Agostino Tassi 嘅強姦 呢個人嘅花名係「霸凌者」 當佢講畀父親聽佢俾強姦 父親 Orazio 控告 Tassi 「強行侵犯處女」罪—— 表示佢破壞咗自己嘅財產 當時嘅強暴法視年輕婦女嘅身體 爲哋父親嘅擁有物品 Tassi 嘅強暴案審咗七個月 期間，Artemisia 須接受審問 她作證時要受指旋螺絲酷刑折磨 最後，Tassi 被判有罪 但佢勢力強大嘅贊助人 設法撤銷咗佢嘅判決 有喲學者推斷 Artemisia 喺官司期間 開始創作呢幅作品 好多學者都爭論 佢俾施暴有否影響佢嘅創作 Artemisia 反覆畫 Judith 佢嘅一幅作品 描繪 Judith 同婢女 試圖逃離敵人營地嘅一幕 Artemisia 喺 Judith 嘅髮上 添加了一個小飾物 有可能係暗示佛羅倫斯 守護嘅人 David 亦向 Michelangelo 致敬 劍柄上刻有蛇髮女妖 Gorgon 或 Medusa 尖叫嘅臉容 兩個喚起憤怒同力量 嘅女性原型 同 Caravaggio 嘅作品 亦有關連 喺 1618 至 1620 年間 Artemisia 畫咗佢最聞名嘅 Judith 呢部作品嘅構圖 與佢 1613 年嘅作品相似 仔細啲睇 就搵到當中意味深長嘅細節 劍嘅外形更似係個十字架 強調 Judith 喺復仇 係上帝安排嘅聖潔舉動 Artemisia 亦添加咗一隻 有狩獵女神 Artemis 形象嘅手鈪 女神同 Artemisia 同名 呢個簽名喺佢晚年 用佢嘅藝術表達嘅方式之一 強調佢嘅理念： 「作品會為自己說話。」
juliet_schor_the_case_for_a_4_day_work_week
我由 80 年代開始研究工作議題， 但從未見過好似而家發生嘅事。 全球都湧現加劇嘅疫情焦慮， 响美國，超過一半僱員話 日常工作壓力好大， 離職人數創歷史新高， 一個月超過四百萬人， 由於僱員工作透支。 作為回應，响維持五天工資安排下， 越來越多企業提供每週四天 三十二小時嘅工作。 而家呢啲已經唔係新概念， 但疫情成為催化劑。 僱主意識到如果工作地點可以商量， 工作日數亦都可以啦。 聽落去，幾好喔，但實際嗎？ 實際係可行。 同一方得益另一方要付出嘅政策唔同； 四天工作係有利於員工、 企業同社會。 甚至係應對氣候變化嘅通道。 首先，由職場講起。 近十年嚟， 企業同政府已經開始實驗 相同薪酬，卻縮短工時。 雖然結果有差異， 响研究度見到員工 所承受嘅壓力減少， 更重視本身嘅工作， 同埋有更好嘅私人生活。 大部分情況， 員工四天嘅生產力同五天一樣。 企業得益响降低員工流失率， 同有高質量人才資源。 由於減低咗員工過度疲勞， 醫療成本、錯誤同劣質服務。 我哋研究四天工作先導計劃嘅進度， 目前响美國同愛爾蘭， 夏天就會响英國、 新西蘭同澳洲進行。 有幾千個僱員參與計劃。 Healthwise，呢間教育機構 急不及待就開始咗。 六月嗰陣，佢哋有大量員工離職。 八月，佢哋開始咗四天工作制。 半年後，總裁 Adm Husney 告知， 員工明顯開心咗， 同生產力係有史以嚟最高。 辭職同攞病假都減少咗， 收入就上升。 客戶滿意度評分非常高。 Healthwise 僱員 利用星期五休息時間， 進行家庭活動， 比如運動或者其他事項。 有個小朋友嘅媽咪話， 而家可以間唔中 做腳部護理，而無須自責。 四天工作制有利於自我照顧， 同管理系統性嘅種族主義， 性別同階級歧視嘅日常壓力。 模式重要嘅部分係 大家願意用四天時間 發揮全部嘅生產力， 以回報額外嘅一日假。 所以，工作時間可能少咗， 但工作內容並冇減少。 秘訣就係重組工作， 減少生產力最低嘅環節。 會議係首當其衝。 係呀，我見到大家响度岌頭。 絕大部分企業減少咗會議嘅頻率、 長度同出席人數。 响 Healthwise， 員工通過 message 同事 去節省時間， 而响電話度 就會有閒話家常啦。 佢哋私人嘅事 例如睇醫生，就安排喺休息日。 當然，office 嘅工作節奏會快咗。 「老實講，」有一位解釋， 「而家唔會好似以前咁偷懶 或者上 facebook。」 員工已經自我調節， 佢哋寧願休息時間係一整日， 而唔係分段噉休息。 政府計劃都有類似嘅發現。 2015 年，雷克雅維克市同冰島國家政府， 開始咗每週三十五同三十六小時工作計劃， 最終參加嘅僱員超過 2,500 人， 成績非凡。 身體同精神壓力下降。 職業道德、工作滿足感、 工作生活之間平衡 同活力水平，全部改善。 生產力同服務質量， 保持不變或者更好。 而試行結果係收入中性。 目前，冰島大概有 85% 嘅僱員 已經或者合資格參加計劃。 西班牙同蘇格蘭都宣佈咗 四天工作嘅先導計劃， 並會對第五天嘅人工提供資助。 成功嘅原因係 隨著減少工作時間， 每個鐘嘅生產力得以提升。 挪威同丹麥， 係兩個平均工時最短嘅歐洲國家， 大概 1,380 小時。 而且生產力超出標準。 法國同德國情況類似。 相反，工時長嘅國家， 例如英國同意大利， 生產力低好多。 响歷史上，美國嘅生產力領導全球。 而家如果可以縮短工時， 就會做得更好。 雖然科技公司係最多採用 四天工作嘅群體。 進入嘅其他行業包括有銀行、 公關、市場營銷及設計、 非牟利組織、消費產品、甚至連鎖餐廳。 無可否認， 用八成時間做十足嘅工作 唔係度度都適合。 製造業過去幾十年不斷加速。 好多老師、空中少爺同小姐 都需要慢落嚟，而唔係加速。 當然，疫情前線嘅醫護人員 係需要做少啲，而唔係做多啲。 (掌聲) 多謝醫護人員。 跟住介紹政府有個啟發性嘅作為。 2014 年，瑞典嘅哥德堡市政府 喺其中一個醫療設施 俾護士每天工作六小時。 正如所料，護士健康 同身體狀況都改善咗。 生產力同照顧病人方面無改變。 呢個先導計劃，請咗替工 填補減少咗嘅工作時段。 驚人嘅發現係病假支出 同失業資助嘅減少 抵消咗額外嘅薪酬支出。 而瑞典嘅情況帶出咗個更大、 更根本性嘅問題。 究竟我哋要擺幾多時間喺工作度？ 响好多國家， 工作越來越多，要求越來越高。 同時稀缺性思維， 即係越富有國家 應該慳啲用資源， 係主流想法。 但其實，我哋應該採取相反嘅方向。 因為數碼化同 AI 可以實現減少工時。 响抗疫疲勞底下， 我哋應該加倍努力 恢復生活質量同社會結構， 特別係富有國家。 因為响呢啲國家， 已經有足夠生產， 同時每個人擁有良好生活水平。 而呢個途徑嘅附加得益 係可以應對氣候危機。 你可能會問：「係點樣㗎？」 四天工作嘅明顯影響 係減少咗每個人嘅交通日數。 如果維持生產力增加 去減少工時， 就算每年只係幾個百分點 ， 都可以創造出長期動態減碳效果。 我哋嘅研究多次發現， 適用範圍係遍及 各個國家、州、及家庭。 一個原因係當人有時間壓力嘅時候， 會傾向選擇更快、更高污染嘅交通模式 同日常生活方式。 相反， 當人有更多時間，而唔係金錢， 佢哋傾向低碳嘅選擇。 更大嘅原因係同經濟體大小有關。 當選擇減少工作， 其實國家選擇嘅係非最大化發展， 從而避免額外嘅排放。 成功減碳嘅國家，例如：德國同丹麥， 往往會有偏低嘅每年工時。 法國同荷蘭亦都係低碳、 低工時嘅地方。 四天工作制係新工作生活模式嘅首期。 科技公司已經睇到咗好處。 如果要擴展到更多行業， 當然需要政府嘅支持。 隨著三天週末嘅延伸， 我哋認識到每個人都有 私人時間嘅權利。 响眼前係全民基本收入嘅邏輯。 因為冇咗財務嘅支持， 低收入人士無法負擔 第五天嘅休息。 最近有好多有關未來工作嘅話題， 同埋隨之而來嘅機會。 比較機會，其實更多牽涉利害關係。 對我哋來講，好迫切 要面對眼前嘅挑戰。 疫情、過勞同抑鬱， 種族同收入唔平等， 及氣候危機。 四天工作制可以應對每個挑戰。 而家，係逐間逐間公司開始。 〔問答環節即將開始〕 隨著持續推動，將變成全面覆蓋， 稀缺性思維將轉變為 珍惜真正擁有嘅財富。 我哋嘅創造力、 同情心、 同人性化。 多謝。 (掌聲) Helen Walters: Juliet, 多謝曬。 我有個實際問題。 妳頭先講到第五天休息。 有冇建議所有人一齊放假， 定係，例如，自己揀一日放假。 最理想嘅執行機制係點樣㗎？ JS: 每個企業各適其適。 亦都係先導計劃嘅內容。 我哋輔導嘅企業， 同佢哋攪清楚公司可否休息一日？ 係唔係需要二十四小時營運， 例如：客戶服務？ 實際取決於， 我哋都見過每種情況。 HW：Juliet，非常感謝。 (掌聲)
bill_gates_we_can_make_covid_19_the_last_pandemic
公元六年， 一場火災肆虐羅馬。 作為回應， 皇帝 Augustus 做咗件 帝國歷史上從未做過嘅事， 佢創立咗個永久性消防隊， 用呢種水桶滅火。 Augustus 了解喺火災 單獨個人無法保護自己， 而係需要社群幫助。 當一個人屋企火燭， 就會對所有人屋企構成風險。 我哋近幾年遇到嘅 就好似場可怕全球性火災。 新型冠狀病毒疫情 殺死咗幾百萬人，同顛覆咗經濟， 我哋想阻止呢種事 再次發生。 新冠病毒，話佢有幾差都唔過分。 佢加深咗貧富之間 唔平等嘅健康水平。 人可否生存落去 部分取決喺佢嘅收入、種族、 同埋住喺邊個社區。 我哋應該把握呢個機遇 創造出人人都有機會 過健康同豐厚嘅生活。 唔使驚有下一場新冠病毒。 2015 年我企响呢個講台， 同好多其他人一樣，我話 我哋仲未準備好， 而且一定要準備好。 但係我哋無。 其實嗰場演講好多人睇過， 當佢有九成點擊率嘅時候 只不過，已經遲曬啦。 （笑聲） 所以宜家我希望呢個需求清楚易見。 當然啦，我哋已經學咗好多嘢。 呢次疫情期間， 好多嘢做得好好， 亦好多嘢做得唔好。 起碼我哋全部人 都有建構預防系統嘅知識。 如果我哋踏出正確嘅步伐， 新冠病毒可以係最後嘅疫情大流行。 所以，呢啲步伐係咩呢？ 嗱，我哋睇返啲羅馬人做咗咩先。 試諗下，我哋係點樣漸漸噉 擅長預防大火嘅。 火災預防係好普遍。 獲得好多資助， 大家都會非常理解。 如果宜家警報響起， 所有人都知道 我哋應該冷靜噉集結， 走到出口等待指示。 我哋知道救援已經嚟緊， 有好多訓練有素嘅消防員喺度做嘢。 單單係美國就有 37 萬全職消防員， 比我估嘅人數仲多。 我哋亦都有途徑攞到水。 例如美國有差唔多 九百萬個消防栓。 呢種投資、措施同系統 就係阻止疫情所需要嘅。 我哋成日會响電影入面睇到疫情， 我總係對呢啲故事印象深刻。 等我哋睇下呢個快速反應嘅例子。 ［莫塔巴河谷，薩伊］ （直升機旋翼呼呼作響） 嗱，真係幾犀利。 唔使要音樂啦， 否則我哋真係睇到件事應該係點樣嘅。 偵測到疫情爆發。 非常快，幾天之內， 就派咗醫生過去。 佢哋搭乘直升機到達精確嘅爆發點。 佢哋入去，帶埋正確嘅工具。 噉就係發現疫情爆發時 應該發生嘅事。 但係我哋無嗰種團隊 同嗰啲資源。 如果場疫情爆發喺低收入國家， 可能需要幾個月， 我哋先會準備好啲資源。 就算你喺電影睇到， 我哋根本就無準備好嘅專家團隊 來預防呢場災難。 所以需要創立新嘅團隊。 我相信我哋應該創立 GERM 團隊， GERM 代表「全球疫情反應與動員」。 呢個團隊係全職嘅。 佢哋唯一要做嘅嘢 就係預防疫情。 呢個團隊由各式各樣嘅專家組成， 响好多領域各有專精： 流行病學家、信息科學家、 物流管理專家。 佢哋唔只有科學同醫學知識， 仲有溝通同埋外交協商嘅技能。 呢個團隊嘅開銷巨大， 超過 10 億美金一年， 用嚟維持 3,000 名團隊成員。 呢個團隊嘅任務係 阻止疫情爆發演變成大流行。 呢項工作需要世界衛生組織嘅協同。 佢哋會喺世界上好多地點出現， 進駐公共衛生機構。 佢哋會同各國團隊緊密合作， 視乎地區嘅收入水平， 會喺低收入國家駐紮多啲人。 舉例嚟講，我哋可以安排 GERM 成員， 例如一位流行病學家，喺非洲阿布加 疾病控制及預防中心工作。 仲有一件非常重要嘅事， 就好似消防隊員噉， GERM 團隊會進行演習。 如果要快速回應， 確保所需嘅一切物品齊備， 仲要快速行動，噉演習就係關鍵， 確保所有人知道應該做啲咩。 响無傳染病爆發風險嘅時期， 呢個團隊仍可藉處理其他傳染病 嚟保持佢哋強大嘅技能， 但呢樣只會係第二優先。 佢哋會同各國合作， 強化該國嘅醫療系統。 醫療系統係前線。 大家要明白，舉例嚟講， 如果好多人出現一種新型咳嗽， 噉就係 GERM 團隊要調查， 判斷係唔係傳染病會爆發， 有無新嘅病原體？ 發展過程係咩？ 就呢啲工作嚟講， 首一百日會係關鍵。 病毒以指數性成長傳播。 如果團隊喺感染率仲好低嘅時候抵達， 其實就可以阻斷傳播。 喺宜家呢場疫情， 如果我哋喺首一百日內能夠阻止， 我哋就可以拯救超過 98% 嘅生命。 我哋睇到一啲國家做得好好。 澳洲就係一個範例。 佢哋細緻規劃檢驗能力， 構思出社交距離同隔離政策。 所以佢哋嘅整體人均死亡率 唔到其他國家嘅十分之一。 但係我哋全世界 都無控制住疫情， 下次我哋必須要做得到。 响新冠病毒侵襲嗰時， 我哋好似無滅火桶 同消防員嘅羅馬噉。 我哋無所需嘅人力、系統同器具。 若果有正確投資， 我哋就可以有新一代嘅工具， 更好嘅篩檢、治療同疫苗。 係檢測方面呢台小機器 係一個很好嘅範例 佢叫露米婭。 我哋喺全世界設置呢種機器 用嚟檢測任意數量嘅疾病， 要價係聚合酶連鎖反應嘅 10%， 絕對一樣準確，仲簡單易用， 可以喺任何地方使用。 我哋需要投資其他研發。 其中一個令我非常興奮嘅想法 係一種吸入就能為你阻斷感染嘅藥物。 係唔受限任何病原體， 同刺激你嘅免疫系統， 然後你就可得到保護。 好多工具都好重要， 例如檢測同感染阻斷嘅器材， 因為佢哋可以超前部署。 宜家，我哋需要疫苗， 但我哋希望喺需要全球性 作出行動前， 阻斷疫情嘅爆發。 所以疫苗可以扮演 好多唔同角色， 唔限於主要功能。 唔只噉，我哋必須投資更多。 疫苗，可以話係呢次大流行嘅奇跡。 疫苗雖然拯救咗幾百萬條人命， 但其實可以做得更好。 我哋需要發明更容易提供嘅疫苗， 只係一塊貼喺手臂上嘅膠布 或者可以吸入嘅嘢。 我哋需要確實阻斷感染嘅疫苗。 喺呢啲情況下， 有好多突破性嘅感染。 我哋需要廣效性嘅疫苗 來對抗絕大多數新生嘅變種病毒， 呢樣嘢係今次無嘅。 我哋仲需要隨時候命嘅工廠， 喺六個月內生產足夠嘅疫苗 供全球使用， 達至更平等。 呢啲疫苗可以做到 非常有用嘅事， 就係幫助我哋消滅整個病毒家族。 如果正確使用創新嘅疫苗， 就可以消除流感病毒、冠狀病毒家族。 病毒帶嚟好大負擔， 即使响無大流行年份， 如果將佢哋消滅， 就永遠唔會引發大流行。 所以，宜家我講嘅係 投資喺三大領域： 疾病偵測， 即係 GERM 團隊； 更好嘅研發工具； 最後，亦都係最昂貴嘅， 就係改善醫療系統。 費用唔平，但係會拯救好多生命， 長期落嚟甚至可以慳錢。 佢就好似買份保險。 用幾百億美金， 作預防下一場大流行嘅開銷 。 但係，不如我哋同呢次疫情做個比較。 國際貨幣基金組織估計新冠病毒， 用咗我哋 14 萬億美金。 我哋付出幾百億，可以慳返幾萬億。 呢件事最正嘅部分係， 即使係無大流行嘅時期， 呢些投資，例如 Lumira 呢啲新疫苗， 仍然可以令人類更健康。 佢哋可以縮細唔平等嘅健康差距， 現存富國同窮國之間嘅差距超級巨大。 例如，我哋可以偵測到 更多愛滋個案，更好咁治療； 仲可以降低瘧疾嘅死亡人數； 可以令到更多人獲得高品質嘅照護。 所以呢樣唔單只係 消極噉防止件事變得更差， 仲有機會令到件事變得更好。 如果我哋採取正確嘅行動， 就可以令到新冠病毒 成為最後一次大流行， 我哋就可以為所有人 建立更健康公平嘅世界。 謝謝。 （掌聲） Helen Walters: 多謝曬。 我有幾個後續嘅問題， 其中一個同 GERM 正式地位非常有關。 你提到要花 10 億美金， 會由 WHO 來實踐， 但係邊啲人負責， 又點樣運作？ 計劃點樣實現？ BG：嗱， GERM 並唔存在。 佢係我嘅一項提議， 希望可以趁著明年 大家仲記得疫情嘅傷痛， 可以得到全球性共識。 富國政府就會採取行動， 就好似佢地喺援助窮國時一樣， 會攞出所需嘅款項。 人事部門嘅運作方式， GERM 隸屬於 WHO， 係個一流嘅團隊， 大家需要好多討論 才知道點先做得好。 所以我將佢提出來， 希望出年我哋就可以取得共識。 HW：接著要邊啲人承擔呢？ BG：我哋真係需要富國嘅政府。 WHO 每年舉辦盛大嘅世界衛生大會， 未來有人會喺某個時間點 提出解決方案， 我哋就觀察可唔可以 投入更多資源。 第二次世界大戰之後， 我哋做咗好多嘢。 我哋創立咗聯合國， 討論咗好多關於戰爭嘅事。 目前行動仍然少於我嘅預期， 若果未來唔可以做到 類似我剛剛所描述嘅， 我就會好驚訝。 HW：呢度仲有條個人問題。 有反疫苗人士， 佢哋嘅聲音好大， 宜家變咗人身攻擊。 我只係想問下， 你會點樣處理？ BG：係有啲怪。 （笑聲） （掌聲） 宜家，蓋茨基金會 對疫苗有好多投入， 支持新疫苗嘅發明 及資助疫苗。 我哋好自豪，喺共同努力下， 例如同全球疫苗免疫聯盟合作， 拯救咗幾千萬條生命。 諷刺嘅係，有人轉頭就話 件事唔係噉嘅， 佢哋話我哋用疫苗殺人或者賺錢， 仲挑起咗疫情大流行， 仲有更怪異嘅， 話我想要追蹤啲人嘅位置， 因為我真係好想知道 大家宜家喺邊。 （笑聲） 我都唔知攞呢啲資料嚟做咩。 （笑聲） 呢啲資料可能攞黎 唔知做啲咩架嘛， 唔通一直有瘋狂嘅人出現？ 邊個會知呢？ 希望隨著疫情降溫， 大家會變得更加理智， 疫苗係個奇跡， 我哋仲有好多嘢要做。 HW：未來喺宜家我哋嘅手上。 Bill Gates，好多謝你嚟到呢度。 BG：多謝。 （掌聲）
zoya_lytvyn_ukraine_s_fight_to_keep_educating_its_children
2 月 24 日, 我個女第一次開口講嘢。 佢講嘅第一個詞係「吧啦（ba-bah）」， 這個詞嘅意思係大爆炸嘅聲音。 果一日夜晚，我地係 綿綿不絕嘅爆炸聲中醒左。 我地嘅窗玻璃爆左，飛到房間入面。 呢個係對基輔嘅轟炸。 我唔係一個會相信這件事會發生嘅人。 我出生係切爾諾貝利災難發生嘅幾天前， 亦都係同蘇聯崩塌嘅幾年前。 我喺一個獨立嘅烏克蘭長大， 掙扎著去克服從前蘇聯遺留嘅制度。 我嘅媽媽同外婆十分努力 為嘅就係給我一個良好嘅教育 因為佢地相信我地這一代 會建造這個國家。 而且我地做到左。 直到六個星期前， 烏克蘭仲喺度變得更好， 正係變得更加繁榮， 更加公平，更加自由。 係 2004 年同 2013 年， 我地為民主遊行， 打敗左獨裁政府。 所以當果扇窗爆裂嘅時候， 我呆左。 我講唔到嘢，僵住左， 完全無助。 那係戰爭給我嘅第一課。 你所珍惜嘅一切隨時可能被奪走， 包括你嘅平靜嘅內心。 我帶著個女逃向烏克蘭嘅西邊嘅時候， 我對手仲係到震。 我地越過邊境嚟到斯洛伐克。 我嘅老公仲有父母留係左基輔， 幫助我地嘅國家。 當我地離屋企人越來越遠， 我開始想象被摧毀嘅一切。 我地嘅家，我地嘅醫院， 我地所有重要嘅建築，同埋太多其他嘢。 對我國家嘅 4000 萬人， 同全球數十億人嚟講， 2 月 24 日係俄羅斯 入侵烏克蘭嘅一日。 但係對烏克蘭嘅 700 萬兒童嚟講， 果日亦都係俄羅斯試圖奪 走佢地嘅未來嘅日子。 176名兒童被俄羅斯嘅炸彈炸死。 幾百人受傷。 十年前， 我致力於建設世界一流嘅學校 比烏克蘭嘅小朋友。 我堅信教育係最強大嘅工具 為左發展經濟， 環境、同人類嘅健康。 戰爭好快就將呢啲摧毀曬。 到目前為止，900所學校已嚴重受損， 84所已被完全摧毀。 但係，教育仲係持續。 係疫情期間， 烏克蘭政府比我嘅團隊參與 做創建線上烏克蘭學校。 呢兩年， 佢為兒童提供左教育， 無論佢地身係何處。 生係偏遠地區嘅學生 亦都有機會接觸到老師同課程， 如果無線上課嘅話， 佢地係接觸唔到呢啲資源嘅。 呢個平台概括左中學嘅課程 將所有學生交給最好嘅老師。 我地從未諗過我地呢個非盈利嘅項目 會喺一個比疫情更加嚴峻嘅 情況下被需要。 不過，宜家已經就嚟有 40 萬學生 係呢個平台上學習。 佢地從包括烏克蘭係內嘅 120 個國家接入 呢一刻佢地以難民嘅身份留係果啲國家。 對於佢地所有人嚟講，每日呢幾個鐘 唔單止係一個安全咁學習新知識嘅環境， 排除一切，佢亦都係一個 烏克蘭可以繼續投入嘅領域。 呢個亦都係我從戰爭中學到嘅第二課。 普京可以奪走我地好多嘢。 我地嘅家，我地嘅工作， 我地嘅愛人，以及我地嘅安寧。 但係佢唔可以攞走我地嘅教育。 知識同好奇心 係無法被摧毀嘅寶藏。 只要我地嘅小朋友還係繼續學習 我地嘅老師繼續教書， 即使佢地宜家係轟炸下嘅避難所挨餓， 甚至係難民營入面， 我地都係不敗嘅。 係呢場戰爭入面， 每一位烏克蘭人都有自己嘅前線。 我地嘅軍人、醫生、母親， 就連我地嘅老師同學生 亦都有自己嘅戰場。 通過不斷學習， 佢地為我地嘅未來而戰。 呢場戰爭唔只係關於邊界。 我地烏克蘭人為左自由， 為左我地想象同建造 我地想要嘅未來嘅權利而戰， 我地嘅人勇敢咁企左出嚟。 過面對世界上第二大嘅軍隊， 我地不能獨自戰鬥。 要想結束這場戰爭，我地需要你。 我地需要每個國家嘅每一位公民 要求呢場戰爭停止。 呢個亦都係我學到嘅第三課。 我嘅自由同你有關。 我嘅女兒嘅第一個字 係破毀嘅聲音 但係隨著佢嘅成長， 我知道佢同佢這代人 會重新建造烏克蘭。 我地會修復我地嘅道路， 我地嘅學校，我地嘅醫院， 我地嘅屋同埋人。 係知識同好奇心嘅推動下， 我地將再次走向成為一個繁榮、 自由嘅國家嘅路。 如果你支持我地。 所以請大家 唔好做一個旁觀者。 唔好坐視不理。 同我地企喺一齊。 支持自由。 支持民主。 支持烏克蘭。 多謝大家。 （掌聲）
martin_reeves_why_play_is_essential_for_business
你有冇試過赤腳 踩落樂高嘅積木度？ 深夜靜靜雞喺客廳到行 突然間感覺強烈嘅刺痛 啲粗口 同埋避唔開嘅問題： 「點解我哋周圍有咁多積木？」 其實答案好簡單 係你哋啲小朋友鍾意玩 所以你買多咗 我承認 鐘意睇住啲小朋友玩樂高積木 由其係當佢地研發到自己嘅規矩 同個人嘅世界 我啲女 就上個星期六 用咗唔同嘅工具包 繩子、木頭、公仔同其他物品 我問佢哋：「呢個咩嚟㗎？」 佢哋話，「爸爸，呢個梗係 坐喺恐龍上嘅公主啦﹗ 佢飛緊去紐約睇農場嘅動物。」 當然，佢仲可以係咩嘢？ 玩緊嘅小朋友俾到靈感我 佢哋唔會驚去問「如果」 同埋「點解唔得」 大人成日都會唔記得 但係小朋友知道 玩唔單止為咗好玩 依家，作為生物學家 我知道玩係即興同享受嘅 —— 你係呢張相見到啲笑容 —— 佢哋嘅學習係加快咗 而且仲冇咗風險 玩遊戲幫啲小朋友嘗試新行為 細化呢啲行為 同想像嗰啲唔係乜嘢 但可能係乜嘢 抑或將會係乜嘢 作為商業策略家 同大人做嘢 我仍然建議去玩 喺商業度玩遊戲 實在唔單止係可行 我會話係必須嘅 甚至係緊急嘅 點解呢？ 最近，競爭優勢 比任何時候都消失得仲快 喺 1980 年代 如果你比競爭者有性能嘅優勢 你可合理噉預咗平均做多 10 年嘅領袖 但係依家嗰啲優勢 半衰期就縮到一年 亦代表著短暫嘅成功係好普遍 但係要保持成功係好難 仲好罕見 亦即係話，重新構想 係依家要執行嘅嘢 要維持喺頂峰 或者只係原地踏步唔喐 你需要不停噉重新構想你嘅生意 如果你已經有個 好成功嘅生意模式 就唔係噉簡單喇 我哋為咗鞏固過往嘅成功 被限制喺一個心理模式 事實上，我發現做生意 如果你唔絞盡腦汁 好難去擴展你嘅策略 玩遊戲——當然係擴展腦力嘅好方法 唔好搞錯 我唔係建議你哋 領導階層喺會議室圍埋喺張枱 擺滿樂高積木 —— 雖然我做過，亦都係可行嘅 我曾經整過一連串嘅想像遊戲 幫領導層擴充佢哋嘅思維 你想唔想同我玩？ （觀眾點頭） 好，我好開心你哋噉講 你被困喺老套嘅鏡頭 睇過去同現在嘅世界 我會建議玩 「反公司遊戲」 佢係點樣玩㗎呢 你有一張紙 你整個清單， 列出對你策略重要嘅嘢 撐住過去成功嘅一切 所有關鍵同神聖嘅嘢 —— 再反轉諗佢哋 列出另一張反向假設嘅清單 然後你幫呢個反我策略 做最佳嘅商業案例 你會驚訝呢個遊戲觸發嘅想法 假如，你係間連鎖酒店嘅老闆 玩呢個遊戲同埋做反轉嘅假設 假如你唔方便 其實冇擁有任何酒店 抑或任何房間 甚至冇喺任何地方 經營任何酒店或房間 係好荒謬 —— 係好有可能 —— 但係其實你點樣知道係荒謬嘅 就淨係唔熟悉 又未試過同感覺到唔舒服？ 邊個話 睇起嚟不切實際嘅嘢 實際上不能演化成 更強大嘅想法？ 其實，如果酒店嘅領導層 係 2007 年之前 玩過「反公司遊戲」 佢哋可能會預先知到 Airbnb 嘅出現 沒有酒店嘅酒店服務公司 佢哋已經能夠先發製人 避免 Airbnb 破壞 玩第二個遊戲 「非正統遊戲」 喺你行業嘅邊緣 —— 喺每個行業嘅邊緣 —— 都有一啲初創嘅公司 佢哋喺度對賭 係跟現有公司嘅模型 同對未來嘅睇法 實在佢哋冇得選擇 因為成為現有模式嘅 袖珍版係唔會掂 你好容易忽略咗佢哋—— 好多都係細公司 好容易用啲理由故意忽略咗佢哋 好多剛起步嘅小企業好快就會消失 喺好易誘導你 用你做生意嘅所有經驗 批評佢哋 佢哋做緊咩？ 商業模型有乜義意？ 佢哋會唔會賺錢？ 但係與其舒舒服服喺你嗰位 好自信噉批評佢哋 試吓假設佢哋對將來睇啱咗 然後諗吓你生意模型嘅後果 為咗佢哋嘅諗法 整理出最佳嘅情況 假如 你係間公司嘅首席執行官 公司製造半導體嘅設備 你好自然會花好多時間同精力 喺你主要客戶嘅行業 係電子行業 如果真嘅發生咗 有幾間初創嘅生物科學公司 修補緊你嘅專利同科技 你可能當係種干擾 忽略咗佢，覺得唔關事 但布魯克斯自動化公司 係電子業嘅領袖 決定睇真吓 喺嗰啲初創公司冇嘢可以學到 佢哋做咗啲乜 透過佢哋嘅眼光望向呢個世界 實際上係唔係相同嘅技術 技術可應用到處理精密半導體 亦可應用到其他脆弱 同容易受污染嘅物質 好似生物樣本噉 唔係好明呢樣野 佢哋重新想像點樣處理 儲存同運送 標籤同分辦生物樣本 事實上，佢哋成功噉成為先驅 喺嶄新自動生物銀行業度 實在好成功，就喺幾天前 佢哋宣佈呢個係依家 發展嘅核心業務 只有專注喺呢啲異常初創嘅企業 佢哋先睇到可以重新成長同成功嘅路向 喺商務度 唔係所有嘢都可以跟住計劃做 有陣時計劃錯得好離譜 但你知唔知？ 呢個都可以係靈感嘅泉源 要知點做 等我哋玩吓「驗屍前遊戲」 你喺呢個遊戲嘅角色係去寫…… 你公司嘅訃告 間公司將會喺五年內 100% 肯定會失敗 咩嘢原因導致佢嘅死亡？ 失敗嘅重點喺邊度？ 點解會失敗呢？ 點樣會失敗嘅呢？ 呢個挑戰係好容易 受基本比率謬誤所誤導 謬誤係指 經營依家嘅商業模型係低風險賭注 當然呢個想法睇落係啱嘅 直至變咗唔啱 到嗰陣時，已經做咩都補唔返喇 你嘅員工係預先警告嘅指標 佢哋嘅直覺會知道現時模型開始變差 但係好難公開講出嚟 當商業模式面臨壓力時 佢哋甚至不敢提出問題 但當領導層創造咗遊樂場環境嘅時候 —— 可以安全噉探索其他選擇嘅空間 同替代方案—— 然後你就利用員工嘅豐富經驗 檢視關於漏洞同弱點 以及公司嘅盲點 有冇人記得最近去過其中一個 華麗嘅大理石宮殿？ 冇？ 我哋可能已經有段時間 冇去當地嘅銀行分行 如果實體銀行玩過「驗屍前遊戲」 可能佢哋會聽過佢哋嘅僱員講 擔心越嚟越少顧客去本地銀行分行 或者佢哋會稍微唔會噉驚啲新銀行 嗰啲數碼原居民 實在迅速噉抓住咗呢啲機會 就依家，說服咗 超過 4,000 萬拉丁美洲人 親身去銀行交易 係種過時嘅做法 只有當你睇 清楚你嘅弱點嗰陣 你可能會重新構想你嘅生意 並以穩健嘅方式噉做 呢個亦都係點解羅馬天主教教會 喺十六世紀發明咗魔鬼代言人嘅角色 反思將來委任新聖徒嘅後果 除咗諗著樓上大佬嘅正常程序 佢哋仲通過想像去構想 撒旦會講啲咩 或建議啲咩 抑或反建議啲咩 任何人、僱員、團隊 同公司都利用人類嘅想像力 呢樣係我哋物種嘅決定性特徵 喺生意度缺乏想像力 就係領導層失敗 做生意係嚴肅嘅 但唔好排除玩遊戲 當領袖接納咗玩想像嘅遊戲 會釋放員工嘅想像力 發掘顛覆性嘅新策略 並延續與未來嘅契約 多謝﹗ （掌聲）
richard_browning_how_do_jetpacks_work_and_why_don_t_we_all_have_them
喺 1961 年 4 月 12 日 蘇聯太空人 Yuri Gagarin 駕駛一艘 2400 公斤嘅太空船 進行人類首次載人嘅太空飛行 一周後，貝爾航空系統 推出咗另一項先進航空技術： 燃氣驅動火箭組件 能夠喺 13 秒內 飛行 35 米嘅火箭組件 令到圍觀者極之興奮 但一班設備嘅工程師 就冇噉嘅熱情 儘管多年從事尖端工作 知道呢次短途飛行 係火箭組件竭盡所能才做到 噉點解大型太空船 比單一飛行員更容易飛行呢？ 根據牛頓動力定律 飛行背後嘅物理學其實非常簡單 你只要有足夠強大嘅向上動力 嚟抵消向下嘅地心吸力就可以喇 由於質量更大嘅物體 會受到較強嘅地心吸力 因此較輕嘅物體 應該更容易離開地面 主要嘅飛行工具 即係現代噴氣式引擎 實際上，越大效率就越高 噴氣式引擎嘅運作原理 係吸入大量空氣 然後儘快排出呢啲空氣 實際上，其中大部分 繞過咗內部機械 但佢仍然係推動引擎嘅主要原因 但係進入引擎核心嘅空氣會被一系列 緊密排列嘅葉片壓縮 壓縮空氣跟住進入燃燒室 喺嗰度註入噴氣燃料然後點燃 熱量令到壓縮空氣迅速膨脹 從排氣中噴出並驅動引擎前進 喺空氣離開引擎嗰陣 會轉動鑲嵌喺排氣噴嘴中嘅渦輪機 渦輪機向風扇 同埋壓縮機葉片提供動力 形成一個循環 只要有燃料燃燒就保持著推力 引擎吸入同埋排出嘅空氣越多 產生嘅推力就越大 喺而家嘅噴射機 前面嘅風扇直徑比貨車仲要大 即使以相對較低嘅速度旋轉 呢啲引擎亦產生足夠嘅推力 嚟維持客機飛行所需嘅速度 但較小嘅引擎根本無法吸入咁多空氣 大部分 20 世紀工程師 都無法製造 細緻而輕巧 可供個人穿著嘅引擎 而且更唔可以將飛行員同埋燃料並肩飛行 設計淨係可以攜帶燃料 足夠飛行 30 秒 而喺空中飛行嗰陣 單方向嘅強大推力 令到噴氣背包難以控制、而且危險 但新千年帶嚟材料、製造業 同電腦技術嘅進步 包括極度準確嘅燃油噴射處理系統 總體呢講，佢哋顯著提高咗燃油嘅效率 同噴氣發動機嘅功率重量比率 喺 2016 年 一個咖啡罐大嘅微型引擎 重量唔夠兩公斤 就達到 220 嘅牛頓力 當時，一位叫做 Richard Browning 嘅英國工程師 睇到咗創造一種 新輕型噴氣式背包嘅機會 背部綁著一個引擎之外 呢套所謂嘅噴氣服 仲包括一對手臂上嘅微型引擎 用嚟分散同平衡推力 同背部引擎一起運作嘅時候 佢哋提供咗三個穩定點 一啲飛行員形容為類似 兩手舒服噉放喺柺杖上 同身體挨住穩陣舒適嘅靠背 同時間處理所有引擎似乎好複雜 但好多飛行員喺一日內就掌握操縱 蹺妙係運用另一個先進嘅電腦系統 即係佢哋嘅大腦 大腦嘅唔同區域同埋多種感官系統 準確噉校準咗我哋嘅 平衡感同空間定位 幫助飛行員順利指揮飛行 手臂嘅輕微移動 允許操作員增加同減少上升力量 喺半空中快速轉彎 或向前滑行長達 5 分鐘 呢項較新嘅技術 喺燃油效率同引擎技術方面 仲未有重大進步 唔好指望而家好快 就擁有自己嘅噴氣背包 但係今日我哋已經可以飛上天空 接下來會飛到去邊度呢？
daniel_h_pink_4_kinds_of_regret_and_what_they_teach_you_about_yourself
我嚟講下「後悔」 我哋誤解得最多嘅係呢個情緒 所以我決定花幾年 去學習佢 其中一件事 就係回顧過去五十多年 社會科學對後悔嘅研究 研究話你知 我唔使你讀 半世紀嘅社會科研 研究話人人都會有後悔 噉我哋先至係人類 講真，唯一唔會後悔 就得五歲嘅細路仔 腦部受損或係反社會嘅人 大部分人都會有後悔 若果正確對待佢 會有好大可能 但要有方法去做 後悔令我哋變得更好 可以提高做決策嘅能力 談判嘅能力 成為更好戰略家同解決問題嘅人 改善我哋意義感 若可正確對待後悔 好消息嘅係 有個有系統嘅方法去做 不過我先花幾分鐘話你知 後悔嘅額外嘅嘢 我認為極之有趣 作為研究嘅部分 我決定做後悔嘅街訪 令我驚喜嘅係 最終收集咗嚟自 105 個國家嘅人 約莫 16,000 個後悔事例 真係唔尋常嘅寶藏 睇到令人難以置信 人類志向、渴望嘅數據庫 我意識到 喺全世界嘅範圍裏便 國家之間嘅差別係好細 人會不斷重複緊 表達四類相同嘅後悔 喺呢個世界上 有四類後悔 係不斷重複又重複噉出現 所以我想儘快話你知 呢四類後悔嘅核心內容 因為佢哋揭露咗啲非常緊要又有趣嘅事 以下係四類核心嘅後悔 第一類，叫做基礎型後悔 基礎型後悔 大家會後悔嘅嘢類似係 儲唔夠錢喇 係財務上嘅懊悔 對健康同飲食照顧唔夠好 係健康懊悔 都係同一類型 呢種後悔同做選擇有關 唔允許你咁穩定 即係穩定嘅生活 我有好多人後悔讀書時唔夠努力 好多人後悔—— 儲唔夠錢 令我諗起伊索寓言裏便 螞蟻與蚱蜢 佢哋生命較早期 行為好似蚱蜢，唔似螞蟻 而現在要趕上螞蟻喇 所以基礎型嘅後悔會係 「如果」—— 後悔嘅口頭禪—— 「如果我做晒啲嘢。」 第二類 我好鍾意佢 非常有趣 膽量型後悔 我有好多後悔都類似噉樣 好多年前，我曾經好鍾意 一個男仔或者女仔 我好想約佢出街 但係我唔敢去約佢 之後一直都好後悔 仲有好多後悔係： 「其實我想開翻間公司 但一直都無膽去做。」 啲人話：「我希望嗰時講多啲嘢 能肯定自己講咗嘅嘢。」 呢啲就係我頭先講嘅膽量型後悔 當遇到一個生命契機 就要做選擇喇 我哋尋求安穩 定係抓緊機會 我發現絕大多數人 後悔無去抓緊機會 即使有抓住機會但無成功嘅人 都冇咁後悔 就係做唔到嘅人先係噉 有膽量型嘅後悔 膽量型後悔就好似： 「如果當時抓緊機會。」 第三類 道德型後悔 非常有趣嘅類型 仲係有啲人 好多人後悔開始喺 一個關鍵時刻 你做啱定做錯件事 有人做錯咗 然後後悔 有一個故事令我好難忘 喺呢度同大家分享下 有一個 71 歲 住喺新澤西州嘅女士： 「當我細個時 媽媽會叫我去舖頭仔度買嘢 我經常趁店員唔覺就偷塊糖 呢件事困擾咗我 60 年啦。」 所以呢位新澤西州女士 俾個不道德行為 困擾咗 60 年 呢個就係道德型後悔 有人後悔欺凌他人 又有人後悔對婚姻不忠 林林總總 道德型後悔聽起來係咁 「如果我當時做啱咗。」 最後第四類 我叫佢做關係型後悔 關係型後悔就係 你已有或者應該有一段關係 唔理係咩關係 同子女、父母、兄弟姐妹 表親、朋友及同事 但係呢段關係 不過喺最後分開咗 有趣嘅係呢 16,000 人話我知 呢啲關係只係疏離咗 通常唔係 完全唔係好激烈噉 通常都係慢慢疏離 唔係嗰種好爆炸性嘅衝突 而係大家唔願意聯絡對方 因為佢哋話做主動嗰個會好尷尬 而另一邊都唔會著緊 我自己從書中認識到要經常 主動聯絡其他人 呢個就係關係型後悔 「如果我主動聯絡。」 所以我哋重重複複噉 見到呢啲後悔 基礎型後悔：如果我做嗮啲嘢 膽量型後悔：如果我抓緊機會 道德型後悔：如果我做正確嘅事 關係型後悔：如果我主動聯絡 當我哋睇下呢啲後悔 有趣嘅就係 呢四類核心嘅後悔 運作上似一種美好生活嘅攝影底片 因為如果我哋明白人最後悔嘅事 就明白佢哋最睇重啲咩嘢 我認為每種後悔 反映咗人性嘅基本面同埋需要啲咩嘢 我哋需要穩定 無人想要過唔穩定嘅生活 我哋需要學習 成長同做事嘅機會 我哋知道不會永遠喺呢度 我哋想嘗試同做翻啲嘢 至少會因為膽大而興奮 至於道德型後悔 我哋大部分人都想做啱嘅嘢 道德型後悔 某程度上令人好上心 人俾自己早年道德失誤嘅想法 困擾咗數年 甚至幾十年 大部分人都想做啱啲嘢 然後係關係型後悔 我哋想要嘅愛 唔單止係浪漫噉 而係廣義嘅愛 包含咗聯繫同關係 同人哋嗰種親近感覺 所以呢種後悔嘅負面情緒 以一種奇怪嘅方式 指向通往美好生活之路 通過學習後悔 知道咩嘢構成美好人生 穩定嘅生活 你有機會冒少少險生活 係做啱嘢嘅生活 生活中你有愛你嘅人 你亦愛佢 我都一樣 開始嗰時會話 「從呢本書學習後悔 會唔會令人沮喪㗎？」 佢最後係振奮人心 之所以係四大核心後悔 後悔指向更美好人生 同埋我希望你哋會開始 去認識到自己嘅後悔 因為我諗佢哋會 指引你好嘅生活方向 Whitney Pennigton Rogers：多謝你 Dan 我頭先喺幕後鼓掌 不過你睇唔到 我識嘅所有人 都好感激你嘅分享 首先， Dan 你提到最大嘅得著 關於點樣去諗後悔嘅事 幫我哋搵到 點樣過美好人生嘅秘訣 我諗你喺做呢項工作之後 最大嘅收穫係咩嘢？ DHP：有意思嘅係 好多人想講呢樣嘢 就係令我堅持做落去嘅原因 其實，我有過經歷 當我個細路喺大學畢業嗰陣 我生命中嘅標記 使我喺度諗 我有咩嘢後悔緊 我淨係同幾個人講過 然後佢哋就好投入 我好驚訝有咁多人想討論呢個話題 同時有好多人當佢係禁忌 「我無咩嘢後悔」 說得好荒謬 簡直可笑 但如果認真開始講呢樣嘢 我哋就會得益 對於我個人嚟講 最大嘅收穫 就係關係型嘅後悔 因為我知道好多人 都有同樣經歷 當佢哋曾經有過一段友誼 某種關係 然後分開咗 想主動接觸 但然後話 「噉樣做會好尷尬 對方係唔會在乎嘅。」 其實，我哋搞錯晒 其實一啲都唔尷尬 對方通常會好感激 對我嚟講 我估收穫係喺 人生十字路口 我會諗 「我應該去主動揾人嘛？」 我已答咗呢條問題 嗰個答案 當你去到呢個時刻 答案就係 永遠要去馬 Whitney，喺呢個時候 我哋需要嗰種聯繫嘅感覺 所以我學到人生最大嘅嘢係 永遠要主動聯繫 WPR：Dan，我哋跟住 做啲有趣嘅嘢 同啲會員分享佢哋嘅後悔 所以我諗而家交翻俾你 邀請第一位會員 然後探討多啲嘢 思考下造成後悔嘅過程 睇嚟真係幫我哋 過美好嘅人生 DHP：當然啦 我哋歡迎 Lily 我唔想搞到魔術表演噉 我同 Lily 都唔認識 我哋冇預習過 但我想試下 去聽下人哋講後悔嘅故事 係好有趣同富啟發性 請聽下 Lily 嘅後悔 我哋將會討論到 喺科學範疇內 對呢啲後悔嘅適當回應 Lily， 歡迎你 Lily：多謝，大家好﹗ DHP：話我哋知你住邊度？ Ｌ：我而家喺紐約嘅布魯克林區 DHP：TED 會員 呢處嘅地方係喺 Brooklyn Lily，講你嘅後悔 L：我想分享嘅後悔係 發生喺我細個嘅時候 從幼兒園 真係一直到高中 我非常咁怕醜，好痛苦 自信心又低落 我諗緊佢嘅時候，我記得 曾經有過想合埋對眼 然後隱形 我諗你會明白...... 直到我入咗大學 我才真正成為自己 我遇到一班好朋友 真嘅，就係，我好有信心表達自己 而且，你明白，我只係做回自己 我認為 我嘅後悔真係希望喺之前 有花多啲精力 去培養自信心嚟戰勝怕醜 因為我擔心我係咪已經錯過咗一啲機會 直到現在，我都覺得我想除去呢種諗法 如果我見到有個人 尤其係年紀細遇到 同我經歷一樣嘅問題 我試下令佢哋覺得俾人睇得到 同埋去體諒佢哋嘅感受 因此，我諗，從後悔 就學到呢樣嘢 DHP：聽起嚟好似...... 所以呢個後悔始終跟著你？ L：我諗係 DHP：聽起嚟你好似開始進入咗 問題緩解嘅過程 L：當然係 但我認為即使係準備緊呢個過程 我會開始諗 有好多嘢係我本來可以做到嘅 如果我開放一啲 但冇做到，只係太過收埋自己 DHP：係嘅 好精彩嘅分享，Lily 不得不說 我有個後悔嘅數據庫 你可以去搜尋嘅 如果我喺數據庫搜索 「講出嚟」「講過」「曾經講出嚟」嘅關鍵詞 我會得到個大基數嘅人群 呢個係其中最常見嘅遺憾 係啲人後悔無講出嚟 從科學角度嚟講 重要嘅係 我哋點樣處理啲遺憾 所以我哋呢啲後悔講 「你知道嗎？ 呢個後悔感到好閉翳係唔緊要 我當佢冇到。」係咪？ 就好似隨便嘅「無悔」哲學 呢個係壞嘅諗法嘛？ 換個講法就係 「我有晒呢啲悔限 太可怕，我掩蓋咗自己。」 仲係壞嘅諗法 我哋想做咩嘢 你已經做得好出色 就係用後悔感覺做信號 去思考佢教咗我哋啲咩嘢？ 喺研究度有幾件事 俾咗啲該做咩嘢嘅線索 其中一樣係 我哋開始重新定義後悔 同埋我哋應該點樣去諗佢 你會唔會認為自己 係唯一有呢種後悔嘅人？ L：我唔知道 DHP：並唔係 喂，我睇緊你哋傾偈 有人話：「Lily, 你講緊我嘅故事。」 所以其中一樣嘢 對付後悔就係 以同情心善待自己，好唔好？ 唔係去提升我哋嘅自尊心 有時噉做好危險 唔好自我批評貶低自己 但實際上講 唔係鄙視而係善待自己 仲要了解經歷緊嘅 係人類共享經驗嘅部分 此其一 第二就係講出我哋嘅懊悔 講起嚟都有幾件趣事 有成 16,000 人願意同我分享 佢哋啲後悔 確實好神奇 究竟發生咩事，係嘛？ 原因係當我哋公開自己所後悔嘅 就減輕咗啲負擔 一方面係咁 第二件要做嘅 係當我哋真正講到關於後悔嗰時 將模糊抽象嘅心理活動 轉變成具體嘅言語 無論講呀、定係寫 除去佢哋嘅毒害 開始有意義嘅建構過程 而披露嘅另一件事 係講個小秘密俾你哋知 一個嗱喳招 研究清楚顯示 當我哋暴露自己嘅脆弱同缺點 啲人唔會 而係更鍾意我哋 因為佢哋同情我哋 欣賞我哋嘅勇氣 最後就係 要嘗試從中吸取教訓 利用呢個遺憾 Lily，你覺得 係唔係你喺後悔學到嘅教訓？ L：我覺得...... 會出咩嘢問題 如果我...... DHP：好有意思 L：如果我大膽啲去表達自己 啲人可能会覺得我有啲怪 或者也可能覺得我好好 又或者有啲搞笑咯 所以我諗，似乎 就係我一下子諗到嘅 譬如話會出咩問題呢？ 你會明白 DHP：所以你點樣運用呢個教訓呢？ 帶著呢份懊悔 你唔係輕視 係带着善意去對待自己 你已公開話俾呢度所有人知 透過講同寫後悔嘅嘢 開始有意義嘅建構過程 你從呢個教訓吸收到啲咩嘢？ L：我覺得...... 我唔肯定 DHP：好，咁我話你知 （哈哈） 我認為教訓係...... 下次要講出嚟 就係要講出嚟 下次喺關鍵時刻 「我應唔應該講出嚟」 諗下點做 然後講出嚟 你有冇任何類型嘅工作會議或事 將要面對你嘅懊悔？ L：係啊，經常都有 就好似，我有一个諗法 但係有人開始講嘢 然後我好似慢慢褪到後面消失咗 呢啲就係我經常諗住對抗嘅嘢 因為好多時 呢個諗法係有貢獻嘅 而我點解猶疑咁多呢？ DHP：係嘅 你得到個教訓 就係要講出嚟 但係點解你唔去做—— 噉下次你開會嗰時 當你有嘢想講 唔好猶疑大聲講出嚟 L：攪掂，我會做 DHP：好，不過噉樣 我鍾意嘅係你剛剛 向 300 人做咗個承諾 你落咗搭啦﹗ L：我已經落咗搭 DHP：就係噉樣 所以，Lily 有呢個懊悔 佢回顧之後講：「哦 如果我講出嚟就好啦﹗」 佢係度開放自己 而唔係打擊自己 佢從中吸取咗教訓 就應用喺下次互動生活度 就係我哋要做嘅事 用回顧嘅方式 再一次幫你向前看 Lily，太好啦—— 聊天室嘅人話 会跟進 Lily 嘅承諾 我好鍾意 所以多謝你，Lily 我哋将带嚟—— 我真係好感激 你同我哋分享 我想你話俾我知 會為自己發聲 L：我會嘅，多謝 DHP：多謝，Lily WPR：我哋有個來自 Claudia 嘅問題 「好唔好講下痛苦人生懊悔帶嚟嘅問題 會錯失重大機會？ 你對如何避免害怕或者後悔造成嘅 停滯不前有冇咩嘢建議？」 DHP：好嘅 有趣嘅係 Claudia 話 「錯失機會」 就係呢句話 我想講啲嘢 喺我嘅研究度發現 因為我喺美國人度 做咗個大型調查 喺調查入便 有 4,489 名美國人嘅代表性樣本 關於後悔係咩嘢嘅一回事 但其中一樣嘢係好普及 就係形成咗後悔 往往有兩種類型 做咗同冇做嘅後悔 我哋後悔做咗 又後悔冇做到 絕對係冇做嘅遺憾占主導 呢個就係錯失咗機會嘅原因 就喺對行動嘅懊悔 我哋嘗試除去佢哋 我哋可以修正 我哋可以減少刺痛 揾一線嘅希望 對於懊悔冇做 就比較難 所以機會錯失嘅關鍵 就係去諗下 真係好喜歡 你要做啲乜嘢？ 你要降低抽象嘅思維然後講 「下次你打算點做？」 唔係好抽象噉講 「哦，我要大膽啲。」 就好似 下次要做咩嘢？ 我同 Lily 講嘅 下次你打算做咩嘢？ 所有後悔生於嗰時 係走呢條路 定另一條路 所以對於 Claudia 我會說下次喺呢個時刻 你要抓緊機會 小心行事 停一下 諗下你嘅遺憾 並喺嗰度做出決定 或者可做另一件事 我會俾個啟發做決策嘅方法過你 其實係兩個 Claudia，當你下次係嗰個時刻 就向五年後諗 呢個被稱為自我疏離 Claudia 喺五年後 睇返今日嘅自己 你會做咩決定？ 喺 2027 年嘅 Claudia 想 2022 嘅你做咩決定？ 噉就會好清晰 或者講，最佳嘅啟發性決策就係： 喺關鍵時刻 叫你最好嘅朋友做咩嘢？ 當喺人哋做決定嘅時候你去問： 「你會叫最好嘅朋友做咩嘢？」 每個人都會知 就係噉樣喇 記住，唔好俾懊悔令你失望 係透過佢思考—— 唔係沉迷 唔係忽略—— 係思考 WPR：有個來自 Kim 嘅問題 佢講唔好嘅決定 或錯誤都會產生後悔 而佢唔確定情況成日係噉 可否分享後悔嘅定義？ 特別係喺你做完研究後。」 你嘅定義係咩嘢？ DHP：後悔同錯誤之間係有區別嘅 你會犯錯不過唔會後悔 因為你會馬上從中學到一啲嘢 或係個有價值嘅錯誤 後悔係當你回顧一啲嘢嘅時候 你本來可以控制 根據自己嘅意志行事...... 如果你噉做 本嚟就可以做到啲嘢 但你做錯咗 後悔就會如影隨形 揮之不去 錯誤會纏繞你一段時間 所以喺兩者之間差別好大 例如我犯錯 但唔會後悔 因為佢唔夠重要 至令我忘記佢咯﹗ 就係後悔同錯誤間嘅區別喇 基本上係持續幾耐 實質上，喺負面情緒嘅半衰期 後悔同失望之間 有好大不同 係有巨大嘅不同 因為由於失望 你無任何控制權 Michigan 嘅大學教授 Janet Landman 對我來說 就有個好例子，就好似 佢講述咗個故事 有個七歲嘅細路 細路甩咗第三隻牙 佢甩咗隻牙 佢去瞓觉 佢瞓覺之前 將隻牙放係枕頭底 當佢醒來嘅時候 隻牙仲喺度 個細路好失望 父母就後悔沒放（碎紙）—— 你必須有啲幫助 佢必須係...... 角色有足夠嘅意義 一直陪伴著你 再一次，回顧四種核心後悔 最終成為同一種...... 同一種嘅嘢 如果你話：「哦﹗我唔應該買嗰種車。」 可能會有啲刺痛 但半衰期非常、非常短 但其他嘢就會如影隨形 呢啲嘢往往係意義重大 WPR：非常多謝你 Dan，同我哋傾計 我鍾意就此完結 唔係等幾時﹗ 我哋下次見 多謝你，Dan DHP：好多謝，好高興來到 ［你唔會錯過參加 發人深省嘅活動。］ ［睇網頁 ted.com/membership 成為 TED 會員］
katie_paterson_the_mind_bending_art_of_deep_time
你有冇試過沉醉喺創造嘅滿月燈光下 喺沙灘度整啲微型嘅山丘 又或者呼吸住地球上 第一棵樹嘅香氣？ 呢啲係我為咗理解深時 而創作出嚟嘅藝術作品 咩嘢係深時 同埋點解對我哋咁重要？ 呢個術語講緊嘅係 地球跨越幾百萬年嘅歷史 我第一次遇到深時嗰陣 就喺讀完書之後 冇工返 亦唔知道要做啲咩 所以我喺冰島偏遠北部酒店 做打掃客房嘅服務員 我向自己嘅軸心傾鈄 跟住開始連串嘅探索 嘗試搞清楚點樣 講述深時嘅故事 我一直喺工作 係咁追求 帶我穿越咗宇宙 地球嘅地質層 邂逅初期嘅生命 我喺冰島意識到 我哋生活喺一個星球上面 透過認清原始嘅風貌 開始明白，我哋唔係無中生有 大海、天空、地球、空氣： 我哋係嚟自同一樣嘢 我哋係要共存 喺我嘅一生中 我哋人類已成為咗一股地質力量 令到全世界冰川融化 我藉著將遙遠景物拉近生活 打動我哋嘅心 當然，我設立咗條電話熱線 任何人都可以打電話 即時聽到冰川融化嘅聲音 （冰塊裂開） 呢啲聲音係景物消失緊嘅哀號 （冰川融化） 我哋可以通過觸感體驗連繫深時呢？ 呢件藝術品係「日全蝕」 以鏡球將人類記錄過嘅 所有日蝕擺埋一齊 超過 10,000 幅影像 反映出日蝕整個進程 我哋被佢哋嘅光包圍着 可能被迷倒 令我喺度諗： 深時嘅顏色係咩呢？ 我繪製咗整個宇宙嘅顏色 由一開始到潛在嘅終結 由第一顆星嘅淺藍色調 到最後一盞燈嘅黑褐色 我哋身體入面嘅每粒原子 喺數十億年前嘅一顆恆星中形成 恆星嘅剩餘部份組成咗我哋所有人 我希望收集哂全宇宙 就快死嘅每顆恆星 用嚟整個地圖 結果： 超過 27,000 顆超新星 恒星黑洞 同伽馬射線爆發出微弱閃光 如同鋁針尖一樣 你所睇到嘅係星辰墳場 然而呢樣嘢影射著生活 我哋人類走到嚟呢度 簡直就係奇蹟 「化石頸鏈」係從生命嘅原料串連嘅世界 每粒珠都係由古老化石雕刻而成 逐粒逐粒將地質時期串起 見證地球嘅重要歷史時刻 第一個單細胞生命 第一朵花 第一隻可以睇到同飛嘅生物 「化石頸鏈」代表我哋一直演變緊 我哋每日都會行過啲樹 但係有冇諗過佢哋係我哋嘅親戚呢？ 我哋同樹有咁多一樣嘅基因 而樹木為我哋提供氧氣 我想創造一個 由地球上每種樹製成嘅雕塑 嚟表揚佢哋 呢個係「空洞」 喺由建築師 Zeller 同 Moye 整嘅 集合咗 10,000 種 有幾百萬年壽命嘅樹 差唔多每個國家都有 向我哋捐贈木材樣板 有印度榕樹 白桑葚 黎明紅木 同嚟自周圍神聖森林嘅樹枝 望上去睇下啲燈光 睇到依家最受威脅嘅樹木品種 喺我最近嘅工作 我逐漸認為回顧過去 同期待未來一樣咁重要 我哋點樣同未來嘅世代溝通呢？ 又點樣建構穿越時空嘅橋呢？ 我認為世界文學之聲 可能係最擅長做呢項工作 所以我提出咗未來圖書館： 森林 房間 100 位作者喺 100 年 由 2014 年開始 喺奧斯陸嘅郊區 我哋種咗一千棵小雲杉樹 當佢哋完全長大 就會被斬整成紙張 為期 100 年，每年都有 唔同作者寫新嘅作品 佢哋嘅文字會成為書嘅選集內容 印喺用呢啲樹整嘅紙度 只係喺 2114 年先至可以睇 「未來圖書館」嘅重心係時間同長久性 亦都係種希望同儀式 每年春天，我哋都會去森林朝聖 作者交出手稿同宣佈標題 佢哋嘅手稿會擺喺奧斯陸新嘅圖書館 你除咗對鞋 入去裏面 每個玻璃櫃桶 都裝有一份手稿 從宇宙嘅角度睇 100 年唔係好長 不過如果我嗰細仔 有命睇到呢啲書 佢嘅世界就好可能 變成係面目全非㗎喇 人類可否生存到睇到呢啲書呢？ 未來圖書館係長達一世紀嘅禱告 我哋可能睇唔到將來嘅世代 但係我哋嘅行動將大家連結埋一齊 我想睇到將來嘅讀者 「我見到你。」 「我哋見到你。」 點解同深時連結 對我哋咁重要呢？ 狹隘視野可能係人類最大嘅威脅 做人就要理解 我哋係漫長連續體嘅部分 讓我哋擁抱宇宙背景 尊重原本嘅我哋 同埋緊緊捉住未來 多謝
gala_marija_vrbanic_the_new_reality_of_fashion_is_digital
我成日被人問： 「點解有人會買唔存在嘅衫？」 啲衫係唔係存在 你都睇到㗎﹗ 數位時裝係真實嘅 存在喺好多虛擬世界度 由基本社交網絡 到已發展俗稱元宇宙嘅虛擬世界 俾人喺以往唔存在嘅形式嚟表現自己 記憶所及 一直都玩緊電腦遊戲 係幫啲遊戲角色着衫 其實幫佢哋着衫 仲享受過幫自己着衫 五年前，我有個實體時裝品牌 但係打機嘅經驗使我 不斷喺度諗： 「點解啲人需要 同點樣着呢啲衫？」 我相信係有個原因嘅 喺 2016 年我研究過 「時尚文化」 嗰啲買賣衫嘅人 成日都賣晒啲衫 喺呢個研究嘅部分 我加入有人群聚集嘅 Facebook 群組 留意到佢哋通常買啲衫 淨係為影幾張相 放喺社交平台就算 然後佢哋就賣返出去 佢哋係唔想擁有、唔再需要啲衫 只係想喺網上穿起件衫嚟表現吓自己 噉做係對我好有意義 由於呢個年代嘅人 喺虛擬世界入面 有朋友、同輩、仲有偶像 我哋想喺嗰度表現自己 就噉我開始嘗試 依家嘅數位時裝喇﹗ 仲經營首個直接面向客戶 數位時裝品牌 同間時裝科技公司 我哋上年先正式成立 啲增長完全套用唔到 喺傳統時裝模式 我哋除咗自己設計 仲定期同最知名嘅時裝品牌合作 同 Carolina Herrera 做過一條 catwalk 時裝裙 仲研發咗個 app 喺電話可用增強現實模式着呢條裙 另外同 Jean Paul Gaultier 做咗屬於佢哋高級時裝嘅作品 我哋有間旗艦店喺 Decentraland ： 用家擁有嘅創作元宇宙 唔淨只得我哋 例如喺 Demat 非同質化代幣市場 有賣緊認證嘅數位時裝產品 佢哋通常一發佈就好快賣晒 對我同對好多人 遊戲係通往數位時裝嘅途徑 名牌奢侈品正係 急切試圖進入呢個市場 Balenciaga 同 Fortnite 合作過 曾經喺 Roblox 賣出比現實更值錢嘅 Gucci 袋 Fortnite 賣出超過 20 億美元皮膚同遊戲獎勵內容 用喺遊戲角色嘅裝扮 但認為創造數位時裝又快又容易 就係一種錯覺 我哋其實成日都要跟返實體時裝嘅規矩 試想下冇電腦嘅年代 用人手整出啲海報 當類似 Adobe Photoshop 軟件面世後 佢哋覺得整張海報 會又快又容易 但係好明顯係唔啱啦﹗ 由於科技係提供新嘅可能性 同取代過時嘅準則 仲代替咗喺實體空間嘅大部分開發 我哋揀咗用電腦做 過程都係一樣 只係用唔同嘅工具 到最後 所有嘢都去返錯綜複雜 一個拼合或者概念 例如 唔理用咩方法 整件基本 T 恤 同高級連身裙 都存在好大分別 數位時裝某程度迫使你探索更多 你喺虛擬空間度 仲需要實體 T 恤咩？ 你可借助數位時裝 用最純粹形式體驗時裝 冇任何功能性嘅障礙 你唔需要兩隻袖 甚至唔需要你啲手 數位時裝唔係代替品 係革命性嘅進步 我哋依家開始緊嘅新時代 數位服裝將會增添咗 現實服裝嘅層次 你即時可選擇 將佢 show 俾邊啲人睇 喺同一時間著唔同嘅衫 同埋用最先進嘅科技 好似係擴增實境又或者係虛擬實境 佢唔單止可以喺唔同環境度表現自己 係零浪費同可以包容所有用戶 唔論佢哋咩性別 身形同種族 我嚟自克羅地亞： 完全唔喺時裝地圖入面 但係我公司被認為係時裝界嘅先峰 當我哋開始時 係頭幾間嘅開創公司 嗰陣時，圍繞我哋 出現咗全新不斷發展嘅 數位時裝市場 將會變得好龐大 但係從我嘅經驗嚟睇 冇人知道會變得有幾大 答案好簡單 科技通常幾可級增長 虛擬世界亦都係一樣 總要有人幫虛擬人物著衫㗎﹗ 多謝
doug_mackay_you_can_only_save_one_who_do_you_choose
你係星際貨船 Mallory 7 嘅船長 喺去 New Lindley 嘅途中 收到求救嘅信號 Telic 12 發生爆炸 乘客嘅氧氣好快無曬 當設置攔截路線嗰陣 你檢查咗 Telic 12 嘅艙單 目前正將三十名來自地球貧民區嘅中年人 送往 New Lindley 勞動力中心 佢哋將會喺航天站獲得分配工作 但你駛向 Telic 12 時 又收到第二個求救信號 豪華太空船 Pareto 失去咗一個推進器 正受影響，傾斜向一群小行星帶進發 沒有你嘅幫忙 二十個旅遊途中嘅大學生係命中注定喇 而你只係有時間拯救一艘船 咁你會選擇邊艘船呢？ 呢種兩難嘅局面屬於更廣範疇問題嘅例子 就係當救人嘅資源 就比如器官或疫苗面臨短缺嘅情況下 有好多學校研究點樣解決呢啲問題 其中最具影響力嘅解決方法係功利主義 由 Jeremy Bentham 同 John Stuart Mill 首先發展嘅倫理觀念 認為你應該做啲 畀你得到最多幸福感嘅選擇 但係點樣定義同量度幸福感係個難題 比如享樂主義者會講快樂嘅人生 係有最多嘅歡樂同埋最少嘅痛苦 其餘啲人會講，快樂嘅人生 係能夠滿足最多嘅慾望 唔論你點樣定義幸福感 好多人會贊同拯救三十條人命 比救二十條人命，潛在 產生更多嘅幸福感 咁樣做決定係唔係就係足夠咩？ 或者，係唔係需要諗啲人 仲有幾多年可以繼續生存呢？ 假設預咗人有八十歲命 拯救平均二十歲嘅學生 就等於拯救咗一千二百年嘅壽命 如果拯救平均四十五歲嘅工人呢﹗ 就等於救咗一千零五十年嘅壽命 假設其他條件唔變 救咗多啲人嘅生存年數 可以帶來更多嘅幸福感 所以拯救嗰艘細嘅太空船 畀你帶來更多嘅幸福感 如果你覺得咁樣計算太過冷血， 可以試下另一個方法。 哲學家 Derek Parfit 指出 我哋應該將優先權畀啲情況較差嘅人， 由於幫助呢啲人 比起幫助富有嘅人更加重要 從呢個角度睇，最急切嘅係 幫助嗰啲唔能夠滿足基本生活需要嘅人 儘管比起生活富足嘅人更難嚟到幫助 但係要判斷邊個情況較差係更加複雜。 呢種情況下，地球仍然受貧富懸殊 同埋資源分配不公平嘅困擾 嗰啲能夠負擔到 New Lindley 旅行 坐豪華太空船嘅人 毫無疑問係地球上最富裕嘅一批人 對比起嚟，工人係社會嘅低層 為咗生計離家幾個月 喺缺乏資源同埋機會底下 佢哋比起啲富有嘅遊客 已經面對咗更多艱辛嘅處境 係唔係佢哋更值得我哋拯救呢？ 睇嚟學生未能夠得到更多嘅人生經驗 佢哋嘅情況又係唔係更差呢？ 或者我哋嘅決定 唔應該受任何變數嘅影響好啲 哲學家 John Taurek 出名嘅觀點指出，喺呢種情況下 數字並唔係咁緊要 每一個人都值得我哋關心同埋尊重 所以掟銀仔做決定 拯救邊一啲乘客係最佳嘅方法 雖然睇嚟呢啲方法好隨便 但係對持份者係公平嘅 每一個人都得到同樣嘅拯救機會 有邊個乘客可以指出 掟銀仔嘅做法係唔公平咩？ 咁就好難講啦﹗ 但係佢哋或者你哋對結果嘅感受 講真就係另一個兩難嘅題目啦！
adam_clulow_how_one_of_the_most_profitable_companies_in_history_rose_to_power
喺十七世紀 三個英文字母 「VOC」 形成世界上最有名嘅標誌 呢個縮寫就係屬於聯合東印度公司 （Verenigde Oostindische Compagnie） 又叫荷蘭東印度公司—— 普遍認為係有史以嚟 最搵錢嘅公司 從 1602 年開始壟斷咗 蓬勃發展嘅香料市場 同埋開拓咗亞洲 同歐洲之間嘅貿易路線 但依啲成功帶有 沈重嘅人類生命作代價 當荷蘭成立依間公司 佢俾咗依個機構喺亞洲 有發動戰爭 展開外交同奪取殖民地嘅權力 本嚟荷蘭東印度公司係為咗搵錢 同埋同其他歐洲帝國競爭 嗰陣亞洲市場係最大 同香料喺成個歐洲有好大需求 其中最珍貴嘅就喺肉荳蔻 但肉荳蔻淨係喺 印尼班達群島先至栽培到 如果荷蘭官員獲得 對肉荳蔻嘅獨家控制權 會令到投資者變得富有 亦確保公司長期嘅生存 同時剝奪競爭對手同樣嘅利益 但係計劃嘅成功 全賴於班丹人聽唔聽話 公司管理層同冷酷無情嘅 Jan Pieterszoon Coen 會不遺餘力噉去確保依樣嘢 班達群島大約有 15,000 居民 係由村民聯會組成 好叻做生意嘅 有錢 orang kaya 人控制 佢哋基本上壟斷咗肉荳蔻幾個世紀 以最高價賣俾亞洲同歐洲嘅商人 喺 1600 年代荷蘭 東印度公司嚟到嘅時候 啲官員勸班 orang kaya 人 簽一項條約 保證佢哋喺肉荳蔻嘅壟斷地位 過往班達群島領導 有同意過類似協議 但都可以違反咗 而無發生過嚴重後果 荷蘭人帶嚟新嘅威脅 佢哋嘗試起堡壘去控制貿易同停止走私 同堅持所有肉荳蔻都要以低價賣俾佢哋 好多班達群島嘅人都唔願意 令到兩邊關係越嚟越差 喺 1609 年，一班村民突襲 殺死咗荷蘭上將同埋佢 40 個人 跟住嘅十年，局勢越嚟越緊張 條約簽完又毀，毀完又簽 公司同總督 Jan Pieterszoon Coen 開始考慮新嘅策略 對班達人 有位官員寫道： 「一係講道理，一係完全滅絕。」 Coen 認為，無戰爭、就無貿易 喺 1621 年，經過上級嘅同意 佢發動咗大規模嘅入侵 逼班達群島嘅領導簽咗另一份文件 但今次，條款並沒有承認 班丹人係一個主權民族—— 佢哋係荷蘭東印度公司嘅殖民地臣民 好快，荷蘭官員就話發現咗 針對佢哋嘅陰謀 Coen 就用依樣藉口去鏟除阻力 佢命令士兵去折磨 班達群島嘅領導作逼供 喺之後幾個月 軍事部隊發動咗場殘酷戰役 導致班丹人口大量減少 好多班丹人要餓死或做奴隸 被送去好遠嘅荷蘭殖民地 其他就寧願跳崖都唔肯投降 數以千計人逃難離開 清空咗好多村落 有幸存者到其他島嶼重新定居 保留淨低嘅班達群島語言同文化 當公司嘅暴力行動結束 原居民得返少過一千人 當中大部份都係奴隸 荷蘭東印度公司 將啲島分割成種植園 同輸入咗奴隸作勞動力 從多方面嚟睇 依個係種族滅絕行為 佢哋為咗壟斷全球肉荳蔻市場 加快公司經濟嘅發展 為荷蘭黃金時代作出咗貢獻 雖然 Coen 面對批評 但一直到 20 世紀 佢都俾譽為民族英雄 班達大屠殺 400 年後 Coen 嘅塑像仍然坐落喺霍恩市—— 即管要移除佢嘅壓力越嚟越大 Coen 同荷蘭東印度公司 帶嚟咗珍貴商品 喺佢哋控制下，利潤飆升 但佢哋用暴力撕裂咗另一個社會 嚟實現呢一個目標
matt_walker_how_sleep_affects_what_and_how_much_you_eat
瞓少啲會唔會無端端增磅㗎？ 好唔好彩，科學研究證明確實係咁 ［瞓覺嘅科學］ 部分原因係身體調節食慾嘅主要激素 瘦素（leptin）同飢餓素（ghrelin）嘅分泌失衡 當瘦素同大腦傳遞「食飽」嘅信號， 你就感到飽咗唔需要再食嘢 飢餓素嘅作用就相反 同大腦傳遞「肚餓」嘅訊號 可悲嘅係，當我哋唔夠瞓 呢兩種激素就會調轉嚟做嘢 特別會降低瘦素嘅水平 咁你就唔會對飯餸感到滿足 仲未覺得飽 如果咁都唔夠大鑊 瞓得唔夠仲會令到飢餓素水平提高 令到你持續感到飢餓同想食多啲嘢 唔夠瞓唔單止會大食咗 仲會影響咗我哋對食物嘅選擇 講到尾，唔夠瞓會徹底 改變我哋嘅飲食習慣 會揀啲高糖碳水化合物同高熱量嘅食物 有趣嘅地方係 瞓覺同食物之間嘅關係係雙向嘅 研究發現，當飲食過量 尤其係啲含有高糖分 只有少量膳食纖維嘅食物 都會影響到瞓覺嘅質量 好消息嘅係我哋可以將瞓覺 當作係種新工具嚟幫助我哋調節體重 同埋作為改善我哋整體嘅健康狀況
madhavi_venkatesan_the_life_cycle_of_a_pair_of_jeans
第一條牛仔褲係諗住襟用嚟做設計 以法國城市 Nîmes 命名 牛仔布係由水手穿嘅結實棉編織而成 19 世紀 Levi Strauss 同 Jacob Davis 加上金屬鉚釘增強咗壓力承受 使原先襟用嘅材料變得再襟用啲 為加州礦工帶嚟新牌仔至襟嘅褲 能夠抵受經年累月嘅磨損 喺 20 世紀 呢種勞工階層嘅褲 一變成為時尚嘅標誌 但由於增加需求 牛仔褲襟用程度降低咗 依家啲牛仔褲多數都著唔到成年 而每條牛仔褲嘅成本 比你想像中高好多 佢嘅生命喺由棉花田開始 生產一條褲大約需要 0.7 公斤嘅棉花 要用 10,000 公升嘅水嚟種植佢哋 重有各種除草劑同殺蟲水呢 冚唪唥都污染地下水 棉花係用人手或者機器嚟採摘 然後運送到紡織廠、紡成紗線 再結合氨綸等纖維塑料 來增加紗線嘅彈性 使到現代嘅牛仔褲更舒適、有彈性 但亦都無咁襟用 跟著紗線染成標誌著牛仔褲嘅藍色 以前原本係用天然植物嘅靛藍 但多數製造商依家已經改用 由石油副產品同有毒化學品合成嘅染料 染色後，把棉塑料混紡編織成牛仔布 再裁剪、縫製成牛仔褲 有啲牛仔褲製成後需要額外加工 造成褪色嘅效果 呢個過程通常包括化學噴霧 同多次酸洗嘅處理 啲有毒嘅水將河流變成靛藍色 最後，重有由銅同其他金屬製成嘅 拉鍊、鈕扣同鉚釘 開採呢啲金屬又係污染環境嘅源頭 總之一條牛仔褲嘅製造過程 要排放超過 33 公斤嘅碳—— 相當於開車超過 110 公里 但係嗰個過程唔單止破壞緊環境 多數棉花都係出自發展中國家 呢啲國家勞動效率低 對工人保障又少 通常使用細路同強迫勞動力去採摘棉花 多數製造牛仔褲嘅工人喺生產過程中 都暴露喺有毒嘅化學品度 有一種特別危險嘅、叫做噴砂技術 需要喺高壓下 將啲細沙噴喺牛仔褲上面 呢種做法與好多無法治愈 同致命嘅肺部病例有關 同好多全球性嘅產品一樣 牛仔褲喺窮國製造後運去富有國家嚟銷售 每年呢啲牛仔褲 都要洗幾十、甚至幾百次 呢種能源密集型嘅過程 會分解牛仔褲嘅塑料 甩出啲微塑料落水度 最諷刺嘅係清洗過程 縮短咗牛仔褲嘅壽命 最後唔著嘅褲就好似垃圾咁 揼喺堆填區度 牛仔褲嘅分解會釋放甲烷氣體 染料同塑料會滲入泥土同地下水 有啲公司正喺度研究解決方案 從使用有機棉 到回收牛仔布再利用 再售賣二手牛仔褲 藉此減少褲嘅需求數目 你也可以幫助 減少鍾意嘅褲對環境嘅影響 牛仔布製造商重建議 牛仔褲穿十次先洗一次 若條件許可 風乾條褲減少消耗能量 問題唔單止牛仔褲本身 仲有生命週期同勞動力 有啲政府正係推行政策 喺工人工資同福利方面 要企業承擔更多責任 但喺整個時裝界 依然故我哋破壞環境 衣服標籤價格 並不等同已竊取嘅資源 係時候諗返下邊個先係 真正被剝削嘅人
matt_walker_the_surprising_health_benefits_of_dreaming
我地點解會發夢？ [與科學同眠] 我地會發夢嘅理由至少有好幾個。 其中一項重要嘅益處係創意。 訓覺，包括一路發夢一路訓， 同增強第二日解決問題嘅能力有關。 就好似我地帶著砌圖訓覺， 但係我地訓醒之後，砌圖就砌好左。 快速動眼期訓覺發夢嘅第二個益處係情緒急救。 快速動眼期訓覺可以把痛死人嘅刺 從難過嘅情緒經歷中拔出嚟。 隔天我地再返嚟嘅時候， 我地對果啲痛苦事件嘅感受會好些。 你幾乎可以將發夢諗成是某種形式嘅一夜治療。 治癒所有傷口嘅並唔係時間， 而係有發夢嘅訓覺時間， 可以協助情緒康復。 宜家唔只係要發夢， 發咩夢似乎都會有差別。 科學家發現， 比如，係學習左虛擬迷宮之後， 果啲喺睡覺嘅同時 仲夢到迷宮嘅人， 係唯一果啲醒左之後， 仲可以喺迷宮入面搵到方向嘅人。 同樣嘅原則都適用於我地嘅心理健康。 比如，當一個人經歷左好難過或者創傷性嘅事件， 例如離婚， 如果有夢見這件事， 跟住可以諗辦法解決佢地嘅沮喪， 相對之下，有發夢， 但係無夢見呢件事嘅人就無辦法。 上述呢一切意味著， 訓覺以及發夢這個動作本身， 顯然係構成我地清醒生活嘅重要元素。 我地發夢， 所以我地喺度。
jodie_houlston_lau_how_to_make_a_sad_story_funny
一個二戰老兵回憶起 佢被困喺星際動物園裏便 目睹滿目瘡痍嘅景象 一對關係疏離嘅父子 卻喺家庭聚會中重遇 小女孩喺邋遢窗簾布後面 細聲講：「幸會」 孤獨國王喺至友死後 隻身去到世界盡頭尋找答案 然後 佢走入咗間酒吧 聽落有啲怪，但喜劇元素 對嚴肅嘅故事嚟講係關鍵 身為作家，你需要 俾讀者感受到連串嘅情緒 唔理係咩類型故事 唔論你想營造嘅係 恐懼呀、哀痛定興奮 當人感受一種情緒太耐 感覺就會麻木 喺經驗呢講，喜劇調劑 能夠製造唔同嘅情感紋理 令故事扣人心弦 噉點樣先至喺故事 製造到呢啲效果呀？ 無論你係利用角色、場景、語言 定係混合呢三種元素 最重要嘅係掌握好對比同時機 以《吉爾伽美什史詩》為例 呢個美索不達米亞古代故事 係已知最古老嘅文學作品 但時至今日 依然係動人心弦 當吉爾伽美什王 快到達世界盡頭嘅時候 佢走入咗間酒吧度 我哋以為故事快要進入高潮 但劇情顛覆咗我哋嘅預期 暫時緩和緊張嘅感覺 有助喺製造隨後而來 更緊湊嘅高潮 噉樣做就可緩和咗氣氛 同製造張力 現今嘅作家仍然採用呢種技巧 只要輕輕緩和氣氛 就可以喺適當嘅時機 為故事製造張力 喺酒吧嘅情節唔單止 加強咗觀眾嘅情緒反應 仲使故事更複雜化 睿智嘅酒保質疑國王 踏上旅途嘅原因 為最後嘅情節鋪路 令結局變得更細膩 喜劇唔單止緩和氣氛 與刻骨铭心嘅劇情形成對比 仲用嚟做評論嘅工具 一般都會直接利用主角身邊嘅同伴 去為主線劇情提出 不經意又富有洞察力嘅睇法 卻經常同時充當笨拙同倒霉嘅妙語 Kurt Vonnegut 寫嘅《第五號屠宰場》 就用咗另一種方法 故事不斷喺駭人戰爭嘅場面 同滑稽科幻情景之間切換 提供咗喜劇情景做調節 並為難以啟齒嘅話題 打開咗對話嘅窗口 強調人生苦難係無常 令故事更有影響力 Arundhati Roy 寫嘅《微物之神》 用咗唔同嘅喜劇場面緩和氣氛 故事透過小朋友嘅角度 泡製咗喺悲劇故事裏便 注入凄美嘅幽默 當大人將種族、階級、家族之間 幾十年嘅愛恨情仇 轉化為對孩子行為嘅期望 你有種似曾相識嘅感覺而偷笑 當七歲嘅 Rahel 被期待 扮演完美嘅禮貌女孩 「佢［纏住] 自己就好似係 條香腸塞咗落骯髒嘅機場窗簾度 ［唔會］掙脫走甩。」 與此同時，佢嘅反常行為 只會添加張力 之後女孩諗：「呢嗰表演衰咗…… 就好似喺雨季中嘅泡菜因為潮濕會發毛。」 呢句對白講出咗現實嘅情況 人人被迫參加呢個正式嘅團聚 Rahel 覺得家人變成咗戲劇演員 佢自己對正置身喺風暴中 感到無能無力 為了發揮喜劇調節嘅作用 唔單止考慮到女孩幾時出現 先至營造出強烈嘅情緒對比 更要諗清楚嘅係 有咩唔可以直接噉講 要透過呢啲場景帶出嚟 你仲想質疑讀者邊啲嘅假設呢？
children_of_palau_leave_only_footprints_that_will_wash_away
你好（帛琉語） 我美麗嘅家鄉帛琉 喺西太平洋嘅島嶼度 我哋帛琉人住咗喺度 成 3,000 年 同原始環境嘅自然天堂和諧共處 雖然帛琉只係住咗兩萬人 但係係一個海洋大國 擁有超過三百個島嶼 面積同法國不相伯仲 我哋有啲島係環礁 有啲係火山 被山、原始森林同紅樹覆蓋 全部都有清澈海水 包圍著好靚嘅海灘 海裏面有珍貴 同罕有嘅海洋生物 但我哋依家嘅家園 受到氣候變化威脅 令到水位上升 海岸受到污染 喺數千英里外嘅塑膠都漂流過嚟 沖到海灘上面 威脅到海洋生物 越嚟越多嘅雨水 沖走我哋珍貴嘅泥土 而喺其他季節 天氣乾旱嚴重噉 打擊脆弱嘅生態環境 我哋每年都好歡迎 嚟我哋美麗國家嘅遊客 想佢哋享受帛琉嘅旅程 但係同時需要保護 我哋珍貴嘅家園 可以留返俾我哋嘅後代 不過唔係個個旅客 都知道點樣保護呢個島 佢哋唔明白 踐踏珊瑚 可以嚴重破壞佢哋 有啲珊瑚要幾百年 先可以再次生長 有時旅客唔小心 攞走受保護嘅動植物 又喺親近大自然嗰時 傷害咗佢哋 所以我想同大家 介紹吓「帛琉公約」 當遊客嚟帛琉嘅時候 佢哋一定要簽環境公約 環境公約會印係護照度 作為帛琉簽證 內容係向帛琉群島嘅細蚊仔承諾 保護同尊重我哋嘅家園 文化同遺產 我哋亦希望當旅客返屋企後 透過喺屋企同社區實行公約嘅內容 宣揚公約嘅理念 我哋嘅傳統歌謠 老一輩一直噉話俾我哋知 土地同水嘅資源 唔係喺祖先嗰度繼承 而係喺細蚊仔度借返嚟 呢樣嘢就係帛琉公約嘅內容 佢講到話： 「帛琉嘅小朋友 作為你哋嘅客人，我承諾： 會保護你哋呢個 既特別又美麗嘅家園 我發誓放輕腳步 善待環境，謹慎探索 我唔會攞唔屬於我嘅嘢 亦都唔會傷害對我無害嘅嘢 而我淨係會留低 被沖得走嘅足跡咋。」
matt_walker_why_better_sleep_means_a_better_sex_life
正如我嘅好朋友 Wendy Troxel 博士經常講 「睡覺係性愛嘅新世界」 佢係完全正確 良好嘅睡眠對你哋嘅關係會產生活力 親密感，甚至生命力 [睡眠科學] 首先，當一對情侶無充足嘅睡眠 第二日有更多衝突 但亦都幾乎無解決到呢啲衝突 部分原因係兩人缺乏咗同理心 第二，影響咗生殖荷爾蒙 呢啲對健康嘅性關係好重要 例如年輕嘅男人一星期 每日只瞓五個小時嘅話 佢哋嘅睾酮濃度將會提高 同大佢哋十歲嘅男人一樣 就健康同活力嚟講 缺乏睡眠會令人衰老咗十年 喺女性生殖健康度都睇到類似嘅損害 由於缺乏睡眠所造成 確實，睡眠不足 與雌激素、黃體激素 同促卵泡激素嘅損害有關 呢啲都係對女性嘅性健康 同生育能力非常重要 第三，我哋發現對女性來講 只要瞓多一個小時 女性想同伴侶有親密關係嘅可能性 會提高 14% 呢啲就係睡眠對性愛嘅影響 但事實證明咗性交亦會影響睡眠 我哋知道睡前做愛產生性高潮 會顯著改善個人睡眠質量 我哋甚至發現手淫對睡眠也有相同嘅影響 到底想話啲乜嘢畀我哋聽？ 好啦，睡眠同性愛係一對 既強大又調皮嘅同床伴侶 睡眠係幸福同滿足嘅性愛關係 最基本條件之一
countdown_what_is_cop26
戈爾：COP26 係一場討論氣候議題嘅締約方會議， 聚集左嚟自世界各地嘅國家， 協商集體決策， 處理氣候危機。 菲格雷斯：COP26 即將要喺不久嘅將來 喺格拉斯哥舉行， 呢次係第二十六次所有政府齊聚一堂， 坦白講，就係繼續巴黎協定嘅討論。 佢地必須好好地坐低， 相互報告佢地喺巴黎協定後採取左邊啲措施。 最重要嘅係， 承諾佢地會喺將來嘅五到十年入面 （喺人類歷史上最決定性嘅時刻） 會再更進一步咁採取點樣嘅措施。 耶爾伍德：呃，第一件關於COP26嘅事係 一般人應該會發現， 呢啲名字有好多類似嘅簡稱。 所以，不幸嘅係， 宜家正好就有一個叫 IPCC -- 政府間氣候變化專門委員會。 佢地提出一份報告指出，我地還剩十二年， 而且已經係三年半之前講嘅事啦。 穆尼奧斯：COP26 係受到 IPCC 最新發表嘅兩篇報告 所正面影響嘅一屆 COP。 科學界係 2018 年 10 月強調 喺一份IPCC嘅報告中表示氣溫會升高1.5度。 今日之前幾個月， 我地喺八月收到 稱為「人權紅色代碼」嘅第六次報告， 呢兩份報告令我地能夠明白 遵循科學嘅重要性， 而如果我地唔遵循 果啲報告中嘅科學證據 就要面對眼前嘅最大風險。 菲格雷斯：佢地喺COP26中 要達成嘅共識相當重要， 因為咁樣可以反映出我地係 朝著 2030 年必須實現嘅目標前進： 將全球排放量從宜家嘅水平減少一半。 巴斯蒂達：呢個議題並唔係咁貼近日常生活， 我地呢啲活動家要搭起科學 與這些閉門決策和大眾之間嘅橋樑。 青少年嘅參與相當重要， 因為我地可以帶嚟急切性。 仲有，我認為當地人嘅聲音相當重要， 因為當地人嘅想法 和照料大地嘅哲學， 係我地所要達成嘅範式轉變嘅一部分。 穆尼奧斯：我地每個人可以而且一定要 喺大大小小嘅事上付諸於行動。 唔係只有政治領袖、 商業領袖或金融機構。 每個人都有能力做決定， 而決策者有特別嘅機會， 成為面對人類史上 最重要嘅挑戰嘅一份子。 耶爾伍德：我希望你唔好失去信念； 我祈求你唔好失去信念。 我曾經見到你地其中有人想退出。 唔好退出， 唔好放棄， 唔好屈服。 戰鬥到最後。 無論你做乜都好， 我地一齊為呢個星球拼搏。 [倒數計時]
iseult_gillespie_the_norse_myth_that_inspired_the_lord_of_the_rings
眾神之王 Óðinn 正係同佢嘅朋友 Hœnir 及愛攪惡作劇臭名遠播嘅 Loki 一齊探索九界 佢哋經過漫長旅程後 到達咗係侏儒住處嘅黑暗原野 喺座瀑布前停下來飲水 Óðinn 同 Hœnir 都好期待 同侏儒王 Hreiðmarr 見面 但 Loki 無聊又餓 眼見附近有隻水獺 Loki 向佢個頭掟一塊石頭 殺死咗佢 Loki 拎住水獺皮 懒洋洋咁跟著後面 當佢哋拜訪 Hreiðmarr 國王面色變得蒼白 因為 Loki 拎住嘅正係侏儒王兒子 化身成水獺時身體嗰層皮 Hreiðmarr 叫佢另外兩個仔 Fáfnir 同 Regin 一齊將眾神捆綁 國王決定如果佢哋要離開 就按慣例用黃金交換 但前提係，佢哋要用 最好嘅黃金填滿水獺皮 直至連一根毛都睇唔到為止 由於水獺嘅皮可以無限撐大 意味著要取得幾乎不可能達到 數量嘅黃金—— 但 Loki 有個想法 侏儒係大師級嘅工匠 侏儒之一 Andvari 據說創造咗一啲奇蹟嘅作品 Andvari 通常會化身成魚嘅型態 然後有一日佢潛得 比以往任何時候都更深—— 深到水仙女居住嘅地方 仙女正喺度守護著無數嘅金堆 開始時 Andvari 只係想 睇下佢哋嘅寶藏 但當啲仙女嘲笑佢笨拙嘅外表 激嬲咗 Andvari 佢就去搶走仙女嘅黃金 Andvari 用仙女嘅黃金 製造咗一隻特別嘅戒指 只要佢戴上隻戒指 佢嘅財富就會越來越多 Loki 認為 Andvari 嘅財富 就係解決佢哋被囚禁問題嘅絕佳辦法 他回到瀑布用法術製造咗一張巨網 撈出一條向前游嘅魚 就係 Andvari 佢喺度扭動身體 Loki 奚落佢同要佢把寶藏交出來 如果唔係就會殺咗佢 Andvari 帶 Loki 返回巢穴 因爲 Loki 滿意睇到一堆堆嘅黃金 就放咗 Andvari —— 但喺侏儒嘅手指突然間閃亮 提醒咗 Loki 漏咗 其中最巨大嘅寶藏 儘管 Andvari 求饒 Loki 重係剝咗佢隻戒指 Andvari 好嬲，詛咒嗰隻戒指 聲稱未來所有人擁有啲隻戒指 都會大禍臨頭 Loki 返到皇宮 Andvari 嘅黃金似乎成功 把水獺皮裝滿 但當 Hreiðmarr 檢查水獺皮 佢發現咗一條光禿禿嘅鬍鬚露咗出來 所以，眾神要交出戒指 當 Hreiðmarr 戴上戒指 Regin 因為睇到父親眼中嘅貪婪 就忍不住顫抖 而佢嘅哥哥 Fáfnir 好妒忌咁望著佢父親 之後 Fáfnir 要求 Hreiðmarr 分享佢嘅財富 Hreiðmarr 拒絕咗 所以，Fáfnir 殺咗佢父親 除咗父親手指上令人眼紅嘅戒指 帶著寶藏逃離城堡 佢去到一座山洞 緊緊將自己蜷縮喺寶藏嘅周圍 但指環輕而易舉就操控著佢 隨著時間過去 Fáfnir 變咗一條好得人驚嘅龍 與此同時，Regin 喺腦海浮現 Fáfnir 嘅背叛同佢守護著嘅寶藏 Regin 終於請咗忠誠又勇敢嘅 養子 Sigurd 來幫佢 屠殺曾經係佢哥哥嘅怪獸 Sigurd 聽從指示殺咗 Fáfnir 喺之後， Regin 吩咐 Sigurd 去烤巨龍嘅心畀佢食 Sigurd 準備好龍嘅心臟畀 Regin 喺之前，佢嘗咗嘗啲血 當 Sigurd 舌頭碰到啲血液嘅一刻 佢聽明白周圍啲雀仔 喺度吱吱喳喳唱乜嘢 雀仔唱著只有一件事： Regin 將會殺死佢 因此，Sigurd 殺咗 Regin 並奪取佢啲財富 呢個只係開始 喺後來嘅幾年，嗰隻戒指會撕裂家庭 同為相愛嘅人帶來厄運 開始時畀主人擁有權力 但到最後摧毀佢嘅一切 Andvari 嘅詛咒發動咗一個 將會吞噬許多生命嘅惡性循環 以及啟發咗十九同二十世紀 當中一些最有影響力嘅作品
dan_kwartler_why_don_t_we_cover_the_desert_with_solar_panels
每一日，撒哈拉沙漠嘅沙溫度 可高達攝氏80度 沙漠幅員約九百萬平方公里 如此廣闊嘅沙漠 每年吸收來自太陽嘅能量 高達約二千二百萬太瓦時 係人類每年能源消耗量 總和嘅一百倍 我哋可唔可以通過 喺沙漠鋪滿太陽能板 嚟解決能源問題呢？ 光子接觸太陽能板 且能量夠強嘅時候 就會拆散電子間嘅化學鍵 令電子變得不穩定 當電子開始恢復平穩 就會產生電力 不過，發電嘅能力係有限嘅 太陽能板只會對 特定波長嘅光有反應 超過一半嘅陽光 未能轉化為電能 就算適合嘅光子 未碰到電子之前 就已經被反彈走了 好彩，聰明嘅科學家、工程師 加上政府不斷嘅資金支持 太陽能板嘅產電效能 有增無減 太陽能板表面有 防反射塗層、紋理 增加光子接觸電子的機會 依啲技術大大提高咗 太陽能板嘅商業效益 實驗中嘅太陽能板效能 從百分之十幾到百分之二十五 提升至百分之四十七 而且，太陽能已經比十年前 平咗百分之八十九 有咁嘅成績，亦有賴其他科技 嘅環球供應鏈都開始應用 相同嘅物料 種種因素令太陽能 成為地球上最便宜嘅電力 多個國家，包括印度、中國 埃及同美國 都已經喺境內沙漠地區 建設太陽能板 依啲巨型太陽能發電站 佔地 15 至 56 平方公里 只要太陽喺天上高高掛起 依啲發電站就可以生產電力 供給當地成千上萬嘅居民使用 但依啲發電站 溫度亦極高 未能被光伏電池 轉化或反射嘅陽光 變成熱能被吸收 降低太陽能板嘅效能 眾多發電站嘅冷卻系統 譬如風扇同流水 需要消耗大量能源去運作 以維持最佳溫度 就算有冷卻系統 相比喺一般荒地 沙漠嘅太陽能板 要承受更高溫度 雖然依個問題暫時未對 太陽能發電站造成影響 但如果我哋嘗試 攞太陽能板覆蓋撒哈拉 就有可能會對呢個地區嘅氣候 造成重大影響 建造太陽能發電站 已經擾亂當地生態 如此龐大嘅太陽能發電站 一定會大規模改變 整個沙漠嘅地貌 好彩，太陽能板 唔係唯一嘅選擇 世界最大嘅幾個太陽能發電站 正喺度嘗試一個新方法 巨型鏡子 摩洛哥嘅瓦爾扎扎特太陽能發電站 建成後將會覆蓋撒哈拉 約三十平方公里 係個聚光太陽能熱發電站 設計透過反射光到接收塔 接受塔再將光能轉化為熱能 嚟生產電力 雖然鏡子會產生危險高溫 對當地野生動物仍有影響 但對地貌嘅影響小滴 加上物料需時冷卻 所以就算喺太陽落山之後 發電站都仲可以繼續發電 無論係太陽能板 定係鏡子 工業太陽能發電站 通常都好容易同已有發電設施接軌 但要超越本來能源網 將電力傳遞到更遠，就困難得多 有啲國家正想辦法 將本土能源網接通世界 有好多發電站 將能源儲存喺巨型電池中 或者將電力 變成清潔氣體能源備用 但因價格高、效益低 技術仲未能獨擔大旗 更差嘅係，工業用再生能源 其實同化石燃料 有共同嘅問題 兩種能源都太依賴破壞性採掘 以及造成全球碳排放連鎖反應 好彩嘅係，太陽能喺規模大小上 很有彈性 從工業用太陽能農場 到同獨棟大廈、農業社區供電嘅小型裝置 依啲設施可提供能源 或者同電網外嘅設施被動發電 亦由於太陽能板組成部件簡單 安裝速度快 更新都相對容易 事實上，正係太陽能板嘅高度彈性 令佢喺近十年變得 咁平、咁普遍 所以如果我哋要追上人類 日益增長嘅能源需求 太陽能板無論大細 都一樣咁重要
mads_tang_christensen_the_brain_science_of_obesity
你是否好奇有兩個兄弟姊妹 同埋父母，大家住埋一齊 食嘅嘢又一樣 但有時佢哋嘅體重各走極端 我係 Mads 喺過去 25 年 我一直喺度研究人食啲乜嘢 幾時食、同埋食幾多 最重要嘅係 我喺致力研究個別唔同嘅身體 點樣喺相同嘅食物同埋環境度 做出不同嘅反應 準確啲嚟講我研究肥胖症 當我喺醫學同博士學位課程度 我愛上 Barry Levin 做嘅一連串實驗 佢餵一百隻老鼠食高脂肪嘅食物 餵咗幾個月 得到嘅數據出現鐘形曲線 同唔同分佈嘅重量 分別有骨瘦如柴、過肥 同一啲體重適中嘅老鼠 接住佢將呢啲瘦嘅老鼠 放埋一齊繁殖後代 嗰啲肥老鼠 都集中埋一齊繼續繁殖 經過幾輪繁殖 出現兩個極大差異嘅老鼠群： 一類老鼠抗拒飲食 另一類就好易肥胖 呢個就係有趣嘅部分 之後佢將啲瘦嘅同肥嘅老鼠 一係大量餵食，或者畀好少佢哋食 要視乎佢哋嘅飲食計劃 佢哋嘅體重會增加或減少 但係好似呢啲小動物 都會記得以前自己嘅重量 當飲食計劃終止咗之後 佢哋嘅體重就回復到以前一樣 呢啲就好似肥老鼠嘅服飾 穿一身細碼嘅衫 但係佢哋嘅本性仲係想掙爆件衫 呢啲理論同樣適用喺人身上 如果你同一千個細路磅下 佢哋嘅重量亦都同樣呈現鐘型嘅分佈 有啲瘦削，有啲適中，有啲就偏重 我哋知道一啲瘦削嘅細路 喺以後都會一直維持咁嘅身型 同樣嗰啲肥細路 佢哋嘅體型都唔會改變 你可能會講佢哋嘅體重 某程度上係註定嘅 你亦都可以講，肥胖係一種疾病 咪住，我係咪講肥胖係種疾病啦？ 係嘅 呢啲都係科學同數據所顯示出嚟 我亦大膽將我嘅人生目標 定為搵到解決方案 去預防，治療甚至醫好肥胖症 等我講清楚 喺 20 世紀， 80 同 90 年代 肥胖係一個全球潛在嘅問題 呢個全球問題之大 促使世界衛生組織係 90 年代尾 將肥胖定性為全球嘅大流行病 原因都唔使我講啦 越嚟越多人患有糖尿病、高血壓 心血管疾病、甚至癌症、關節炎， 都同抑鬱症嗰類精神狀況有直接關係 由於有越嚟越多人變得肥胖 呢啲人患上以上所講嘅疾病 機會會越大 喺今日美國社會超過一半嘅成人人口 唔係肥胖就係超重 從健康角度嚟講係慘不忍睹 但呢個唔係單單美國嘅問題 世界肥胖人口增多 令肥胖成為全球嘅健康問題 好多醫學界嘅行內同行外人士 都認為肥胖唔係一種疾病 佢哋認為肥胖只係一種狀態 一種因為進食過量而產生嘅狀態 亦都係運動量太少所引起 事實上，好多肥胖嘅人都同意 佢哋認為超重，完全係自己嘅問題 咁樣會導致自己責備自己 令到自尊心低落 甚至由於羞愧或者壓力而暴飲暴食 呢啲都會令人擔心，係識得其反嘅效果 但有科學證據證明肥胖係病嗎？ 其實從醫學角度嚟講 有好多方式去定義疾病呢樣嘢 等我舉三個例子 一個損壞身體功能嘅過程 同埋縮短壽命—— 肥胖正係 你可以定義疾病為一種過程 令你更易感染或引發其他疾病 肥胖就係 或者你可以定義疾病為由於一種基因缺憾 導致功能性嘅損傷 比如喺染色體嘅基因複製 有確鑿證據顯示 單一嘅細胞變異會導致肥胖 例如缺乏瘦素同阿黑皮素原 仲有兩到三種基因會導致肥胖 我預測到 2030 年 我哋能通過個人身體嘅遺傳組合 去解釋肥胖嘅謎團 呢個角度嚟講肥胖正係一種疾病 我要講清楚嘅係 咁多年嚟我哋嘅基因都冇改變過 只係最近肥胖成為一種嚴重嘅問題 我哋可點解釋呢？ 最明顯係食物，尤其係高熱量嘅食物 係垂手可得 佢哋相對容易得到，價格亦都較平 使到每日嘅熱量 由快餐同埋大杯汽水取得 基因雖然有佢嘅作用 但係環境扮演住重要嘅角色 某啲群體過剩嘅身體熱量 係相對較新穎嘅議題 而且我哋嘅基因仲未適應 喺豐盛飲食同饑荒嘅歷史度 基因嘅選擇幫助我哋應對饑荒 呢個係有原因嘅 挨餓係唔好嘅 但你亦可以反駁肥胖都係唔好嘅 如果肥胖係一種疾病 我哋要點樣預防、治療、甚至醫好佢呢？ 我認為大腦係一個關鍵 佢一直吸引住我 分散喺大腦各處有好多細小嘅電訊號 形成大嘅行為變化 我對大腦嘅研究 等我留意到類升糖素胜肽 1 或簡稱 GLP-1 GLP-1 係荷爾蒙同信號分子 佢喺大腦同腸道內形成 大腦同腸道互相呼應，溝通緊密 冇錯 你嘅肚皮同大腦確實係相連嘅 我哋嘅研究顯示 GLP-1 喺神經細胞係有效果嘅 佢停留喺大腦控制住我哋食慾嘅位置 比如講，如果我哋增加 GLP-1 嘅量 就會降低啲人想進食或者過量進食嘅慾望 GLP-1 就好比車嘅油箱裝滿嘅信號 我花咗好多年時間 研究繪製 GLP-1 電路圖 GLP-1 點樣 同其他信號分子同荷爾蒙互動 呢啲合埋一齊控制住食物嘅攝取 體重以及控制飲食嘅習慣 咁樣意味住啲咩嘢？ 而家我哋已經研究同製造咗份子嘅結構 所以我哋有咗一個分子 可以令到體重顯著下降 好明顯 GLP-1 並未能畀出完整嘅答案 我哋同其他科學家發現咗多種荷爾蒙 同其他信號分子 對控制飲食同埋體重呈現關鍵嘅作用 到最後 呢啲信號分子同荷爾蒙 比起 GLP-1 更為重要 所以 我哋有好多嘢要做 仲有好多嘢要探索 所以而家並唔係終結 甚至對盡頭仲未有頭緒 或者只係初階段嘅結束 今日嘅世界可能有嚴重嘅體重問題 但好消息係，我哋喺正確嘅方向 可以為肥胖嘅人提供解決方案 下一步將係更好嘅了解 肥胖嘅人所要面對嘅問題 更好咁了解基因同環境點樣配合 同所有呢啲點樣一齊 速成我哋嘅體重 或者以後 我哋能夠搵到預防 治療、或者甚至治愈嘅方法 畀肥胖嘅人 就好似我哋致力研究其他慢性疾病咁 而且呢啲仍然係我哋重要嘅人生目標 多謝大家！
devin_shuman_the_genes_you_don_t_get_from_your_parents_but_can_t_live_without
喺我哋每個人嘅細胞內都有第二組基因 跟父母遺傳嘅 23 對染色體唔同 呢啲唔淨止係人類 動物、植物、真菌同幾乎喺地球上 所有嘅多細胞生物都係一樣有 第二組基因係屬於我哋嘅線粒體 喺細胞內嘅細胞器 佢哋唔係完全我哋嘅一部分 但亦都無分開過 為乜佢跟我哋體內其他嘢區別咁大呢？ 大概喺 1.5 億年前 科學家認為有個單細胞 把啲線粒體嘅祖先吞咗入去 創造咗所有多細胞生物嘅前身 線粒體嘅角色唔可以抺殺 佢哋將人嘅食物同氧氣所產生嘅能量 轉換成我哋細胞能夠使用嘅能量 一種名為 ATP 嘅分子 無呢種能量我哋嘅細胞就會開始死 人類有超過 200 種不同嘅細胞 除咗成熟嘅紅細胞之外，全部都有線粒體 理由係紅細胞嘅工作係傳送氧氣 否則紅細胞嘅氧氣 喺未到達目的地就畀線粒體用完 總結一下，所有線粒體 係用氧氣同代謝物去產生能量 同埋有自己嘅基因 但嗰啲喺不同物種嘅線粒體基因 比起其他嘅基因分別更大 喺哺乳類動物，線粒體通常有 37 個基因。 有啲植物比如青瓜 線粒體有高達 65 個基因 然而有啲真菌只有 1 個基因 有幾種生活喺缺氧環境嘅微生物 似乎正喺度喪失所有線粒體 同時有個組別，氧化單胞菌 已經完全喪失線粒體 呢種多樣性之所以存在 係因為綫粒體仍在進化緊 既與含有綫粒體嘅生物一起進化 又單獨地按照自己嘅時間綫 要了解係點樣可能 仔細睇下喺我哋體內線粒體喺度做啲乜嘢 可由我哋懷孕嗰刻講起 喺幾乎所有嘅物種 線粒體基因只係從父母其中一人傳落嚟 喺人類同大部分嘅動物 就只係母親 喺精子尾巴中 大概有 50 到 75 個線粒體 幫助精子游動 佢哋喺受精之後 會跟尾巴一同溶解 與此同時，一隻卵子有數千個線粒體 每個卵子都包含好多份佢哋嘅基因複製系列 等於有超過 150,000 線粒體基因嘅複製本 係從母親遺傳落嚟嘅 而每個複製本都係獨立嘅 跟其他有少許分別 受咗精嘅卵子喺度生長同分裂 嗰數千個線粒體 會分開進入胚胎中不同嘅細胞 當我哋身體分化出唔同嘅組織同器官 變異嘅線粒體基因會隨機分佈喺身體各處 令到整件事更加複雜啲 線粒體有自己嘅複製過程 跟我哋嘅細胞唔同 因此喺我哋細胞複製嘅時候 線粒體會去咗不同嘅新細胞 與此同時，線粒體自己 亦跟著自己嘅時間線喺度合成同埋分裂 當線粒體合成同分裂嘅時候 會分隔出有缺陷嘅基因 同唔正常運作嘅線粒體 一切都意味住，喺你出生時 繼承母親隨機選擇嘅線粒體基因 會喺你一生度結合整個身體產生變化 所以線粒體係動態嘅 而且某程度上係獨立嘅 但佢哋亦受到周邊環境 即係我哋身體嘅影響 好久以前 一啲線粒體嘅基因 被轉移到宿主嘅基因組度 現在雖然線粒體有自己嘅基因組 係跟包含佢哋嘅細胞，分開嚟自我複製 但佢哋喺無基因嘅指令下 唔能夠自己進行複製 雖然線粒體基因係從母親遺傳落嚟 但參與建造同埋調控線粒體嘅基因 係從父母遺傳 線粒體係繼續抗拒整整齊齊咁分類 佢哋嘅故事係，繼續喺我哋每個細胞裏邊 分離作業，又與細胞密不可分 更了解線粒體會給我哋工具 去保護人類未來嘅健康 同教育我哋自己嘅歷史
ashley_whillans_3_rules_for_better_work_life_balance
對於包括我在內嘅好多人來講 每天需要面對過百萬個小干擾 喺假日度都係一樣 你可能需要喺沙灘接電話 喺雜貨店跟老闆打訊息 或者跟家人野餐時傳電郵畀同事 我哋說服自己呢啲行為係無問題 只係出一封電郵啫﹗ 但啲干擾會帶來真實嘅代價 但係我哋可以用啲小聰明 保護我哋嘅時間 （音樂） [我哋工作模式] 睇嚟打擾我哋嘅時間係好短 但有個研究講 呢啲時間加起來係巨大損失 經常任由工作侵入我哋嘅私生活 會增加我哋嘅壓力 同破壞我哋嘅幸福 咁，代價係乜嘢？ 有個研究 搵來啲家長 正喺度跟細路參觀科學館 有啲家長被指示盡量多睇手機 另外啲家長被指示盡量少睇手機 完咗參觀 結果多睇手機嘅家長 感覺參觀嘅體驗比較無意義 重好寂寞 喺另一個研究 要求參觀出名教堂嘅遊客 可經常睇手機 佢哋一星期後記得較少細節 喺我嘅研究 按照表現計薪酬嘅員工 傾向花越來越少時間陪伴家人同朋友 同埋用越來越多嘅時間跟同事及客戶互動 呢種持續嘅干擾都會為機構帶來損失 每年內心憂鬱嘅員工 令公司損失咗 32 個工作天 員工嘅憂鬱係由於 要面對壓力同持續上網所引起 除咗了解多啲 我發現自己經常留心『緊急工作干擾』 多過生命中重要嘅時刻 最近，我為第一個嬰兒照超聲波 居然喺過程中傳訊息畀客戶…… 客戶就開心 準媽媽就內疚 當你將呢啲時刻加起來 使到你生命缺少咗意義 歡樂、同朋友聯繫、甚至回憶 我哋喺疫情中醒覺 重整自己嘅工作模式 而家就係個時機 等我哋創造尊重時間嘅新文化 要做出咁大改變嘅方法 就係用而家可以做到嘅小步驟 第一，我哋要做嘅係重建休息時間 你聽到『休息』一詞就會想到啲乜嘢？ 聽起嚟好神奇啩？ 但喺我嘅腦海度 馬上擔心唔夠效率 或者令啲同事失望 當真係有休假嘅機會 我哋就應該有方法去享受當下 保住休閒啲時間 而唔係將休假睇成工作嘅阻礙 一個我哋能運用嘅技巧 就係將快到嘅週末睇成假期 星期五下晝 寫低假如我哋放假 會做啲乜嘢 你可能會同你嘅伴侶買支酒 再睇網上 Eiffel Tower 短片 又可能去一家本地嘅 cafe shop 聽現場音樂表演 又或者你放下工作與手機 喺中午出去散步 啲嘅計劃唔使你花好多錢 另一個技巧係為你嘅休假 設置明確界線 唔好講：『我唔喺辦公室 隨意放鬆下自己，』 係話：『我唔上網 喺緊急情況打電話畀我。』 我哋需要合作嘅團隊 去鞏固個人目標 要為團隊設置私人嘅時間 公開呢件事、收集數據 同彼此大家問責 目標係 『我喺晚上六至八唔睇 email ；』 『我每星期會同家人食四餐晚飯；』 或係『我會中午慢跑。』 要檢驗團隊嘅進度 睇下大家做成點 如果發覺你同隊友都唔成功 就要彼此幫助去完成個人目標 最後透過協商爭取更多時間 防止工作佔有個人嘅生活空間 我喺商業學院 教學生點樣去傾自己嘅薪水 但我發覺幾乎無提到有關時間嘅事 究竟可以點實踐呢？ 如果工作限期可以調整 就攞多啲時間 如果客戶要求喺星期一早上交貨 你可要求延長至星期二下晝 咁樣你就唔需要喺寶貴嘅週末趕工 亦都唔使過份焦慮你嘅聲譽 品質先係關鍵 喺數據度 主動要求獲得更多時間嘅員工 有較低嘅壓力同疲倦 更獲得同事認為對工作更加有承擔同專業 呢啲雖小但係強大嘅改變 唔單止重建，重將你啲休息時間搵翻嚟 一旦你發覺呢啲改變帶來深遠嘅影響 就會相信你有能力要求其他人尊重 同配合你對時間嘅分配 或者你會啟發佢哋 將好似碎片嘅時間重新組織
hanako_sawada_the_secrets_of_the_world_s_most_famous_symphony
呢八個厲害音符 為音樂史上最震撼嘅一首樂曲、打開序幕 路德維希·範·貝多芬《第 5 號交響曲》 1808 年喺維也納 一個極之寒冷嘅晚上首演 呢個樂章只係漫長節目嘅小部分 管弦樂隊，係排練不足嘅匆忙組合 睇嚟首演就出師不利 但係呢首交響曲好快就贏得讚賞 有位評論家將交響曲 比作「一束亮光，劃破黑暗。」 音樂嘅強度貫穿整個作品 第 5 號交響曲戲劇性嘅音樂 繼續觸動今日嘅聽眾 其實係乜嘢令貝多芬 第 5 號交響曲如此吸引呢？ 喺交響曲首演時 貝多芬已經相當有名 大多數同輩作曲家 係為宗教或私人活動撰寫音樂 服務富有嘅讚助人 但貝多芬係最早一位自由嘅作曲家 佢靠出售同創作音樂維生 賣畀唔同國家嘅發行人 同彈奏音樂畀啲傾慕佢嘅觀眾聽 貝多芬嘅職業選擇 畀佢靈活創作自由 佢亦經常使用新穎方法 將佢強烈嘅情感注入到音樂裏面 當時大部分作曲家 用古典模式做音樂創作 呢種創作模式限制咗樂曲整體結構 同樂器組合 而貝多芬早期嘅創作 係以傳統方式寫成 跟住前人莫扎持同海頓等嘅軌跡 但喺第 5 號交響曲度 佢嘗試加入浪漫主義元素 呢種蓬勃發展嘅作曲方式 係靠有豐富表現力嘅旋律 多變嘅形式同令人驚喜 樂器嘅選擇而聞名 交響曲嘅第一樂章 喺採用古典奏鳴曲形式 以不同方式探索、發展 同重複變奏 貝多芬喺呢個框架度 以簡單想法作深層次嘅演譯 以單一節奏主題 作為樂曲構成大部分嘅基石 喺三個短音符後 加上特長第四個音符 有位撰寫貝多芬生平學者 稱呢段音符為「命運樂想」 因為佢暗示咗命運叩門嘅意象 就算唔肯定佢創作時候 有無諗過命運之神 但啲音符肯定牽動 每個人心弦 節奏模式創造向前動力 而且延長嘅四分音符 則預示厄運 樂想喺交響樂中迴盪 包括佢嘅伴奏部分 同號角華麗奏 貝多芬試驗咗幾十種變奏 喺唔同樂器同音高度演奏 喺整首樂曲度 呢個樂想、好似細細聲 然後逐漸加入、越來越多嘅樂器 構成澎湃激昂嘅樂章 樂想被創造性重複 構成令人難忘主要部分 呢個唔係佢唯一嘅創新 今次係第一首加入 長號嘅管弦樂作品 貝多芬還使用咗高音短笛 同低音巴松管 為管弦樂隊提供 比大多數古典作品更廣泛音域 經誇張後動態音樂 進一步將戲劇性增強 喺和聲方面 樂曲有清晰感情起伏 以憂鬱嘅 c 小調開始 用 C 大調凱旋結尾 樂曲由不祥嘅預兆感 到富麗堂皇嘅進程 證明貝多芬有能力 將原始感情注入到音樂 喺創作樂曲時 佢正係跟失聰搏鬥 悲痛心情可以喺 重複雷鳴般嘅樂句度聽到 貝多芬完全失聰之後 佢依然繼續生產 富有創意嘅音樂 直到 1827 年去世 第 5 號交響曲嘅中心樂想 一直迴盪喺各個時代 離開咗音樂廳 呢首樂曲已經成為懸念 啟示同勝利嘅象徵 「命運樂想」喺摩斯電碼 發出字母「V 」聲音 喺二戰期間 第 5 號交響曲成為盟軍勝利嘅代碼 呢首具代表性樂曲 可以喺電影配樂中找到 甚至喺音樂重新詮釋 同視覺藝術探索中找到 但無論係咩嘢嘅背景 貝多芬第 5 號交響曲 會帶聽眾穿越黑暗嘅世界 然後再引導佢哋走向光明
susan_graham_a_new_way_to_restore_earth_s_biodiversity_from_the_air
每一年， 人類改變1000萬公頃嘅土地， 唔係為咗更好嘅生活。 宜家，喺世界各地， 有超過20億公頃嘅土地被破壞。 我哋需要短時間內修復佢，而科技可以幫到我哋。 修復係個巨型同埋複雜嘅挑戰。 單係種樹係唔得嘅。 我哋需要為原始、複雜嘅生態系統注入生命， 呢個需要好深嘅生態造詣。 到目前為止，我哋有嘅複製品有限而且粗劣， 好似好多林場種植嘅單一樹木咁。 但係無人駕駛飛機允許我哋收集數據，改變呢啲限制 仲可以迅速咁以巨大規模種植混合洽當嘅植物。 再加上機器學習分析令到我哋可以 計劃耕種同埋監督我哋嘅修複工作。 例如，係澳洲， 我哋用緊以無人駕駛飛機為主嘅耕種 同埋有生態系統知識嘅人工智能 修復數千公頃用嚟開採煤炭嘅土地。 唔單只係種樹木， 而係將生物多樣性同埋複雜嘅生態系統帶返嚟。 以更大規模嚟睇，澳洲嘅原始森林 因為災難性嘅森林大火 同埋為咗開發耕種土地而大福減少。 咁代表樹熊嘅食物來源 同埋安全嘅棲息地一直減少。 一個新項目可以令我地喺 接落嚟幾年加快修復幾千公頃嘅 樹熊森林。 有呢啲已經合拼咗嘅技術， 我地就可以擴大修復， 由一個小島 到成個大洲。 我地可以喺一個以前係礦井嘅土地， 恢復翻個森林或者重建生態系統 例如我地希望喺豪勳爵島修復嘅， 係世界上最大嘅昆蟲誕生地之一。 呢個獨特嘅島不斷受到外來物種困擾， 所以我地宜家幫緊手整走果啲乞人憎嘅植物 令果個地方獨有嘅物種茁壯成長。 唔單只係數以百萬計嘅樹木， 呢個計劃宜家修復緊大自然嘅複雜性同埋美貌。 多謝大家。
kaitlyn_sadtler_and_elizabeth_wayne_how_the_covid_19_vaccines_were_created_so_quickly
喺二十世紀，多數嘅疫苗 需要超過十年嘅時間 嚟做研究、測試同埋生產 但 COVID-19 疫苗 只係用咗十一個月 就緊急投入使用 背後嘅秘密，係發展咗幾十年嘅 一項醫療科技： mRNA 疫苗 新疫苗係運用身體現有嘅細胞機制 嚟觸發免疫系統反應 免除我哋受到病毒嘅侵襲同感染 同時呢種方法亦有可能治療 喺未來嘅新疾病 針對新疾病，即時產生抗體 咁革命性嘅疫苗係點樣運作嘅呢？ 最顯著嘅組成部分 就係 mRNA， 又叫做信使核糖核酸 屬既有存在嘅份子 佢為指令編碼產生蛋白質 當細胞處理 mRNA 嗰陣 裏面嘅核糖體 會翻譯同跟住指令 編碼製造蛋白質 喺疫苗度嘅 mRNA 以同樣嘅方式發生作用 但科學家安全噉使用呢啲分子 為身體引入咗病毒 首先，研究人員為特定嘅病毒蛋白質 對數万億個 mRNA 分子進行編碼 呢個部分本身係無害嘅 但對訓練身體免疫系統反應產生作用 然後將啲分子注入到納米粒子度 佢比普通細胞大概細 1,000 倍 啲納米顆粒由脂質所構成 嗰啲脂肪類型 係同包圍住細胞嘅膜相同 但佢哋係經過特別設計 可以保護同協助 mRNA 穿過身體進入細胞 到最後加埋糖同鹽 幫助保存納米離子 完整噉去到目的地 疫苗使用前要保存喺 攝氏 -20 到 -80 度 確保冇產生任何變質 啲納米顆粒喺注入咗疫苗 就分散去尋找細胞 每個納米顆粒脂質塗層 同細胞脂質膜融合起來 同時釋放 mRNA 嚟完成工作 依家需要留意嘅係 疫苗雖然喺度傳遞緊 啲病毒基因物質進入細胞 但佢唔可以改變我哋嘅 DNA 因為 mRNA 生命週期好短 佢需要加上酶同化學信號 才可以到訪我哋嘅 DNA 更唔好話改變佢哋 喺 mRNA 疫苗度 唔會有改變 DNA 嘅成分 當佢進入咗細胞 核糖體翻譯 mRNA 嘅指令 同埋開始組裝病毒蛋白 喺 COVID-19 疫苗度嘅蛋白質 通常喺病毒表面 急劇增加濃度 但噉係冇傳染性嘅 因為佢冇咗其他病毒部分 佢確實可以觸發我哋免疫系統反應 激活免疫系統會造成身體嘅負擔 導致某啲人有短暫嘅疲勞 發燒同肌肉酸痛 但唔係接種人受到感染跡象 只係疫苗產生作用 身體產生緊抗體嚟對抗病毒蛋白 抵抗 COVID-19 嘅感染 特殊蛋白可以存在喺 大多數 COVID-19 變體度 可以減少新毒株感染嘅威脅 呢種方法同以前嘅疫苗相比 具有顯著嘅優勢 傳統嘅疫苗，包含弱化咗嘅活性病毒 或者刪去咗病毒嘅部分 兩者都需要大量時間嚟做研究同準備 同時要用獨特嘅化學 進行安全嘅注射 但 mRNA 疫苗 並冇包含任何病毒顆粒 所以佢哋唔須要為每種病毒逐一調整 每種 mRNA 疫苗 都有大致相同嘅成分 想像經過嚴格測試嘅一種可靠疫苗 只需要更換一樣成分 就可以用嚟治療任何疾病 首先，研究人員會識別出 正確嘅病毒蛋白 然後編碼到 mRNA 再將 mRNA 轉換到現有嘅疫苗平台 幾個星期後，就可以開發出新嘅疫苗 提供人類喺永無止境嘅疾病鬥爭中 靈活嘅新工具
andrew_mcdonald_the_rise_and_fall_of_the_kingdom_of_man
喺愛爾蘭海中央嘅一個小島上， 一座座堡壘主宰崎嶇嘅海岸。 喺呢個估唔到嘅地方 誕生咗一個中世紀嘅帝國。 呢個帝國由海上王者統治， 持續咗 200 年。 首個國王 Godred Crovan 係個惡名遠播嘅軍閥， 愛爾蘭同維京統治者後裔。 從 1079 年起， Godred 鞏固自己嘅權力， 喺馬恩島， 以及蘇格蘭西海岸外嘅赫布里底群島。 佢掌控住來往大不列顛群島、北歐 及北大西洋重要嘅航道。 Godred 死後一段時間內， 帝國不斷受到挪威同愛爾蘭嘅入侵， 諸侯間互相持續激烈爭鬥。 但係，佢嘅後人掌權， 建造沿海堡壘、穿梭於海道， 投身喺史詩般嘅戰鬥中， 逐漸鞏固對呢個令人矚目嘅 海上王國嘅控制。 佢哋嘅居民帶有 蓋爾人同北歐人嘅血統， 好多人仲識講呢兩種語言添。 馬恩島上嘅人被叫做馬恩島人， 而赫布里底群島嘅人則 被叫做島民或係群島人民。 即使唔知有幾多人曾經住喺度， 但係我哋知道呢度較小撮人 喺該地區，有超然嘅影響力。 佢哋棲息喺視野開闊嘅懸崖上、有避風港 同海濱堡壘，幫助國王代代 控制航運、商業同資源。 帝國指揮著龐大嘅維京式長船艦隊， 用嚟喺海上做交易、襲擊同掠奪。 許多鄰近統治者睇到呢種實力， 尋求佢哋幫助。 Rognvald 同 Olaf 兄弟 各自解決鄰居嘅海上困境： Rognvald 國王 為蘇格蘭國王提供軍事協助， 而 Olaf 國王軍隊為咗豐厚報酬， 為英國王 Henry III 提供海岸警衛服務。 眾海王亦會向啲強大鄰居挑釁試探， 但佢哋有個難搞嘅死對頭， 係來自群島嘅另一個王朝： 赫布里底群島嘅另一個統治家族。 喺 1150 年代，薩默萊德嘅族長 喺場海戰中打敗咗自己親戚—— 馬恩人嘅國王， 就建立咗一個與群島對峙國家， 對舊王國造成沈重打擊。 開始咗長達一個世紀嘅對抗， 薩默萊德家族控制著 赫布里底群島中、南部， 以及馬恩島國王控制著 馬恩島同北赫布里底群島嘅海路。 家族仇恨通常發展成為激烈嘅內戰。 1223 年 Rognvald 去信個仔， 命令刺殺佢嘅兄弟 Olaf。 Olaf 發現咗個陰謀， 對侄仔發起惡毒嘅攻擊， 令侄仔傷殘同失明。 Rognvald 死後多年， 啲人發現命令佢個仔 刺殺嘅信件可能係偽造。 馬恩島國王曾嘗試通過議會解除分歧。 以土丘為中心嘅露天議會， 立法機構喺度處理 有關法律及其他問題。 呢種場地喺維京文化度， 普遍用嚟處理地方爭端， 及至王家事務。 會議並非總係順利進行， 有時亦有暴力衝突發生。 1237 年，兩個敵對派系激烈爭吵 導致立法機構馬恩島議會支解。 該議會嘅四層土丘場地倖存至今， 現代嘅馬恩島議會 依然喺嗰度舉辦年度會議。 1248 年，馬恩島國王 Harald 死於海難， 由其兄弟繼位。 新國王繼位後幾週 被叛變嘅騎士刺殺死咗。 1265 年佢嘅兄弟 Magnus 死於魯申城堡，所以後繼無人。 根據文書記載， 佢離世嘅當天 「馬恩島再無國王統領」。 次年，即 1266 年 蘇格蘭吞併咗曼同群島。 我哋主要係從編年史度了解海王嘅功績 由居住喺馬恩島嘅基督教文士所撰寫， 再者為慶祝國王勝利而創作嘅讚美詩。 時至今日，經已去世多時嘅海王 佢哋嘅事蹟己刻入咗當地景物中。
molly_wright_how_every_child_can_thrive_by_five
（小朋友笑聲） 如果我同你講 伏匿匿呢個遊戲可以改變世界 你係唔係覺得好荒謬？ 我今日就係來證明，呢啲係有可能嘅 我係 Molly，今年 7 歲 而呢位小朋友係 Ari Ari 同大家打個招呼啦 大家好﹗ 仲有嗰位係我嘅鄰居 Amarjot 佢會先帶走 Ari，然後準備做個實驗 唔使擔心，佢哋陣間會返來 今日我想同大家傾下啲好有用 大人幫到小朋友成長嘅舉動 直情係影響到佢哋變成大人 我又點會知？ 由於我嘅父母同埋身邊啲人 好早就成日咁做 我知道唔係個個小朋友都咁幸運 比如話我有啲朋友啦、學校同學 仲有好多其他世界各地嘅小朋友 我真係好想改變呢種情況 多得啲科學家嘅努力 我哋而家知道小朋友出世頭嗰五年 對佢哋嘅健康同發育都好重要 尤其係我哋個腦 Ari 甚至喺出世之前 就喺媽咪個肚入面開始學習 他出世嗰陣好細粒 而且成日咁喊 食嘢同屙屎都多過人 （觀眾笑聲） 而家佢喺度笑、咯咯聲咁笑 仲發出啲滑稽嘅聲音 但係呢啲都只係表面嘅改變 其實內裡發生緊嘅係，更深層次嘅改變 不如我哋來傾下我哋嘅大腦喇﹗ 嗰個藍色袋嘅尺寸、重量 同個初生嬰兒嘅大腦差不多 紅色係代表小朋友一歲嗰時嘅大腦 幾乎係大咗一倍 到我呢啲個年紀，係大人個腦嘅 90% 我哋嘅腦喺細個嗰陣 係發展得最快 每秒可以連接到一百萬個神經元 但係我哋仍然需要你哋嘅幫忙 小朋友嘅健康成長需要五樣嘢 第一係連結，第二係溝通 第三係玩樂，第四係健康嘅家庭 第五係支持父母嘅社區 以上五個元素幫助我哋嘅大腦 發揮到最大嘅潛能 咁到底你哋可以點樣幫到我哋喇？ 科學家稱呢啲方法為 「照顧與回應」 其實都係講緊要同我哋 互動、溝通，同埋一齊玩 而家就係重頭戲部分㗎喇﹗ Amarjot、Ari，你哋準備好未？ （聲音）Amarjot：「準備好。」 Copycat 呢款遊戲可以建立 小朋友嘅想象力同埋同理心 （Amarjot 同 Ari 嘅嬉鬧聲） 「改名遊戲」可以擴大詞滙嘅應用 （Amarjot：爹地、Ari、爹地、Ari） 係伏匿匿——冇錯，就係伏匿匿 其實係可以建立記憶同信任 Amarjot：伏匿匿！ 每次你哋同我哋講野 同我哋玩、氹我哋笑 除咗會增進我哋對人際關係同心理健康 仲可以教識我哋好重要嘅生存技能 由識朋友到考試 到搵工 甚至有朝一日 開始組織自己嘅家庭都有用 互動係需要早啲同頻密啲 信我啦，肯定冇錯 你睇七歲嘅我就嚟同大家分享 大腦嘅科學，你就知道喇﹗ （觀眾笑聲） 好，而家嚟睇下如果冇咗個連結會點 可以睇到佢係好想引起爸爸嘅注意 就好似講緊：「點解你唔玩？ 玩啦﹗玩啦」 （Ari 喊聲） 我知道大人有時要睇電話，都係好重要嘅 但係小朋友天生就鐘意同人哋互動 如果佢哋得唔到回應 就會混亂同感受到壓力 好啦，Amarjot，請你再同佢玩返喇﹗ Amarjot：哎呀﹗係 Ari 喔﹗ （Ari 笑聲） 如果我哋成個童年 都好似頭先嗰 30 秒咁 以後我哋就會好不安 冇乜安全感 好難去相信人哋 仲會喺成世人留低啲陰影 淨係諗到咁，我都覺得好傷心 Ari 嘅反應唔算太激烈 而且好快就平復 係因為佢平時同爸爸嘅關係好好 如果小朋友同家長嘅關係正面 會俾到小朋友好多信心 令到佢哋可以放心去嘗試新嘢 安心做返個小朋友 所以唔該大家 一定要記得我哋成長嘅黃金時間 係零到五歲 由媽媽陀住個 BB 開始諗起 你哋可以做啲乜野 記住「照顧與回應」 幾時？ 要早啲同頻密啲 多謝 Amarjot 和 Ari ! （觀眾掌聲） 所有一齊嘅時光 都係互動、溝通同玩樂嘅機會 想像一下，如果大家都咁做 個分別可以去到幾大？ 對於我哋啲小朋友嚟講 呢啲絕對唔止係遊戲咁簡單 而係我哋嘅未來 多謝大家 （觀眾掌聲） 係唔係啊？我都話伏匿匿 可以改變呢個世界架喇！ （觀眾掌聲）
bjorn_ulvaeus_how_music_streaming_transformed_songwriting
開始前，我想引用一句話 但係我唔知喺邊度嚟 所以好尷尬 不過佢講得好好： 「版權唔單止係對創作人公平 亦可促進科學 藝術以及文化發展 提升整個社會嘅生活質素。」 換句話說 依家全球社會當務之急嘅係 令創作者喺經濟條件許可下創作 我冇咩關於寫歌詞嘅回憶 但係有個喺好耐之前嘅特別記憶 我趴喺間細客房床上面 面前有本簿 隔離主人房入便 有我當時嘅老婆 Agnetha 瞓得好稔 喺我個腦入便 有段音樂唔停噉播緊 所以唔需要喇叭 甚至係耳筒 仍然冇歌詞嘅旋律 係未開發嘅領域 作詞人必須小心噉處理 有時候喺紙上最後嘅歌詞 係作詞人深思熟慮嘅結果 詞曲作家亦應該學識相信直覺 不過有時會發生 意想不到嘅事 拉埋咗嘅窗簾，會突然間打開 旋律會浮現喺腦海 然後開始聯想起 不同嘅圖像同連串事件 你只需要寫低 見到啲咩 音樂創作人係 逐啲逐啲噉完成一首歌 但係間唔中會 突然間全部彈出嚟 歌詞似乎喺腦裏便徘徊咗好耐 亦或者係一直都好心急 想俾聽覺靈敏嘅人聽到 就好似透過思維境界 穿過咗啱嘅渠道嚟到地球 我完成嗰陣就極之開心 我感激音樂本身 感激呢種難以捉摸 無法定義嘅現象、純粹存在 冇經過我哋嘅大腦 就直接進入內心 我好想大聲唱出嚟 但係嗰陣係凌晨兩點鐘 雖然樂極忘形 都唔想整醒個老婆 第二日佢會唱我嘅歌 如果今日我同 Benny Andersson 作嗰首歌 你可能唔會有機會聽到 由於佢只係其中一首—— 每日有八萬首上載到串流平台嘅新歌 呢首歌可能又係幻滅嘅創作夢想 今時今日嘅競爭激烈 比 1977 年更加厲害 就算 Spotify 用戶經常點擊我哋嘅歌 專利費絕對交唔起任何人嘅租屋錢 今日我想講嘅係 喺比較簡單同容易 預測嘅樂壇做詞曲創作人 點樣睇歌曲經濟嘅改變 依家所有嘅嘢 都係用數據記低 數據話俾我哋知 串流平台嘅聽眾通常都係聽 佢哋鐘意嘅歌 而唔係鐘意嘅歌手 佢地有時甚至唔係好肯定 聽緊邊個歌手嘅歌 如果係音樂播放列表 如果我哋更加關心首歌嘅話 噉詞曲作家呢？ 詞曲作家 一路都唔俾人重視 我擔心佢哋會係 改變下嘅受害者 現在音樂嘅產業 變咗係歌曲經濟 但係創作首歌嘅人得益最小 究竟件事係點樣發生㗎？ 我暫時唔會建議讓時光倒流 噉樣做，你哋會懷疑係 出自過氣流行歌星嗰把口 不過喺過去十年發生嘅事 有機會對詞曲創作人 產生難以置信嘅積極影響 但係我依家會講下串流革命 帶嚟意想不到嘅後果 點樣改變詞曲作家嘅生活 之後，我會表達啲方案 去解決帶嚟意想不到嘅影響 我哋依家有個 寫作同製作音樂最佳嘅時機 任何人都會有機會 搵到全球嘅觀眾 如果佢哋想 自己仲可以嘗試做 就唔使靠唱片公司或者音樂出版商 成個音樂軟件產業正在掘起 為新一代嘅詞曲創作人服務 串流形成咗新嘅音樂模式 自從 2020 年因疫情關係 現場音樂表演停咗 好多藝人都發現 單靠串流平台係搵唔到食 有啲藝人要返去同父母一齊住 有啲就揸 Ubers 勉強維持生計 喺以前串流唔多唔少 都係宣傳佢哋嘅巡迴同現場表演 呢啲表演佔佢哋大部分嘅收入 有趣嘅係，喺 70 年代 對 Abba 嚟講就相反啦 我哋嗰陣好少做巡迴表演 如果做，我地就會蝕錢 不過意思係巡迴表演 原本係用嚟宣傳專輯 所以冇乜所謂 再加上我都唔記得 我哋有冇埋怨過專利費嘅數額 但喺疫情期間啲音樂創作人好辛苦 串流同專利費突然變成咗 佢哋唯一嘅收入來源 我諗：「如果呢啲係對藝人嘅影響，」 「歡迎嚟到詞曲作家嘅世界。」 好多專業音樂創作人都冇巡迴演出 佢哋唔會賣 T恤同其他產品 佢哋係靠首歌搵食 但係連呢樣嘢都喺度改變緊 因為串流嘅關係而喺度演變緊 亦都越嚟越多唱片公司 同一大班詞曲作家合作 創造出幾乎話係基因改造嘅流行曲 歌曲嘅編寫同結構方式係針對 串流平台所用嘅演算法去寫出嚟 演算法仲決定埋我同你聽咩音樂 近日有啲研究指出 依家全美公告牌排行榜頭十首熱門歌曲 平均有五位創作人合寫 而唔係一兩位，係五位 有時仲甚至係十位 除咗噉，佢哋仲要 寫多啲歌同寫得快啲 只係為咗跟得上串流平台嘅需求 創造出無窮無盡嘅新音樂 自從 ABBA 喺 1974 年 以《 滑鐵盧》贏咗歐洲歌唱比賽之後 突然間多咗好多版權費 跟住我同 Benny 就可以全職寫歌 朝九晚五 做咗呢樣嘢之後，有好多唔同 我哋寫嘅 95% 歌詞都可以唔要 淨係留返最好嘅歌詞 我哋學識咗分辨唔好嘅歌詞 如果你想作到更好嘅歌詞 呢樣技巧係必須嘅 版權費淨係提供咗 時間同創作自由 唔使講，你唔會有呢啲嘅嘢 如果你時間倉猝 再加上有人時刻監視住你 業界令好多詞曲創作人 更難建立持續嘅職業生涯 成功嘅就會好成功 無咁成功嘅，但曾經 以創作詞曲為生嘅人 真係好辛苦 佢地變咗服務嗰個系統 而唔係系統服務佢哋 呢度有三個關鍵嘅痛點 首先，串流服務俾錄音嘅錢 係歌曲作品嘅四倍 即係話詞曲作家喺線上 收聽收入比藝人還要少 呢樣係以前留低嘅問題 當時錄音同實體產品都係好貴 所以錄音佔多啲收入都係合理 但依家唔同咗 呢啲改變仲未反映 喺點分配版權費 第二 連串流服務點俾版權費都係有問題 每個月 9.99 美元嘅訂閱費會先俾中央處理 然後根據嗰個月嘅網絡流量分配 決定咗每一次下載流量或者收聽嘅價值 即係話如果你有聽 Arne Jansen 嘅爵士三重奏 喺過去嗰個月 聽咗呢首歌 50 次 而你鄰居個女聽咗 Justin Bieber 首歌 5,000 次 你嘅 9.99 美元只有一小部份 係俾 Arne Jansen Justin Bieber 冇做錯任何嘢 但係又點可以支持 你最鍾意嘅藝人呢？ 另外一個大問題係 好差嘅元數據 元數據係指首歌同埋 有關佢錄音嘅資訊 好多時加入串流服務嘅錄音 有關資料都係唔準確 例如係漏咗創作人個名 亦即係話串流服務唔知道 應該傳送版權費去俾邊個 所以啲錢就放咗喺所謂嘅「黑盒」 即係擺咗喺度 最近 20 間串流服務 發放咗 42.4 億美元 去美國一間非牟利機構 原意係搵返應該收嗰筆錢啲人 件事將需要數年時間—— 若果找到佢哋嘅話 所有問題加起上嚟 正喺為詞曲作家創造一場完美風暴 過去十年，我見到嘅情況 只係越嚟越差 而喺最近五年 我有參與解決呢啲問題嘅計劃 噉我可以點幫呢？ 首先 有你哋今日喺到聽我講 當然我係想做啲嘢 引起關注 但係我唔淨止想更多人關注 我亦想幫助業界確定解決嘅方案 呢度係好多項建議嘅其中幾項 第一：以粉絲為中心嘅專利費 為咗確保所有詞曲創作人公平得到收入 我建議串流服務以每位聽眾嘅行為 分配專利費 每人得到嘅都應該係除以 每位聽眾每個月聽咗幾多首歌 令到每首歌都有價值 假如訂閱費係 9.99 美元 而個聽眾都係喺嗰個月 聽咗 10 次 Arne Jansen 每首歌值 0.99 美元 差唔多係一蚊 呢個將會係俾 Arne Jansen 嘅數目 根據現時系統 你可以肯定 Arne 會得到 大概 0.00 美元 所以呢項以粉絲為中心嘅方法 去分配專利費係更加公平 亦都以 Deezer 同 SoundCloud 首先開始為基礎 不過要改善串流服務專利費 最簡單同最有效嘅方法可能係 串流平台收多啲錢 串流服務已經有多過十年都係 9.99 美元 但係 Netflix 就好似每星期都加價 研究顯示訂閱咗嘅人會俾多啲 9.99 美元好容易 就會變成 11.99 美元 甚至係 12.99 美元 第三：係就係麻煩啲 但係必須要註冊 無論嗰八萬首新歌 係喺邊度打入咗音樂市場 都應該要有簡單易用嘅註冊網站 確保盡早記低嗰個作品嘅相關資料 噉樣就會減低 黑盒問題同矛盾喇 我認為呢樣係集體管理組織嘅義務 佢哋係負責收取創作人嘅版權費 要做到與時並進 及科技現代化嘅系統 我知道我喺度一口氣講咁多 關於音樂界嘅建議係好容易—— 點都會容易過去做呢啲建議 不過我哋的確要改變 越快越好 最重要係成個音樂產業嘅改變 需要各部分嘅共同努力 首歌同詞曲創作人扮演最重要嘅角色 由錄音到現場表演都係 如果隊樂隊冇好歌 T恤都唔會賣得出 其中有啲歌 創造咗我嘅回憶 係 Everly Brothers 係 Beatles Elton John 等等 有陣時會有讓我感到驚訝 而刺耳嘅歌曲結尾 但好快就會被佢哋純粹嘅美妙調子 同激發起嘅靈感所沖淡 我知道佢哋咩意思 同埋佢哋對我有咩意義 我成日都喺度諗： 如果我哋冇咗音樂會係點呢？ 我相信係冇咁有人性 如果我哋聽唔到音樂 噉樣仲會對乜嘢充耳不聞呢？ 不過睇嚟我哋從來都冇諗過 就算音樂成日都圍繞住我哋 依家正係成個樂壇要支持 呢個無疑係最有價值嘅資產 呢個有問題嘅系統 困擾住太多詞曲創作人 我頭先講過嘅解決方法 可以平衡返音樂嘅經濟 令更多詞曲創作人對聽眾 能夠退後一步講 首歌就係我一開始要講嘅嘢 「多謝你嘅音樂。」
jen_gunter_why_healthy_bones_are_about_so_much_more_than_milk
你可能認為牛奶 加上所有嘅鈣同埋維生素 D 就係令到我哋嘅骨骼強壯同埋健康 多年來，呢個好消息令到賣出咗好多牛奶 但係呢個喺科學上並不準確 (音樂） 【Dr. Jen Gunter 身體護理】 如果我哋淨係睇往牛奶 我哋就睇唔到骨骼健康嘅大圖畫 咁樣不如我哋從頭講起 成人有 206 塊骨頭 構成骨骼系統嘅主要部分 佢哋係支撐身體，或者係保護器官嘅結構 其實佢哋仲做多好多嘢 佢哋同埋啲肌肉令到身體郁動 佢哋儲存重要嘅礦物質 產生荷爾蒙 而且仲幫我哋做血 好多人想像我哋啲骨頭 就好似 Halloween 嘅骷髏骨頭咁 但係呢個只係畀我哋單一維度嘅圖像 骨頭基本上有三層 喺外面有骨膜 堅韌嘅薄膜包住同埋保護啲骨頭 接住係厚厚一層密度高嘅骨頭 好多人都熟悉佢哋係白色、堅硬、同埋表面平滑 但係裏面有海綿形狀嘅骨頭或者係骨小梁 同埋充滿骨髓嘅核心 嗰度幹細胞可以做血 啲幹細胞經常分裂 大部分人知道 喺小孩同埋青少年啲骨頭會生長 我哋嘅骨質密度喺廿幾歲達到頂峰 好多人唔知道即管喺啲骨頭停止生長 我哋啲舊骨頭 係會畀新嘅骨頭代替 估計身體嘅骨骼 會喺十年完全替換 當我哋骨質達到頂峰嘅時候 失去嘅骨頭超過咗生長嘅骨頭 呢個喺最後會影響到我哋骨骼嘅完整性 同時降低咗我哋骨頭嘅數量同埋骨頭嘅質量 極端嘅情況就係有骨質疏鬆病 當骨質嘅流失超過咗新生長嘅骨質 再加上其他變化 呢個可以導致骨骼極之脆弱 即管係些微嘅碰撞 或者跌到，都能夠造成骨折 一個好有型嘅事實，就係骨骼儲存鈣 如果攝入量低，即係食得少咗 身體會喺骨骼度拎啲鈣出嚟 呢個都會令到骨質流失 所以我哋要從飲食度吸收足夠嘅鈣 去維持自己嘅骨骼 維他命 D 符合咗呢種想法 佢會幫助身體吸收鈣質 當我哋諗到鈣同維他命 D 好多人諗起一杯冰凍嘅牛奶 牛奶並唔係唯一吸收鈣質嘅好來源 人類係雜食動物，好有創造力嘅 我哋啲鈣，可以從好多方面得嚟 例如乳酪同芝士 仲有係綠色葉嘅蔬菜 好似菠菜同埋羽衣甘藍 十字花科蔬菜 好似白椰菜同埋紹菜 仲有係喺蛋白質，好似豆腐 果仁、豆類、雞蛋同魚嗰度得到 同添加咗到啲穀物同埋橙汁度都可以 奇亞籽亦可以有鈣 喺含有脂肪嘅魚裏面 維他命 D 都有好多 同時皮膚都可以從陽光嗰度製造 但係有啲人就可能需要食補充劑 另一種使到骨頭健康嘅就係運動 機械負荷同拉動肌肉 可刺激骨骼細胞生長 都能刺激骨骼嘅細胞 其實係所有令到骨骼有壓力嘅 都會令到骨骼生長 好似行路、緩步跑、跳舞同拍球運動 即使力量嘅訓練，好似舉重咁 刺激額外嘅鈣沉澱 同新嘅骨頭生長 另外更強嘅肌肉可以幫助身體平衡 乜嘢係髖骨骨折最好預防嘅方法呢？ 答案係，更好嘅平衡，減少跌倒 如果你鍾意牛奶完全係冇問題 但係唔好忘記 骨骼嘅健康唔單止係牛奶咁簡單
erick_wilberding_this_tool_will_help_improve_your_critical_thinking
西方哲學之父 Socrates 正接受審判。 好多雅典人都相信佢會危害國家， 佢哋指控大哲學家荼毒青年 同蔑視神明。 但係，雅典人之咁驚 Socrates ， 唔係佢話知道一切答案， 反而係因為佢問得太多問題。 雖然 Socrates 厭惡正式嘅課堂， 但佢總會不厭其煩 同身邊朋友同陌生人 就著道德同社會議題 滔滔不絕。 呢啲算唔上係辯論， 而 Socrates 亦唔會提供實質嘅建議。 事實上，佢成日都聲稱 自己一無所知， 回應對方嘅問題， 就係更多問題。 但喺過程度，Socrates 梳理咗 佢哋嘅邏輯思路， 發現當中嘅謬誤， 並協助雙方互相理解。 呢啲噉有見地嘅問題， 令 Socrates 深受追隨者愛戴。 有兩個學生，Plato 同 Xenophon，深受佢嘅啟發， 後來甚至將老師嘅思路 重現喺虛構對話中。 呢啲虛構嘅對話 為後世提供咗最佳嘅範例， 成為後人所稱嘅 「蘇格拉底反詰法」。 喺其中一段對話度， Socrates 同一個叫 Euthydemus 嘅年輕人交談， 呢位年輕人深信自己洞悉 公義同不公義嘅本質。 Socrates 想深入了解 呢位年輕人嘅價值觀， 所以就請佢歸類講大話同偷嘢等行為 係公義定唔公義。 Euthydemus 好自信咁 將佢哋歸類為「唔公義」。 但問題就嚟喇： 如果將軍欺騙或者掠奪敵軍， 咁又算唔算唔公義呢？ 於是，Euthydemus 修正咗， 佢話，如果對象係敵人， 啲行為就係公義嘅； 但如果對象係朋友， 咁就係唔公義。 Socrates 又繼續追問落去。 佢問，如果將軍 對自己嘅士兵講大話， 藉此提高士氣， 咁又算唔算公義呢？ 冇幾耐，Euthydemus 就俾佢搞到謝哂。 佢俾嘅每個答案， 似乎都會有後續嘅問題， 歸根究底，佢似乎 都未係好清楚公義嘅本質係咩。 Socrates 常採用呢種 問題導向方法， 佢形容自己係個接生婆， 透過發問，幫人「生」出想法。 佢嘅發問方式，都能夠搵出 啲人冇審視過嘅前設， 再針對呢啲偏見，作出挑戰。 雖然未必可以提供確切嘅答案， 但就可以協助釐清問題， 並排除咗矛盾或者循環嘅邏輯。 而且，隨著邏輯推理 引發出連串嘅提問， 發問者同回答者最後都獲得 超出預期嘅結論。 呢種技巧唔受對話內容限制， 喺唔同範疇都好有用。 喺文藝復興時期， 呢種技巧就被用嚟教授臨床醫學。 學生就佢哋嘅診斷提出理據， 而醫生就會質疑佢哋嘅假設， 並主持討論。 喺呢個模型入面，啲技巧 甚至使眾人達至確實嘅結論。 後來，相同方法 亦被應用喺其他科學領域， 例如天文學、植物學、同數學。 喺新教改革之後， 呢種技巧，又被用喺 解答信仰中嘅抽象問題， 喺十九世紀，再成為咗 美圖法律教育中不可或缺嘅部份。 教授透過意想不到 假設嘅情景去挑戰學生， 考查佢哋對法律推理嘅理解。 時至今日，呢種技巧 仍然應用喺美國最高法院， 來設想通過一條法例後 可能招致嘅後果。 「蘇格拉底反詰法」幾乎適用喺 所有倚靠批判性思維嘅學科， 但到底成唔成功， 就要睇老師嘅功力。 老師要善用蘇格拉底法， 首先要對嗰科嘅知識暸如指掌。 老師唔係到要串爆學生， 又或者炫耀自己， 而係要謙遜地求真， 肯定每個學生嘅貢獻。 喺呢點上，Socrates 本人 都未必係最善用 蘇格拉底法嘅老師呢﹗ 歷史學家相信，Socrates 極度質疑雅典獨有嘅民主政體， 並將佢嘅懷疑傳承俾追隨者。 呢啲顛覆性嘅諗法， 喺公眾論壇度遭到扭曲， 更將兩名學生 帶上叛國不歸路。 Socrates 好有可能 都因為呢啲想法而受審， 而最終判處死刑。 但即使大哲學家臨死嗰陣， 畫家筆下嘅佢，仍然表現安祥， 對終極嘅問題 一如既往、抱持好奇心。
kayla_wolf_why_every_world_map_is_wrong
非洲可以容納 14 個格陵蘭 但係你從大部份世界地圖之中都見唔到係噉 其實所有由人整嘅世界地圖都係錯嘅 根本就冇可能整個 100% 啱嘅世界地圖 喂，唔係你啊，地球儀— — 我哋都知你啱㗎 都唔係你呀，Google 地球 你頂盡咪又係一個數碼化嘅地球儀 我講緊嘅係平面地圖呀 唔到我哋唔認 佢有時真係比好多嘢更加方便 總言之，我係話 真係冇可能將一個立體嘅球體 印落一張完全平面嘅地圖 喺好耐好耐以前，人類根本連試都冇試 佢哋只係隨意記低位置 冇任何統一嘅比例 去到公元 150 年 希臘嘅數學同天文學家托勒密 有系統噉將地球用網格標示出嚟 同埋按座標將地方攞喺網格度 令到地圖可以互相比較同複製 托勒密所製網格用到嘅線條 係我哋直至今日到沿用緊： 180 條緯度線同埋 360 條經度線 就算有呢啲進步都好 人類都係繼續蕩失路 其中一部份原因— — 應該點講好呢—— 就係我哋唔太理解世界嘅地理 但其實用地圖嚟搵路都真係好難 因為地球係圓嘅 由一個地方去另一個地方最短嘅路線 就係喺球體上面畫嘅一條線 如果我哋將呢條路線畫喺平面嘅地圖 佢就會用唔同嘅角度經過每一條經度 要跟住呢條路線 你就要不停噉改變你行路嘅方向 小小嘅行差踏錯都會令到你去唔到目的地 喺 1569 年 杰拉杜斯·麥卡托就解決咗呢個問題 佢整咗一個合乎比例嘅世界地圖 令呢啲彎曲嘅導航路線變成直線 經過每一條經度線嘅時候 都維持同一個角度 等用導航嘅人可以設定一個固定嘅方位 換言之，可以全程都跟住一個方向旅行 不過就有個小問題喇 如果要噉做 佢就要扭曲晒大陸板塊同埋海洋嘅形狀 令到離赤道遠啲嗰啲呢就會大啲 離赤道近嗰啲呢就細啲 撇除佢唔準確，麥卡托嘅地圖都幾實用 其實佢到而家都被廣泛採用 包括一啲網上地圖 不過依然係錯㗎！ 喺 1925 年，古蒂等發明面積投影—— 即係—— 一個唔連續嘅偽圓柱體面積投影 即係點解？ 唔重要 重點係盡量唔扭曲成個地球個樣 嗰張地圖可以係以陸地為中心…… 或者以海洋為中心 咩方式都好 呢一個好似橙皮噉樣嘅地圖都唔係太易睇 喺 40 年代，由美國建築師巴克敏斯特·富勒 發明嘅戴美克森氏地圖投影就好啲喇 等陣先，係「好啲」咩？ 對於想知啲地方喺世界嘅邊一個位置呢 就唔係太好喇 好啲係指呢一個方法冇對陸地 造成明顯嘅扭曲 假如你想知道巴西離尼日利亞幾遠 你唔會從呢款地圖得知 到目前為止，最準確嘅投影係 由日本建築師鳴川肇 喺 1999 年設計嘅 AuthaGraph 世界地圖 當中嘅洲同海洋幾乎全部都按比例 而幅地圖都係呈長方形嘅 就好似而家我哋一般見到噉樣 噉佢有冇可能成為一幅完美嘅地圖呢？ 都係……唔得呀 既然麥卡托個嗰方法都搞得掂導航 又睇得清楚 點解仲要理呢堆奇形怪狀嘅地圖呢？ 亞諾彼特斯就認為 麥卡托投影放大咗歐洲同北美國家 令白人國家相比喺赤道附近嘅非白人國家 產生一份優越感 為咗去對抗呢一個問題 佢採用咗高爾彼特斯投影法 但陸地都係拉長咗 宜家，我哋越嚟越少依賴地圖嚟導航 但係佢哋仍然對教育嚟講好重要 彼特斯有樣嘢講得好啱︰ 無論我哋睇緊咩地圖都好 佢都係反映緊 各位地圖製作者睇嘢嘅角度 亦塑造我哋對呢個世界嘅認識 一啲簡單嘅地圖設計改動 就算唔關點樣將球體嘅地球 攞落平面地圖都好 都足以完全噉改變我哋嘅觀感
evan_zodl_the_unexpected_math_of_origami
當太空望遠鏡準備影相嗰陣， 附近恆星嘅光芒遮咗佢嘅視線。 但望遠鏡有個秘招： 用一個巨大嘅板嚟阻擋強光。 呢個遮星板直徑約為35米 —— 摺起嚟卻只有2.5米以下。 細到可以裝喺火箭嘅尾端。 佢緊湊嘅設計源自一種古老嘅藝術形式。 摺紙，字面意思係「摺叠紙張」， 呢項日本習俗，至少可追溯到17世紀。 摺紙藝術入面，同樣簡單嘅概念， 可以摺成任何物品， 從大約20個步驟摺成嘅紙鶴。 到呢條需要超過1000個步驟嘅龍， 再到一個遮星板。 只要一張紙，傳統上係方形紙， 僅僅透過摺叠，就可以變成幾乎任何形狀。 攤平嗰張紙，就會有個線條構成嘅圖案。 每條綫都代表一個凹陷嘅谷摺或凸起嘅山摺。 摺紙藝術家通過摺叠去形成摺痕圖案， 作為佢哋設計嘅藍圖。 雖然多數摺紙作品係立體嘅， 佢哋嘅摺痕圖案通常被設計為平折， 而唔會產生任何新摺痕或需要切割紙張。 可以平折嘅摺痕圖案背後嘅數學規則 比立體摺痕圖案嘅規則簡單好多—— 先創建抽象嘅平面設計， 然後將佢塑造為立體形式會更容易。 任何可以平摺嘅摺痕圖案 都必須遵守四個規則： 第一，摺痕圖案必須可用雙色上色 —— 即係摺痕之間嘅區域 只用兩種顏色就可以填滿， 同色嘅區域因此永遠唔會接觸。 喺呢到添加一個摺痕， 摺痕圖案就唔可以兩種顔色上色。 第二，山摺同谷摺嘅數量 喺每一個內部嘅頂點位都必須相差 2 —— 就例如呢到嘅三個谷摺同一個山摺咁。 我哋仔細睇下喺呢個頂點摺叠會發生啲咩： 如果喺呢個頂點加上一個山摺， 就會有三個谷摺兩個山摺。 如果加上一個谷摺，就會有四個谷摺同一個山摺。 無論用邊種方式，摺紙作品都摺唔平。 第三條規則係， 如果我哋將頂點内所有嘅角 都順時針或者逆時針編號， 偶數角加起，總數必須係180度， 奇數角都必須一樣。 仔細觀察摺痕，我哋就睇得出點解。 如果喺呢個頂點增加一個摺痕並幫新嘅角編號。 偶數角同奇數角各自嘅角度總和 就唔再係180度， 作品就無法摺成平嘅。 最後，一層紙唔可以穿過一個摺皺。 一個可摺疊嘅2D平面底座往往是一種抽象的表現形式 通常係最終嘅3D立體形狀嘅抽象代表。 摺紙藝術家理解摺痕圖案、平面底座， 同最終立體形狀嘅關係， 所以可以設計出不可思議嘅複雜形狀。 以摺紙藝術家Robert J. Lang創作嘅摺痕圖案爲例。 呢個摺痕圖案可分成一隻生物嘅腿、尾巴同其他附肢。 當我哋將摺痕圖案摺成呢個平面基礎， 每個劃分好嘅區域都會變成獨立嘅一層。 通過將佢縮窄、彎曲、變形， 平面基礎就變成左立體嘅蠍子。 咁如果我哋想喺同一張紙上，折出7朵咁嘅花呢？ 如果我哋可以重複花嘅摺痕圖案， 並以滿足四條規律嘅方式將佢哋各自連接起嚟， 我哋就可以創建一個密鋪，即係一個重複嘅形狀圖案 無任何縫隙而且唔會重複地覆蓋一平面。 將一個大嘅平面摺疊成緊湊形狀嘅能力， 可以應用喺浩瀚無垠嘅宇宙， 都可以用喺細胞嘅微觀世界。 利用摺紙嘅原理， 醫學工程師已經重新塑造傳統嘅脈覆膜支架， 係一條用於張開同支撐受損血管嘅管。 透過密鋪，剛性嘅管狀結構摺疊成緊湊嘅薄片 體積大細約係張開時嘅一半左右。 摺紙原理已被用喺安全氣囊、太陽能板 自我摺疊嘅機器人，甚至係DNA納米結構 邊個知下個可能嘅發展係咩？
nick_caruso_and_dani_rabaiotti_the_world_s_most_dangerous_fart
對大多數人嚟講， 放屁係一種受歡迎嘅解放、 一個尷尬嘅小插曲， 或者係個毒氣惡作劇。 但對其他生物嚟講， 放屁並唔係件好笑嘅事情。 係動物王國嘅肚腸入面， 放屁可以作爲恐嚇嘅工具、 自我防衛嘅方式， 甚至係惡臭嘅凶殺武器。 動物王國入面最臭嘅屁雖然唔致命， 但好有可能會毀左你嘅沙灘之旅。 海獅同海豹因爲飲食嘅關係 而放臭屁聞名。 魚類同貝類嘅硫含量非常高， 而係消化嘅過程中， 哺乳動物嘅腸道細菌會分解硫 同分解含有硫嘅氨基酸 來產生二氧化氫（H2S2)-- 一種聞落去好似臭鷄蛋嘅氣體。 海獅同海豹無辦法控制 自己放出惡臭嘅屁， 但有啲動物放屁係有策略性嘅。 東部豬鼻蛇同索諾蘭珊瑚蛇 會使用一種叫做 「泄殖腔噴氣」嘅策略。 佢哋會先將空氣吸到泄殖腔-- 一個用於排尿、排便同生殖嘅窿， 然後再「碰」一聲 係泄殖腔噴啲氣出嚟。 呢啲氣無比海獅嘅臭屁危險， 但可以有效咁嚇走潛在嘅掠食者。 另一方面，鱗蛉幼蟲嘅屁 既無聲又致命。 佢哋嘅屁含有一種被稱爲 「利己信息」素嘅化學物質， 專門進化嚟麻痹白蟻。 事實上，「利己信息素」非常强大， 單單一個屁就可以令一班白蟻 無法動彈長達三個鐘頭， 或者直接殺死佢哋。 無論如何，呢種毒屁比左鱗蛉幼蟲好多時間 嚟吞食比佢哋體型大三倍嘅獵物。 但係，對於有啲動物嚟講， 忍住唔放屁可能係會致命嘅。 灰鱂係一種生活喺墨西哥北邊嘅小型淡水魚。 呢啲魚類以藻類 同沉澱物内嘅其他小生物為食。 但喺夏天最熱時候， 呢啲藻類會喺佢哋 腹中產生大量氣體。 如果灰鱂無將呢啲氣體排出嚟， 佢哋就會浮到水面上-- 並成為路過鳥類的獵物。 而佢哋要擔心嘅唔止有掠食者。 堆積過量嘅氣體可能會 將佢哋嘅消化系統撐破。 研究人員曾發現數百隻死左嘅灰鱂， 因爲無放屁而喪命。 好彩對人類嚟講， 動物放屁並唔會直接傷害到人類— 除左影響我哋嘅食慾之外。 但係特殊情況下， 有啲動物嘅屁會造成意想不到嘅危險。 喺2015 年嘅秋天， 有架飛機因為煙霧警報器響起 而緊急迫降。 經進一步調查， 調查人員發現飛機並無起火， 只係喺貨艙内揾到 2000 幾隻山羊所放出嘅嗝同屁。 氣壓嘅變化， 導致佢哋排出大量嘅氣體。 好彩呢個山羊放屁嘅故事 並無讓人付出好大嘅代價。 但係世界上最危險嘅屁 實際上可能嚟自同羊一樣 平易近人嘅動物：唔起眼嘅牛。 世界上有近 10 億頭牛， 大部分都係為左生產 牛奶同牛肉而飼養嘅。 同羊一樣，牛係反芻動物， 即係話佢哋嘅胃有四個胃室， 幫助佢哋反覆咀嚼、消化同多次反芻食物。 呢個過程幫助佢哋從食物中獲得更多營養， 但佢同時亦都製造出好多氣體。 呢個係個問題，因爲牛排出嘅氣體之一 係甲烷-- 一種導致全球暖化嘅主要溫室氣體。 一公斤嘅甲烷 係大氣中吸收嘅熱量， 係一公斤二氧化碳吸收嘅十幾倍。 而因爲每隻牛每年會排放 多達 100 公斤嘅甲烷， 呢啲動物已經成為左 造成氣候變化最大嘅元凶之一。 所以，雖然其他動物嘅屁 可能更大聲、更臭，甚至更毒， 但牛嘅屁可能係 有史以嚟最危險嘅屁。
End of preview. Expand in Dataset Viewer.

Dataset Card for "ted-transcriptions-cantonese"

More Information needed

Downloads last month
50
Size of downloaded dataset files:
1.07 MB
Size of the auto-converted Parquet files:
1.07 MB
Number of rows:
249

Models trained or fine-tuned on indiejoseph/ted-transcriptions-cantonese