text
stringlengths 1
875
|
|---|
遇到啲節日，收到啲小禮物嘅機會就相對高啲，時近農曆年，食友所送贈嘅小禮物喺「Bonjour」曲奇，細細嘅一小盒，紅底白字，份外搶眼。拆開包裝盒，再睇睇旁邊嘅招紙，喺朱古力杏仁片曲奇，由於無加防腐，食用期大概只有兩星期。 |
一盒7片，塊塊做得大塊又墜手，朱古力味好夠濃，最緊要喺曲奇做得香脆鬆化，而且，混晌其中嘅杏仁片脆口，增添曲奇嘅口感，真喺一塊接一塊食唔停，轉眼就KO晒成盒。第一次試「Bonjour 」呢個品牌嘅曲奇，着實有質素，知道佢仲有其他口味，有機會都買啲嚟試吓先 題外話/補充資料 因為喺朋友送贈，所以，幾個細項評分嘅參考值唔大。 |
呢一篇諗咗好耐，究竟加唔加入「好友狂嚐曲」嘅系列，因為，嚴格嚟講，佢絕對唔喺曲奇，但個名稱又跟曲奇扯上關係，就喺嚟自「Rondavy's Artisan Kitchen」嘅Sconkie。粉藍色嘅包裝盒，仲要襯上喱士花帶，少女味十足，難以想像喺送俾小弟呢個麻甩佬作為生日禮物，實在太多謝友人餽贈。 |
咁咩叫做Sconkie呢？其實，取自Scone+Cookie，但完全唔太曲奇嘅元素，至少成份上牛油排到最後，份量佔得非常之少，只可以睇為迷你版嘅士乾，或者做成曲奇呎吋嘅士乾。內裡共有6款Sconkie ，全獨立包裝，跟住，再慢慢逐款細嚐，跟大家分享。 |
Earl Grey 睇佢外觀，就知用料十足，未食都已經聞到伯爵茶嘅香氣。入口，跟食一般嘅士乾分別唔太，乾乾哋身，軟軟腍腍，但茶味真喺濃郁。Sesame 輪到芝麻味，同樣喺芝麻味突出，咬到細碎嘅黑芝麻。 |
其實，士乾嘅質感唔喺人人都識欣賞，佢哋棄曲奇，而做成士乾，都有少少冒險。Ginger 睇樣就唔知哋點，要試吓先知龍與鳳。咬落，啲薑味確喺幾出，帶微微辛味。Garlic 蒜味嘅嘢一向討人歡心，因為夠香濃惹味。 |
呢粒士乾嘅蒜味，亦都夠晒強勁，未入口都聞到。Coffee 相對以上嘅味道嚟講，咖啡味則比較大眾化，但同樣做得出色，咖啡味都頗香醇，配番杯咖啡，一流啦！Cocoa 取而代之嘅，喺比朱古力更濃、更甘苦嘅可可口味。 |
可可味挺濃郁，帶微微嘅苦味，感覺不俗。文初都有講，Sconkie理論上視為迷你版嘅士乾，所以，放咗晌「好友狂嚐曲」嘅系列之內，明顯有點抽水之嫌，名符其實嘅偽曲奇食評，哈哈。 題外話/補充資料 因為喺朋友送贈，所以，幾個細項評分嘅參考值唔大。 |
一到農曆年，總會收到朋友所送嘅新年賀禮，其實，跟朋友講過好多次，真喺唔好嘥錢破費，但好些有心嘅朋友一定送上少少心意，實在感恩。紅噹噹嘅包裝盒，喺「奇華」嘅蝴蝶酥，佢哋嘅蝴蝶酥唔喺第一次接觸，知道甚具質素。 |
打開包裝，有啲驚喜，因為原來喺有3款口味，包括原味、咖啡味及黑白芝麻味，分開獨立包裝，每款口味有2包，每包有3件。原味蝴蝶酥 原味就梗喺食其牛油香啦，蝴蝶酥做得外形工整，蝴蝶形平均，又烘得金黃。入口非常鬆化香脆，甚有牛油香，好味。 |
咖啡蝴蝶酥 印象中都未食過咖啡味嘅蝴蝶酥，好似曬黑咗嘅蝴蝶酥，中間多咗一層深色嘅咖啡層，果然，食落咖啡味突出，效果真哋唔錯，做出嚟嘅外形亦無走樣。黑白芝麻蝴蝶酥 我記得舊年好似試過一次，喺以原味嘅基礎上混入黑白芝麻，入口除牛油香，就多添一陣陣芝麻香，脆口度依然，酥底水準穩定。 |
再次多謝好友送贈，讓我同家人又一之試到唔同味道嘅蝴蝶酥。 題外話/補充資料 因為喺朋友送贈，所以，幾個細項評分嘅參考值唔大。 |
補祝老婆生日，唔單止入嚟迪士尼玩番日，仲食番餐好嘅。之前嚟都喺晌樂園裡面嘅餐廳度食，今次就走出園外，到迪士尼探索家度假酒店嘅「雲龍軒」食晏，聽個名好中式，無錯，佢其實屬於家中菜館，但逢星期六、日、假期，中午會供應自助午餐。 |
順便講埋，每日朝早供應自助早餐，主要客群就喺酒店住客；而中菜就只有晚市時供應，客群相信酒店客又有，街客亦有。無論酒店又好，餐廳又好，小弟都喺第一次嚟，唔喺講笑，真喺要預早幾星期先訂到枱。由門口至餐廳內籠，裝修上都唔喺太強烈中國風，配搭走摩登路線，不過，天花吊起長達數十米嘅飛龍紙鳶，以及牆上多張精緻嘅彩色墨畫，頓時提升中式元素。 |
整體而言，個場其實頗舒服，地方大，樓底高，空間感強，尤其我哋被安排坐近窗邊，透進冬日陽光，更添活力。唔少大大細細嘅圓枱，非常適合家族活動，所以見唔少家長專登帶埋小朋友嚟慶生，更自備蛋糕。唯一挑剔，就梗喺部份位置枱櫈排得比較密啦。 |
嚟之前都有睇過吓其他人嘅食評，部份評語指嘢食少，我又唔覺得喎，種類幾齊全，至少以小弟咁擦得都試唔晒所有嘢啦，哈哈！食物區就晌入門右手邊，全集中於一處，唔使周圍游，而且，全部以開放式廚房設計，睇住師傅做菜，衛生做得好先敢咁做，兼不斷有新鮮菜式補上。 |
跟住落嚟，就等小弟逐個片區介紹！沙律、冷盤、壽司 晌度無提供一般自助餐常有嘅凍海鮮，唔知會唔會就喺咁而被人覺得少嘢食。一列層架有數款沙律菜，配3款醬汁，不過，就無咩其他配料，自助沙律吧嘅陣容弱啲，而預製沙律亦喺有幾款，例如綠茶醬田園沙律、泰式牛肉沙律、印尼加多加多沙律、天多尼雞肉沙律。 |
冷盤又有乜，數一數有層架中嘅燒吞拿魚配芥末香草醬，以及凍蝦同八爪魚薄片。壽司及壽司卷就放晌另一邊層架，壽司款式共4款，包括吞拿魚、甜蝦、八爪魚及三文魚，並有一整碟什錦壽司卷。第一道菜 揀咗啲沙律菜，再搭啲冷盤同生果，喺非常清新健康嘅前菜。 |
沙律菜好新鮮，入口爽脆，眾多款冷盤又各有特色，凍蝦彈牙鮮甜，而生果有益健康，多食無妨，當中菠蘿及蜜瓜非常之甜。熱盤、麵包 熱盤類分得比較散啲，十多款熱盤擺咗晌幾個片區。先喺晌沙律、冷盤隔離就有4款熱盤，金黃煎蝦餅、浸龍利柳配冬蔭公汁、意式燴牛肉、天多尼燒羊架。 |
再行過少少，麵包籃有3款歐陸式小麵包供應，跟住喺人參雞湯、廚師海鮮精選、喇沙汁香炒亞洲雜茶、咖喱牛油雞；繼續沿邊走，有多款中西式熱盤，如紅酒燴牛尾、咖喱龍躉頭腩、香辣紫洋蔥爆雞球、客家話梅扣鴨煲、菠蘿咕嚕肉、燒味……等等；走遠少少一張食物枱，仲有足料老火湯、什菌海鮮炆伊麵、金瑤海鮮炒飯、蒜泥鴨胸……美食。 |
中式冷盤 可能由於本身喺中餐廳，所以，加插一啲中式冷盤，如麻醬涼拌茄子、涼拌藕片小木耳、京式拍溫室小黃瓜、五香鹵水牛小排、五香鹵水墨魚片……等，對外國遊客而言，喺幾富中國特色。第二道菜 湯品就黐老婆嘅，食第二碟就以中式冷盤配熱食，啲藕片、青瓜好爽脆，正正可以平衡一吓啲肉類；而羊架燒得軟腍，牛尾燴得鬆化，件咖喱牛油雞超好食，咖喱香味富層次。 |
既然有咁多款式，就等小弟詳細介紹吓，左右兩邊有兩組甜品，分別左邊有蘋果撻、聖誕葡萄乾甜麵包、小蛋糕，就連放晌枱上嘅「士的」糖都可以拎架；右邊則有芒果奶凍、綠茶卷、聖誕樹蛋糕、什錦曲奇、椰汁馬荳糕、咖啡奶凍、咖啡千層糕。 |
中間位喺兩個凍櫃，一邊有3款意大利雪糕及多種配料，另一邊喺迷你件裝蛋糕，款式包括木糠布甸、紐約芝士蛋糕、旅行者蛋糕、蜜瓜杏仁豆腐、什果芒果啫喱、特濃朱古力蛋糕、綠茶紅豆雲呢嗱布甸、三色朱古力餅、藍莓芝士餅、歌劇院朱古力餅、檸檬杏仁撻、石榴水晶啫喱，足足成12款，又做得咁靚，真喺想試勻晒架。 |
最後要介紹喺點心喇，專登僻成一角，部份點心以蒸籠熱住，部份就以小木盒盛起，仲擺得好精緻，後面嘅廚房，小批量製作點心，保持新鮮度。選擇唔少，有燒賣、蝦餃、潮州粉果、叉燒包、鳳爪排骨蒸飯、香茜陳皮牛肉蒸飯，以及即拉韭黄鮮蝦腸粉及香茜叉燒腸粉，講到即搵拉唔喺隨口噏，睇住個女師傅仔晌後面密密拉，小弟專登就等到佢拉啲「新鮮」貨先拎呀；另一邊就仲有雞絲春卷、叉燒酥、迷你蛋撻、煎上海窩貼、炸奶皇包、荔芋煎堆仔、芝麻糊，咁多香口炸嘢，就連奶皇包都喺炸嘅，啱晒我啦。 |
第三道菜 既然放咗咁多資源做點心，所以，少有咁都試一試，除咗盅頭飯，樣樣都夾啲嚟一嚐。整體，啲點心做得唔差，蝦餃皮薄唔黏牙，啖啖蝦肉，煎堆仔香口充滿芝麻香，腸粉拉得夠薄夠滑。第四道菜 回吓氣之後，就喺大嘆甜品時刻，因為實在款式超多，取捨都唔容易。 |
所揀嚟嘅12款甜點，雖然老婆話有點偏甜，但小弟就覺得OK，而最欣賞喺蘋果撻、綠茶卷、旅行者蛋糕、特濃朱古力蛋糕、歌劇院朱古力餅、三色朱古力餅、石榴水晶啫喱，朱古力系嘅甜品水準高。結果，食完啲甜品超飽，啲雪糕想試卻要無奈放棄！ |
飲品 提供基本嘅選擇，都喺熱咖啡、熱紅茶、冰咖啡、冰紅茶及檸檬片。用餐期間，就沖杯凍檸茶，甜品時間就襯杯咖啡先。不過，最得意喺旁邊有啲細個時嘅扭扭糖果機，仲記得好似入兩亳就可以扭一次，好有童年回憶架。 |
其實，無需急於影相，因為每一個人物都會逐枱埋去同客人合照，而且，更有隨行「大會指定攝影師」，影完可以幫襯佢哋買番張大相連封套，如果唔想嘥錢，一樣可以俾部手機或相機佢，照幫你拍，而且，水準唔錯喎！最有趣喺有啲小朋友更着埋迪士尼朋友嘅打扮，以公主造型最多，更不時見到好多愛莎公主喺你面前走嚟走去，感覺奇幻，而我枱後嘅細路就成個鐵甲奇俠咁款，型到爆，真喺唔可以唔幫佢影番張相。 |
食完飯並未即走返去樂園，因為難得過到嚟，都順便探索一下迪士尼探索家度假酒店，對呢間酒店印象幾好，鍾意佢有種原野情懷，由酒店大堂到戶外地方，裝修都甚富特色。 嚟迪士尼就算唔住，入一入樂園，食餐飯，都喺頗高消費嘅活動，不過，又真喺令人幾開心嘅。 |
隔咗幾個月無出文寫曲奇喇，不過，再出就寫番篇好嘢先，就喺好友所送Habitu嘅聖誕曲奇，好嘢在於原來喺由城中名模Amanda Strang設計同監製，名為「Rudolph’s Biscuits」嘅紅莓朱古力榛子曲奇。 |
一身銀光閃閃嘅包裝盒，設計簡潔，卻幾搶眼，送禮絕唔怕失禮，而盒旁更有 Amanda對聖誕嘅分享。打開包裝盒，一盒有12片，每片均獨立包裝，予人衛生之感，而且，鋪滿紙碎在其中，減少碰撞整碎曲奇嘅機會，讓客人享用到每片完整嘅曲奇。 |
紅莓朱古力榛子曲奇色澤偏深，厚薄度啱啱好，咬落鬆脆，而且，好有榛子香味，此外，睇佢表面就知料足無欺場，曲奇混有好多紅莓乾及可可碎豆，的確好食。連續食咗幾塊，不可以不讚佢製作認真，幾片嘅大小、厚薄均一。 |
聖誕節喺普天同慶嘅日子，多謝好友送我一盒如此好食嘅曲奇，為小弟提早慶祝聖誕節。如果未諗聖誕送咩俾好朋友好，不妨考慮吓呢款曲奇！ 題外話/補充資料 因為喺朋友送贈，所以，幾個細項評分嘅參考值唔大。 |
跟一般嘅海綿蛋糕唔同，質感綿蜜好多，亦較為實淨啲，但不失鬆軟，帶微微濕潤，有蛋香得嚟而滲出陣陣蜂蜜嘅馥郁芳香，甜味感覺似喺無修飾過嘅自然，卻唔喺死甜嗰種，老婆就勁讚佢好食，不過，定價唔便宜啊！卒之試咗其中一款名物，有機會再到訪嘅話，就要試試其蘋果批，喺咪傳說中嘅美味。 |
今個中秋節所品嚐嘅月餅唔多，唔喺親友送嘅，就喺朋友俾，又或者同事拎返嚟公司一齊分享。所試到嘅大多數都喺奶皇，少部份喺傳統嘅蓮蓉或豆沙餡。如果講到最懷舊就要數到伍仁，依個年頭真喺唔喺個個識欣賞，偏偏我老婆佢又鍾意喎，因為少蓮蓉，而果仁對身體有益，佢話如果無埋啲金腿就完美喇！ |
正正就收到朋友嘅一盒「金腿伍仁月餅」，出自「金記冰室」嘅出品，唔單口味懷舊，就連個包裝都翻返去60、70年代，硬皮紙盒，嫦娥公仔。打開包裝盒，一盒4個，個個都好墜手，斤兩十足，全以獨立包裝，衞生乾淨。 |
其實，依一款月餅印象中兩年前都食過一次，今次再食，感覺無乜點走樣。餅面清晰印住金記冰室1967字樣，烘得金黃，切開睇到餅皮做得薄，填滿各種餡料，堆滿果仁之外，更加入乾果，仲食到一絲絲金華火腿絲，口感極之豐富。 |
今非昔比並唔喺指舊事物好過還是差過依家，只喺時代變化，有啲嘢無得比，正所謂今時唔同往日。雖然伍仁月餅未必喺「仁」見人愛，但仍有唔少知音人，就好似我老婆，佢就讚好食。早前就睇報紙有段小新聞，話內地網購最多嘅月餅竟然喺伍仁，孰真孰假真喺唔知，只當一則趣聞而已。 |
題外話/補充資料 因為喺朋友送贈，所以，幾個細項評分嘅參考值唔大。 |
新蒲崗又喺一個極少到訪嘅區域，若非友人調職到新蒲崗工作，又若非友人送上一小袋曲奇，真喺唔多會有咩食評寫呢區。多謝好友厚愛，不時送上點點心意，今次喺麵包小店「嚐麥手作」嘅出品。初時收到份曲奇，睇招紙，以為間店叫「嚐麥作手」，但上番網先搵到應該喺「嚐麥手作」，搞到唔肯定邊個名先啱！ |
「嚐麥作手」嘅熱爆招牌產品喺抹茶忌廉包，而收到友人嘅小禮物喺抹茶曲奇。曲奇嘅色澤深綠，外表無咩花巧，然而，入口頗鬆脆，而且，抹茶味非常突出，茶香得嚟帶微微甘苦，感覺好足料，搞到真喺心思思想試試佢嘅抹茶忌廉包。 |
雖然只喺一小包曲奇，唔單蘊含友人嘅心意，亦蘊藏餅廚嘅心思。 題外話/補充資料 因為喺朋友送贈，所以，幾個細項評分嘅參考值唔大。 |
去機場貴賓室都喺入去食吓嘢、攤抖吓等上機，不過，就唔喺小弟慣常嘅做法，通常喺搭廉航唔包飛機餐先會到訪一下機場貴賓室，當喺提早食個「飛機餐」；又或者搭晨早機，出門口乜都未食，最好就預早少少去機場辧妥登機証後，到機場貴賓室施施然嘆個早餐。 |
過咗離境禁區，最就腳就喺東翼嘅環亞機場貴賓室，所以，經常好多人排，最近，就見佢再前行隔幾步路設立咗「分店」，完全無人排，非常之好。一走入貴賓室，跟以前原有東翼嘅貴賓室格局差唔多，裡面空間好大，有餐枱位，有梳化位，柔和嘅燈光，予人感覺舒適、輕鬆。 |
最難得喺客人少，想坐邊度都得，拎食物就更加唔使排。其實一入門口無耐，就已經見喺開放底廚房，食物嘅種類或款式當然唔可以搵啲星級酒店比啦，但作為一頓早餐就已經非常足夠。沙律、湯粉麵、熱盤、點心、粥品、牛角包，仲有埋甜點添。 |
不過，太早未有湯粉麵及腸粉供應。再入啲，屈個灣，仲有麵包、曲奇、生果，以及果汁、汽水、咖啡、紅茶……等等冷熱飲品。卻喺無支裝水供應，想拎支上機飲都唔得。講明喺攝一攝食個早餐，份量原本都唔打算多，就唔會太多，志在樣樣試一試。 |
先喺一份迷你版自家揀嘅「全日早餐」，沙律菜配油醋、意大利蕃茄乾、車厘茄、黑橄欖、貝殼粉沙律、炒滑蛋、豬肉腸、茄汁豆及牛角包，配一杯冰涼橙汁。食物質素一啲都唔差，蕃茄乾油潤蕃茄味濃，豬肉腸唔喺平價貨色，皮脆有肉香，炒蛋夠晒嫩滑，反而牛角包雖富牛油香，但欠鬆化。 |
依家有唔少信用卡都讓卡主有免費享用貴賓室嘅服務，不妨多加利用，與其晌機場無乜地方好溜達，例不如入嚟飲杯咖啡，食件餅，抖一抖都好吖。 |
曲奇呢店市場，不斷都有新店加入，最近友人送嚟一盒有4mix曲奇俾小弟，包裝外觀精簡，有點格調，品牌名字叫「DX」，似喺一個新嘅品牌，因為未曾聽過呢間店，感覺比較陌生。再細心睇睇個包裝盒，原來喺Deluxe Bakery嘅出品，早前就啱啱試過其部份出品，感覺不俗。 |
盒底印住官網網址，上去八一八，網頁設計比較簡單，不過就唔喺有見到有關「DX」的介紹。但友人就話喺想開拓年輕人市場嘅副線，為針對年輕人市場，故產品都偏向迎合年輕人嘅口味。打開包裝，內有4層，每層都有12塊曲奇極齊咁排列，分別包括4種口味，其實，之後食落去，有啲喺有13塊一層，總之比盒底標明總數量48塊有多無少，跟住就同大家分享吓4款曲奇喺點。 |
堅果牛油曲奇 第一個印象就喺堅多堅果仁，曲奇內混入好多開心果、杏仁碎、腰果粒，所以，口味唔算咩新奇嘢，卻喺勝在極有口感，雖然牛油味唔算重，但曲奇本身十分鬆脆，此外，甜而不膩。紫薯紅豆曲奇 比較期待嘅一款口味，以紫薯作為曲奇嘅口味，加入紫薯粒提升個煙韌口感，再配合紅豆嘅清甜，但似乎未做到預期，因為個人覺得紫薯味未夠突出，紫薯粒亦發揮唔到煙韌感，而紅豆粒咬落比較硬身。 |
奶皇松子曲奇 4款口味中，以依款較有驚喜，一入口好有種食奶皇月餅嘅感覺，好似有朕鹹蛋黃香氣咁，內裡混滿松子仁，但曲奇身就唔算好脆口，口感比較粉，但味道真喺好有趣。有杯中國茶一齊，就絕配喇！比利時朱古力曲奇 睇個名就個賣點喺乜，唔喺吹水，朱古力好濃郁，帶少少苦味，甚有個性，曲奇本身好鬆脆，再加入朱古力粒，口感富層次，襯佢最好夾杯醇香嘅咖啡。 |
整體嚟講，牛油味真喺唔算好重，感覺會喺健康啲。幾款口味都做得有水準，但仲有啲改善空間，尤其個紫薯口味。 題外話/補充資料 因為喺朋友送贈，所以，幾個細項評分嘅參考值唔大。 |
今次依篇「好友狂嚐曲」好易寫，皆因美心嘅杏仁條晌「好友狂嚐曲系列」中曾經寫過，不過，依次收到嘅跟上次又有少少分別，就喺加入檸檬味嘅杏仁條。好多謝友人咁有心，一齊食餐飯都仲送包杏仁條俾小弟。老套啲介紹吓包嘢，每包內有6條杏仁條，每一條面面都黐滿杏仁片，有啲甚至連兩邊都黐咗唔少杏仁片，外觀烘得金黃。 |
雖然包裝面標榜佢有192層，但側望層次感唔算好分明，咬一口，確喺鬆脆，富牛油香而不膩，特別之處就喺再慢慢滲出一層層檸檬清香味，感覺唔會話好去膩，但就清新咗啲，而表層嘅杏仁片亦好脆口，轉眼間，一頓下午茶就KO晒。 |
依一類嘅杏仁條食過唔少，但每次收到都喺咁鍾意，作為下午茶，香脆嘅口感，襯杯咖啡，已經喺一份寫意。 題外話/補充資料 因為喺朋友送贈，所以，幾個細項評分嘅參考值唔大。 |
Panda Cafe嚟過一次，但已經喺5年前嘅事，跟上次一樣嘅都喺老婆教會搞活動，包晒成場，唔同嘅喺上次食夜晚，今次就嚟食晏晝自助餐。因為又喺有嘢幫手，所以，比人遲食，但又比人早要食完，不過，又唔喺要搏命回本，個半鐘時間都OK嘅。 |
我哋團體包場，當然有優惠價，但實際幾多就唔知。不過，都影低佢哋門口個水牌，有晒自助餐嘅詳情，俾大家當喺參考。個場環境喺點，一張相講晒，一就喺環境夠晒大，地方闊落；二就喺樓底高，空間感十足。總體俾人個感覺唔錯，服務亦算妥貼，收碗收碟頗快手。 |
跟住就講吓有咩食，當然，唔及上次食晚餐多選擇啦，至少無咁多貴嘢。刺身、壽司、冷麵 晚市有多幾款和式小食，而午市就只有3款刺身及幾款壽司、壽司卷，都見佢哋有輪流轉吓款；此外，仲有啲冷麵供應吓。老實講，試就無試架喇，但睇外觀啲質素都唔差，同枱教友都話有質素。 |
自選沙律吧 沙律吧有多款沙律菜做膽，配搭上10款配料及7款醬汁，已經可以做出好多配搭。冷盤 當期時實在太多人，都唔方便影相，隨意影咗張打底，記得晌眾多冷盤嘢，巴馬火腿、烤意大利黃青瓜、煙火腿粒就最得我心。 |
凍海鮮 午市自助餐嘅凍海鮮當然一早無咩期望，但都介紹吓有咩，分別喺大螺、凍蝦及青口，陣容就肯定唔太吸引，但配搭埋啲沙律、冷盤一齊食，其實都唔錯。頭盤 小弟嘅頭盤就由沙律、冷盤、凍海鮮，再加少少鮮果組成，夠晒清新健康。 |
基本上啲食材質素唔失禮，沙律菜冰涼爽脆，巴馬火腿油潤鹹香，凍蝦爽甜，伴以法式香草醬，簡單味美。熱盤、餐湯、麵包 依幾類食物就放晒晌餐廳中央嘅大長枱，菜式乜都有，有中式小炒、西式料理、印度咖喱、亞洲風味、和風精選、雞牛豬魚……等等大概13、4款，湯品就有中西湯各一款，不過，都喺大路嘢，唔似夜晚咁有燉湯飲；兩款麵包睇相就知亦喺普通款式，所以，整體嚟講，款式確喺唔少，屬大包圍式，但就唔會有咩意外驚喜。 |
開放式廚房 另一邊廂晌餐廳尾，有即煮粉麵、泰式粥品、天婦羅、烤肉……等等自助餐常有嘅項目。主菜 小弟嘅第二碟食物喺以肉類為主，拎咗烤西冷、燒豬柳、叉燒、烤雞、咖喱牛腩，再配少少蔬菜搭個芝麻餐包用嚟沾咖喱汁，唔好嘥。 |
對住成碟肉就梗喺食得開心啦，啲西冷同烤雞燒得唔錯。飲品 未講甜點，先講吓飲品方面，當然喺自助，但選擇普通，一邊有百事同七喜，另一邊就喺咖啡機，印象都好似唔覺有茶包或紅茶供應。甜品 大部份甜品放晒喺中央位置嘅甜品枱上，亦有少部份放晌餐廳尾左邊嘅小枱，又不時會轉款，夾夾埋埋十多款，都唔憂無選擇。 |
甜點拼盤 小弟慣順次序嚟食嘢，所以，第三碟食物就喺我嘅甜點拼盤，出到去甜品枱有咩就食咩。詳細就唔多講，因為唔喺好有特色嘅款式，都喺來來去去嘅大路嘢，慕絲蛋糕、芝士餅、奶凍、布甸之類，不過，質素都幾平均，算得上幾好食，雖然拎咗一大碟，但清晒半啖都無剩。 |
Movenpick雪糕 較為驚喜，喺午市竟供應Movenpick雪糕，一大櫃雪糕，無刻意考究有幾多款口味，一切隨遇而安，有咩味咪食咩味。見同枱對面幾個細路喺咁食，無5杯，都有4杯，佢哋仲喺收兒童價，翻晒本啦，小弟都唔弱，前後食咗3杯，哈哈！ |
前後試咗士多啤梨、意式奶凍及瑞士朱古力，呢個品牌唔使多介紹，雪糕底本身喺軟滑而富奶香，喺質素嘅保證。雖然3款口味都好食，但意式奶凍就最得我歡心，因為加入咗紅桑莓果蓉，令奶味更突出之餘，酸香細緻。雖然有「工作」晌身關係，但用餐時間都算啱啱好，變相嘅「三道菜」午餐，食得飽之餘，感覺都好滿足。 |
早前同朋友飯聚，一位老友送我La Famille嘅意大利芝士口味戚風蛋糕，而另一位老友就送我Isabelle嘅香榭牛奶夾心曲奇，晌度再次多謝老友厚愛，不時送上小禮物，曲奇就更喺喜愛零食，又可以有個唔單調嘅下午茶。 |
Isabelle嘅出品一向注重包裝，今回曲奇嘅包裝盒以湖水綠為主調，盒面印有巴黎地標艾菲爾鐵塔，以表示佢依個品牌喺嚟自法蘭西。不過，其實佢喺晌台灣出產！打開包裝盒，內裡共有12塊，塊塊獨立包裝，保證衞生。 |
依一種曲奇立時令我想起Tokyo Milk Cheese Factory嘅出品，均以兩片曲奇夾住餡料，可謂各有千秋，但同樣好食。 題外話/補充資料 因為喺朋友送贈，所以，幾個細項評分嘅參考值唔大。 |
今年食糉唔多，都喺品嚐過3家店嘅出品，今次就分享埋「功夫點心」嘅出品，有此機會都喺多謝友人送小弟一張瑤柱裹蒸糭套裝禮盒換領券，最好就喺任何一家店都可以換領。張換領券唔喺得隻糉，而喺一門三傑，包括家鄉鹹肉糭、豆沙鹼水糭及懷舊瑤柱裹蒸糭，禮盒外觀都幾大體，一邊配以水墨畫，感覺幾傳統味道。 |
打開一睇，當然以裹蒸糭最大隻，而鹹肉糭同豆沙鹼水糭呎吋相約，全以真空獨立包裝，感覺保鮮衛生，不過，食用期唔長，都喺大概兩星期時間左右。懷舊瑤柱裹蒸糭 除咗大隻，中切開都見到有好多料，包括綠豆、五花腩、燒鴨、鹹蛋黃、蓮子、瑤柱、冬菇……等等，份量十足。 |
糉身本身唔錯，食起嚟黏糯唔會太散。而各款材料亦有調過味，誘發出鹹香味，所以，整體真喺幾好食。家鄉鹹肉糭 跟裹蒸糭比，梗喺會有比下去嘅應感覺啦，因為，餡料主要只有豬肉同鹹蛋黃，食味比較簡單，食起嚟就比較傳統嘅感覺。 |
豆沙鹼水糭 都喺慣常嗰句，鹼水糉鍾意就好鍾意，否則就好唔鍾意，講得都幾癈，哈哈！小弟屬前者，覺得鹼水糉個質感幾特別，配豆沙，淋啲糖漿，當甜品嚟食都得。今次試過功夫點心嘅出品，雖然都喺傳統風味居多，無乜驚喜，但勝在穩打穩紮。 |
最後，藉此多謝好友相贈，不時晌啲大時大節都送上點點賀禮，時刻總有我心。 題外話/補充資料 因為喺朋友送贈，所以，幾個細項評分嘅參考值唔大。 |
日本過江龍La Famille這品牌出品嘅戚風蛋糕曾試過一次，之前嘅食評都介紹過佢哋晌戚風蛋糕界就算唔喺叱吒風雲，都稱得上享負盛名，試過一次感覺真喺唔差，唔喺浪得虛名。早前同朋友飯聚，多謝友人嘅小禮物，送我一個La Famille戚風蛋糕。 |
湖水綠嘅包裝盒，精簡得體。之前曾試嘅口味包括沖縄黑糖栗子、香濃開心果及英國伯爵茶，都喺有心思嘅出品，而友人所送嘅喺意大利芝士口味，啱啱好無重複。件戚風蛋糕嘅賣相喺一貫嘅精緻，蛋糕面唧滿一小球一小球意大利芝士，灑上薄薄嘅唂咕粉，再以一小隻朱古力花蝴蝶做襯托，精簡別緻。 |
切開睇睇，原以為上層喺原味戚風蛋糕，下層喺朱古力味戚風蛋糕，其實成個都喺原味，下層只喺外圍沾咗層朱古力漿而已。整個蛋糕都好鬆軟，有回彈力，入口輕綿到不得了，糕心中空而填滿帶微微咖啡味嘅馬卡風芝士，輕柔軟滑，做得一絲不苟。 |
多謝友人嘅餽送，讓小弟再一次品嚐咁美味嘅戚風蛋糕，再試都喺咁有水準。 題外話/補充資料 因為喺朋友送贈，所以，幾個細項評分嘅參考值唔大。 |
曲奇薈嘅蝴蝶酥就買過嚟送俾朋友，但自己就真喺未食過，多謝好友嘅小心意，我小弟都可以試番吓佢哋嘅蝴蝶酥。曲奇薈啲包裝簡約而精美，長型啲包裝袋再結隻絲帶蝴蝶。因為曾買過當禮物，知道佢哋嘅蝴蝶酥味道款式多，如玫瑰、芝士、肉鬆、桂花、朱古力、。 |
薰衣草、茉莉花、羅漢果……等等，而小弟所收嘅喺原味，8片裝。原味蝴蝶酥，先講外觀，型態如心，外形工整，塊塊大細一致，造型一欄合格先，不時見有啲蝴蝶酥真喺散開兩邊架。而且，烘焗得色澤金黃亮麗，令人望落都覺得吸引。 |
啪開一片蝴蝶酥睇睇，層次清晰而細密嘅酥皮層就知有幾酥化，咬一口真喺脆到不得了，啲碎碎散落到一碟都喺，又極富牛油香味，且相對少甜。蝴蝶酥喺幾邪惡嘅曲奇產品，越食越想食。講到蝴蝶酥，雖然曲奇薈經常被攞嚟同四奇四重奏相比，不過，正所謂各有長短，而人人嘅口味、喜好唔同，最緊要喺自己覺得好食啫。 |
又喺曲奇系列，今次好友送贈嘅喺Panash嘅腰果曲奇，凡喺堅果類曲奇我都鍾意食，因為，有咬口吖嘛。在此，先多謝好友心意，有你哋嘅餽贈，先延續到依個系列，亦釀小弟晌忙碌嘅工作中，歇一歇食啲曲奇當下午茶。 |
包裝精簡，透明膠袋裝住10片曲奇，袋面印有店家標誌。成份招紙晌包裝底，基本上可以講無乜特別，但意外發意竟然含有反底脂肪。厚身嘅腰果曲奇，本身嘅曲奇底入口鬆脆，啖啖都有牛油香味，甜而不膩，曲奇內有唔少腰果粒，難得唔會軋得太細碎而失去口感，當然無埋反式脂肪就更理想啦。 |
Panash嘅麵包故然出色，其出品嘅曲奇亦做得不俗，有機會可以再買其他款式試試。 |
一到過年，就收到啲朋友、親友所送嘅賀年糕點，年年如是，無一例外，故先多謝朋友及親友嘅厚愛。今年所收到嘅糕點，可歸納為嚟自4家餐廳或餅點，分4篇嚟評論吓，依一篇分享嘅喺奇華餅家嘅兩款糕點。兩款糕點分別喺桂花馬蹄糕同日本元貝蓮藕糕，同以真空包裝。 |
以往都品嚐過奇華嘅出品，但依兩款糕似喺新品，一甜一鹹，頗有新鮮感，尤其後者，蓮藕更喺老婆至愛食材之一。桂花馬蹄糕就算去酒樓飲茶食點心，都未必遇到有馬蹄糕，近年都好似少咗依一款糕點，其實馬蹄糕幾好食，清甜爽口。 |
切開睇睇，糕身晶瑩通透，見到內藏唔少馬蹄粒及糖桂花。馬蹄糕煎香後，桂花香已輕輕滲出，糕身柔軟而有點黏綿，咬正馬蹄粒就更清甜爽口。日本元貝蓮藕糕外觀有啲似芋頭糕嘅蓮藕糕都算軟冷門糕點，自問就未食過，但敢寫到明以日本元貝掛帥，自信嘅表現，糕內仲加埋臘腸、臘肉、冬菇、蝦米……等材料，睇落材料豐富。 |
將蓮藕糕煎香，外脆內軟，糕身蓮藕味唔錯，又混有粒粒蓮藕粒，半腍半爽咁，再者，加入咁多其他材料，口感豐富，好食無欺場。新糕品自然帶嚟新鮮感，難得新品質素又唔錯，好食又有驚喜。 |
北海道元貝蘿蔔糕，我估底糕嘅賣點都喺話用咗北海道元貝，用日本食材一向喺東海堂嘅作風。其實無論糕面，定糕身，瑤柱都喺多，大多數都喺臘腸同蝦米，糕身亦比較削，煎起嚟都易爛，同埋加咗唔少添加劑，食完有少少口渴感。 |
至於紫薯黑糖年糕，紫薯配黑糖，喺比較期待，外觀有啲似紅豆糕，簡單嚟講，只喺一般嘅年糕加入啲紫薯粒。煎好嘅年糕頗軟、頗黏，加入糖嘅成份應該幾多，中火煎無耐就好易變焦黑，而且，紫薯加得唔多，食味真喺無乜。 |
東海堂出品嘅甜點一向都頗有水準，而其出品嘅賀年糕點，以前亦曾品嚐過，不過，今次所試嘅兩款糕都喺一般般。 |
一到過年，就收到啲朋友、親友所送嘅賀年糕點，年年如是，無一例外，故先多謝朋友及親友嘅厚愛。今年所收到嘅糕點，可歸納為嚟自4家餐廳或餅點，分4篇嚟評論吓，依一篇分享嘅喺悠蔬食嘅兩款糕點。老婆近年偏向食素，佢本身亦好鍾意悠蔬食嘅餸菜，所以，佢哋出賀年糕品，當然要試吓。 |
兩款糕點分別喺羊肚菌蘿蔔糕同黑糖椰汁合桃年糕，同以真空包裝，細細盒，一餐半餐就食得晒。羊肚菌蘿蔔糕成份除白蘿蔔，仲有羊肚菌、冬菇、甘筍，無其他化學添加，雖然羊肚菌唔喺好多，但睇落都非常之素，非常健康。 |
蘿蔔糕味道比較清甜，感覺唔會太調味、太化學。第一回我哋用煎，糕身質感少少削身，所以，第二回我哋用蒸，感覺蒸嘅效果比煎好。黑糖椰汁合桃年糕成分唔使多講，主要就喺黑糖、椰汁、合桃，同樣無化學添加，叫人食得健康，但食用期非常短。 |
平常好多人都會沾蛋漿嚟煎，唔怕煎好黐埋一嚿嚿，其實，大火辣一辣底面，煎到可以外脆內軟，而且，疊住都未必咁易黐埋。件年糕入口清甜又帶少少椰香，外層有少少焦脆，內層十分軟糯。除咗依兩款糕，佢哋仲有一款松茸菌芋頭糕，無論邊款，因為喺素糕，老婆食得非常安心，唔使一邊食糕，一邊挑走啲臘腸、臘肉。 |
一到過年，就收到啲朋友、親友所送嘅賀年糕點，年年如是，無一例外，故先多謝朋友及親友嘅厚愛。今年所收到嘅糕點，可歸納為嚟自4家餐廳或餅點，分4篇嚟評論吓，依一篇分享嘅喺翠園嘅豐味芋頭糕。翠園唔使多介紹，美心大集團撐腰，當然後盾強大，出品應該幾穩定。 |
叫得「豐味」自自然然諗住會有好多種材料，睇番成份，主要都喺芋頭、臘腸及蝦米，無想像中落咁多種材料。芋頭糕都喺煎好食啲，味道較香口，糕內嘅芋頭粒切得比較大粒，其實，除咗糕面中心位有啲臘腸同蝦米，其餘位置都唔太多，感覺製作有少少迤，幸而糕身做得夠挺，易煎之外，入口較實在，又有芋頭香。 |
雖然夾着翠園嘅品牌，我本身都鍾意依間中菜館，但件糕嘅質素就唔算太高。 |
好耐無寫過朱古力系列食評，一來有啲朱古力小禮物無得寫，唔通收盒金莎都寫一大篇咩，二來有時喺朋友買嚟一大棚人一齊分享，咁就唔太方便影相、寫食評。最近過年前就收到朋友嘅大禮，龍島朱古力嘅「雞年賀歲朱古力及曲奇禮盒」，紅底金線年花包裝盒，連埋金絲帶，一片喜氣洋洋嘅感覺，送禮真喺非常得體。 |
End of preview. Expand
in Dataset Viewer.
Dataset Description
This dataset contains food reviews written in Yue (Cantonese), sourced from openrice, a popular restaurant review website. The dataset consists of user-generated reviews detailing restaurant experiences, food quality, ambiance, service, and other related topics. This dataset specifically focuses on reviews written in a spoken style, capturing the conversational and colloquial aspects of Yue.
Data Content
- Language: Yue (Cantonese)
- Source: openrice
- Type: User-generated food reviews
- Format: JSON Lines (JSONL)
Selection Criteria
The reviews in this dataset were chosen to reflect a spoken style, with emphasis on colloquial language and conversational expressions. The selection process involved:
- Manual Review of Reviewer Writing Style: Each review was manually examined to identify a casual, spoken tone, use of slang, or informal expressions.
- Downloads last month
- 50